3. Mose 2:1 - O Debleskro Drom 2021 (Sinte)

¹ Te kamell jek i chapen dran djob glan o baro Debleste te anell, palle anell lo latcho jarro un tchorell djet pral wergel un tchiwell sungepaskro koowa koi pral.

O Debleskro Lab 2024 (Sinte-Manouche)

¹ Te kamell yek i rhapen dran djob glan o baro Debleste te anell, palle anell lo lačo yarro oun čorell djet pral vergel oun čivell soungepaskro koova koy pral.

3. Mose 2:1 Referans Kwoze

Debleskro tsiro 8:3

Un i wawar bolepaskro was, un djas pash o Debleskri chatchepaskri. Les his i sonakaskro tcharo an o wast, an koleste gudlo kasht chatchedo wella, hoi mishto sungella. Un ko bolepaskro las bud gudlo kasht, te chatchrell lo les ap o Debleskro sonakaskro bob, hoi glan o Debleskro beshepaskro tardo hi, te well o latcho sungepen khetne o mangepah, hoi o Debleskre tchawe o Deblestar mangan.

Jesaja 66:20

Un kolla anenn tumare phralen dran i tsele themma pale, te denn le len o baro Debleske. Ap miri berga an Jerusalem anenn le len ap graja, un ap wurdja, hoi pre hi, un an wurdja, hoi pandlo hi, ap maultikre burike un ninna ap khamele, penell o baro Dewel. Jon anenn len jaake har i Israelitarja anan djob an djudje tchare an o baro Debleskro kheer.

3. Mose 9:17

Ninna anas lo ko jarro, kai djet dren hi, las i wast pherdo un chatchras les ap i chatchepaskri, jaake har kras lo ap i tsalla, har lo o vieches o Debleske anas, koleskro tselo mass chatchedo was.

Judas 1:20

Tumer, mire phrala un phenja, atchenn soreles an tumaro patsepen, hoi das tumen o Dewel. Un mangenn les jaake, har leskro Ducho an tumende kamell.

1. Johanni 2:27

O Jesus Kristo das tumen o Debleskro Ducho. Kowa atchell an tumende. Doleske hunte well tumen kek wawar sikepaskro. O Debleskro Ducho sikrell tumende o tselo Debleskro drom. Un lauter, hoi job tumende sikrell, kowa hi tchatcho un kek chochepen. Krenn kowa, hoi o Debleskro Ducho tumende sikrella! Jaake atchenn tumer o Jesus Kristeha khetne.

1. Johanni 2:20

Tumer lan o Debleskro Ducho, un lestar djinenn tumer kowa lauter.

Johanni 6:35

O Jesus penas lenge: “Me hom ko maro, kai della ko djipen. Koon pash mande wella, koles well buder kek bok. Un koon ap mande patsella, koles well buder kek trush.

Maleachi 1:11

O baro Dewel, ko rai pral o bolepen un i phub, penell: Fun kotar, kai o kham pre djala, bis kote kai o kham tele djal, well miro lab sharedo pash kolende an i wawar themma. An bud gaba un forja chatchrenn le mange sungepaskro koowa un viechen, hoi hi latcho an mire jaka. Kolla lauter sharenn miro lab.

Joel 2:14

Koon djinell, te rikrell lo ninna kau kopo i phagi pale, un mukell djob un drake bares te well, te nai anenn tumer jarro un mool o baro Debleske, kai hi tumaro Dewel.

2. Mose 29:2

Le ninna latcho jarro, tchip kek shutlo jarro dren, un kre pesse un sane mare, ninna merklia. An i merklia tchip djet dren, un ap i sane mare mak djet pre.

Joel 1:9

Djob un mool hi buder gar koi, hoi nai wals dino o baro Debleste an leskro kheer. I rashajenge hi ropaske. Len hi buder tchi, te anenn le o baro Debleske.

3. Mose 5:11

Te hi kowa, kai doosh ap peste anas, jaake tchorwelo, te nai anell lo gar dui taube, palle anell lo jek kilogrammi latcho jarro o baro Debleske, te well leskri doosh krik lino. Job hunte tchiwell kek djet pre, witar kek sungepaskro koowa. Kawa hi i chapen, hoi o Debleske anlo well, te well i doosh krik lino.

4. Mose 8:8

Tu less i terno gurum, un koi pashel chapen o Debleske: jarro, kai djet mashkral hi. Un i wawar terno gurum less tu chatchepaske o Debleske, te well i doosh krik lino.

4. Mose 18:9

Tuke hi kol tsele kotja, hoi wenn gar pre-chatchedo kol tsele viechendar, hoi denn le mande, te well lengri doosh krik lino un te well lauter pale mishto, ninna ko tselo chapen, hoi denn le pashel. Kowa halauter hi mange kutch, un me dau les tute un tire tchawende.

4. Mose 28:5

Koi pashel jaake jek kilogrammi latcho jarro, hoi was khetne dino jek litari djeteha.

Jesaja 43:23

Kol bakre, hoi anal, te wenn le chatchedo, his gar mange. Un kol viechentsa, hoi mange maral, sharal man gar. Me krom tuke kek budi i djobeha, hoi mange chatchrals, un krom tut gar khino o sungepaskro koweha, hoi mange chatchrals.

3. Mose 6:7

Un jaake hunte well kerdo o jarreha, hoi o baro Debleske dino well. I rashaja dran o kheer Aron anenn les glan o baro Debleste pash koi chatchepaskri.

3. Mose 9:4

Anenn ninna i gurum un i mursh bakro, te maras mer len glan o baro Debleste, un chan len kote khetne. Koi pashel anenn jarro, kai djet dren hi, te chatchras mer les o baro Debleske. Kau diwes hi ko diwes, kai o baro Dewel pes tumenge sikrell.”

3. Mose 14:10

Ap o ochtato diwes anell lo dui terne bakre, hoi mursha hi un sasto, un jek bakri, hoi jek bersh phuro un sasto hi. Ninna anell lo triin kilogramme latcho jarro, kai djet dren hi, te well kowa glan o baro Debleste anlo. Koi pashel anell lo i khoro djet.

3. Mose 24:7

Tchip latcho sungepaskro koowa ap kal mare. Ko sungepaskro koowa well chatchedo o baro Debleske, un jaake well siklo, te hi kal mare o baro Debleske.

Ezekiel 46:20

Un job penas ap mande: Kowa hi koi isema, kai kerenn i rashaja ko mass kol viechendar, hoi maredo wan, te well i doosh pale mishto, ninna kol viechendar, kai maredo wan, te well i doosh un o pale-tchiddo koowa krik lino, un kai le pengro maro pekenn dran ko djob un dran ko djet, hoi o Debleske dino was. Jon hunte hidjrenn kowa gar ap i bari glanstuni platsa, te taprenn gar i menshe kowa an, hoi o Debleske hi.