3. Mose 20:23 - O Debleskro Drom 2021 (Sinte)

²³ Ma djiwenn pal ko koowa, pal kowa i wawar menshe djiwenn, kolen me glan tumende win tradau. Jon kran kau tselo pale-tchiddo koowa, un wan infam glan mire jaka.

O Debleskro Lab 2024 (Sinte-Manouche)

²³ Ma djivenn pal ko koova, pal kova i vavar menshe djivenn, kolen me glan t'mende vin tradau. Yon kran kava tselo pale-čiddo koova, oun van infam glan mire yaka.

3. Mose 20:23 Referans Kwoze

5. Mose 9:5

Hi gar doleske, te wans latche menshe un tumen wals i djudjo dji, te wenn tumer an ko them, te lenn les tumenge dren. Na-a, tumaro baro Dewel tradell kol menshen win ko tchilatchepaske, hoi le kran, te rikrell job koi sowel dren, hoi lo tumare phurende, o Abrahames un o Isaakes un o Jakobes, das.

3. Mose 18:24

Ma krenn tumen sau koweha pale-tchiddo! Kowa lauter kras kol wawar menshe pale-tchiddo, kolen me glan tumende dran o them win tradau.

3. Mose 18:30

Doleske, djiwenn jaake har me tumenge penom! Ma krenn ko pale-tchiddo koowa, hoi kolla kran, kai glan tumende kate his! Ma krenn tumen sawo koweha pale-tchiddo! Me, o baro Dewel, hom tumaro Dewel.

3. Mose 18:3

Ma djiwenn jaake har i Egiptarja, an kolengro them djiwan, witar gar har kolla an o them Kanaan, kote kai tumen anau. Ma djiwenn pal lengro koowa.

3. Mose 18:27

hoi kolla kran, kai glan tumende kate djiwan un o them pale-tchiddo kran.

Zakarie 11:8

Un an jek tchon krom me, te hunte djan penge kol triin wawar bakrengre. Me nai dikom len buder gar glan i jaka. Un jon his chojedo ap mande.

Debleskri gili 78:59

Har o Dewel kowa shunas, was lo jaake chojedo, te das lo o Israel pre.

3. Mose 18:25

O tselo them was koleha pale-tchiddo kerdo. Me anau lengri doosh ap lende pale, un krau, te wenn kol menshe win tradedo dran ko them, kai le djiwenn.

3. Mose 18:2

Pen ap i Israelitarja: Me, o baro Dewel, hom tumaro Dewel.