3. Mose 21:6 - O Debleskro Drom 2021 (Sinte)

⁶ Tumer rashaja hunte djiwenn jaake, te han kokres tumaro Debleske, un hunte krenn tchi, hoi anell ladj ap leskro lab. Tumer han kolla, kai anenn leske chapen, hoi well leske chatchedo. Doleske hunte krenn tchi, hoi krell tumen pale-tchiddo.

O Debleskro Lab 2024 (Sinte-Manouche)

⁶ T'mer rashaya hounte djivenn yaake, te han kokres t'maro Debleske, oun hounte krenn či, hoy anell ladj ap leskro lab. T'mer han kolla, kay anenn leske rhapen, hoy vell leske rhačedo. Doleske hounte krenn či, hoy krell t'men pale-čiddo.

3. Mose 21:6 Referans Kwoze

3. Mose 18:21

Tu chatchress kek tire tchawendar o chocheno debleske Moloch. Sau koowa sikrals, te hom me, tiro Dewel, tuke tchi moldo. Me hom o baro Dewel!

3. Mose 3:11

Un o rashai chatchrell kowa lauter ap o Debleskri chatchepaskri. Kolla hi kol kotja o viechestar, hoi o baro Debleske hi.

1. Petro 2:9

Tumer han kolla, kai o Dewel peske win rodas. Tumaro baro rai hi o Jesus Kristo. Koleskre rashaja han tumer, te wenn leske koi. Tumer han o Debleskre menshe, kolen job khetne gole das, te penenn tumer i menshenge, hawo baro un latcho koowa o Dewel kras. Job las tumen dran i rati win, un anas tumen pash peste, kai hi lauter shukar un djudjo.

Ezekiel 44:7

Tumer mukan wawar menshen an miro kheer dren, sawen kolengro dji gar mange hi, un kai hi gar tchinlo ap pengro mass. Jaake kran, te was miro kheer pale-tchiddo. Jon his koi pashel, har anan tumer chapen un thulepen un rat glan mande. Jaake phagan tumer, hoi mer win kram. Koi pashel well kau tselo djungelo kowa, hoi kran.

Jesaja 52:11

Djan win! Djan win! Djan kotar win, un taprenn tchi an, hoi pale-tchiddo hi! Tumer rashaja, kai hidjrenn o baro Debleskro koowa, djan dran Babilonia win, un thowenn tumen jaake har glan tchinlo hi, te han djudjo glan o Debleste!

Esra 8:28

Un me penom ap lende: “Tumer han o Debleske wi-rodedo, un kol tsele kotja hi o Debleske ap i rig tchiddo: Un ko rup un ko sonakai was o Debleske dino dran o menshengro kamlepen. Jon dan kowa pendar o baro Debleske, koles ninna pengre phure an-mangan.

3. Mose 21:8

Tumer Israelitarja, i rashai hi tumenge i Debleskro mursh! Job chatchrell glan mande o chapen, hoi mange anlo well. Doleske well lo tumenge i mursh, koles wi-rodom, te budrell lo mange. Me hom o baro Dewel. Kek wawar hi har me. Un tumen rodom mange win, te wenn mire menshe.

3. Mose 19:12

Ma denn tumen i chocheno sowel pash miro lab! Sau koweha anenn tumer ladj ap miro lab. Me, o baro Dewel, hom tumaro Dewel.

3. Mose 10:3

O Mose penas ap o Aron: Kawa hi, hoi o baro Dewel rakras, har penas lo: Kamau, te dikenn kolla, kai wenn glan mande, te hom me kokres o tchatcho Dewel. Glan i tsele menshende kamau te wap sharedo. O Aron penas kek lab.

2. Mose 29:44

Jaake lau miro plachteno kheer un i sasterni chatchepaskri mange, ninna o Arones un leskre tchawen, te wenn le mange rashaja.

2. Mose 28:36

An i tikno kotar latcho sonakai tchin kol laba: “Kowa hi o baro Debleske”, un pande ko kotar sonakai ap i dori dran blaueto kutch bakrengro bal glan ap o shereskro pandepen.

2. Mose 19:22

Ninna i rashaja, hoi wenn glan mande, hunte krenn pen djudjo mange, te merenn le gar!”

3. Mose 21:17

Pen ap o Aron: Kek tire tchawendar, kai pal tute wenna, well glan o Debleskri chatchepaskri, te anell lo chapen glan peskro Debleste,

3. Mose 21:21

Kek mursh, kai well o rashajestar o Aronestar, un kai sawo koowa ap peste hi, nai well glan o Debleskri chatchepaskri, te chatchrell lo chapen o baro Debleske.

3. Mose 20:3

Me dikau tchilatches ap hakeneste, kai kowa krell, un me mukau les buder gar te djiwell mank peskre menshende. Job das jek peskre tchawendar o Molocheste, un kras jaake miro kheer pale-tchiddo, un kras mantsa, har te woms gar kokres o tchatcho Dewel.

3. Mose 21:23

Pash ko wudar dran than, hoi glan koi kutch isema hi, nai djal lo gar, witar gar pash o Debleskri chatchepaskri, te krell lo o Debleskro kheer gar pale-tchiddo. Me hom o baro Dewel, un rodom kau kheer win, te hi lo mange.

4. Mose 16:5

un penas ap o Korach un ap kolende, kai pash leste his: “Taissar penell o baro Dewel, koon leskre menshe hi, kones job peske wi-rodas, un koon nai well pash leste. Un kones job win rodella, kowa nai well pash leste.

4. Mose 28:2

Pen ap i Israelitarja: Tumer hunte denn jak, te anenn an o tchatcho tsiro ko koowa, hoi denn o Debleste, – ko chapen, hoi well leske chatchedo un koleskro sungepen leske shukar sungella.