3. Mose 19:2 - O Debleskro Drom 2021 (Sinte)

² Pen ap i tsele Israelitarja: Me, o baro Dewel, hom tumaro Dewel. Kek wawar hi har me. An mande hi kek tchilatchepen. Un tumer hunte djiwenn jaake har i Debleskre menshe djiwenn.

O Debleskro Lab 2024 (Sinte-Manouche)

² Pen ap i tsele Israelitarya: Me, o baro Devel, hom t'maro Devel. Kek vavar hi har me. An mande hi kek čilačepen. Oun t'mer hounte djivenn yaake har i Debleskre menshe djivenn.

3. Mose 19:2 Referans Kwoze

3. Mose 20:7

Me, o baro Dewel, hom tumaro Dewel. Doleske awenn mange kokres koi. Tchi hunte well tardo mank mande un tumende!

Mateo 5:48

Tumer hunte wenn jaake latches ap i menshende, har tumaro dad an o bolepen hi latches ap i menshende.

3. Mose 20:26

Me hom o baro Dewel. Kek wawar hi har me. An mande hi kek tchilatchepen. Un tumen rodom win dran i wawar themma, te wenn tumer miro. Doleske hunte wenn kokres mange un djiwenn har i Debleskre menshe djiwenn.

2. Mose 19:6

un han wi-rodedo, te wenn bare raja un rashaja, kai hi mange koi.’ Kal laba peness tu ap i tsele Israelitarja.”

3. Mose 21:8

Tumer Israelitarja, i rashai hi tumenge i Debleskro mursh! Job chatchrell glan mande o chapen, hoi mange anlo well. Doleske well lo tumenge i mursh, koles wi-rodom, te budrell lo mange. Me hom o baro Dewel. Kek wawar hi har me. Un tumen rodom mange win, te wenn mire menshe.

2. Korintarja 7:1

Mire phrala, kol latche labentsa penas o Dewel, hoi kamell lo menge te krell. Doleske mukas mer kol tselo djungelo koowa, un kras mare djia djudjo, te djiwas latches un tchatches glan o Debleste, jaake har job mendar kamella.

Amos 3:3

O Amos penas: Nai denn pen dui mursha khetne ap i drom, un kran gar win, kai te taprenn le pen? Na-a!

Efesarja 1:4

Har o bolepen un i phub gar koi his, rodas lo men win, te djas ap o Jesuseskro drom. Job rodas men win, te dell lo men i djudjo dji, te hatsell lo kek doosh ap mende. Jaake bud kamas lo men,

3. Mose 19:1

O baro Dewel penas ap o Mose:

Josua 24:19

Kote penas o Josua ap i tsele menshende: “Kowa nai wals tumenge phares, o baro Debleske koi te well. Kek wawar dewel hi har job hi. Un job kamell tumendar, te mangenn les kokres an. Te djan tumer leskro dromestar tele un hadenn tumen pral leste, bistrell lo kowa gar.

1. Samuel 2:2

Kek hi jaake baro un tchatcho har o baro Dewel. Dell kek wawar Dewel har job. Ap kekeste nai rikrah men har ap maro Debleste.

Debleskri gili 99:3

Mu hadenn le lauter tiro baro un railo lab! Tu kokres hal o tchatcho Dewel.

3. Mose 21:15

Kowa hunte krell lo, te lell lo gar tchawe, kai pale-tchiddo wans. Me hom o baro Dewel, un rodom les mange win, te well lo miro rashai.

3. Mose 21:23

Pash ko wudar dran than, hoi glan koi kutch isema hi, nai djal lo gar, witar gar pash o Debleskri chatchepaskri, te krell lo o Debleskro kheer gar pale-tchiddo. Me hom o baro Dewel, un rodom kau kheer win, te hi lo mange.

5. Mose 27:10

Doleske shunenn ap leste, un rikrenn tumen ap leskre laba un ap leskro tchatchepen, hoi tumenge kau diwes penau!”