3. Mose 19:11 - O Debleskro Drom 2021 (Sinte)

¹¹ Ma tchorenn! Ma rakrenn chochepen! Ma krenn chocheno koowa jek o wawareske!

O Debleskro Lab 2024 (Sinte-Manouche)

¹¹ Ma čorenn! Ma rakrenn rhorhepen! Ma krenn rhorheno koova yek o vavareske!

3. Mose 19:11 Referans Kwoze

2. Mose 20:15

Ma tchore!

Efesarja 4:25

Ma chochenn buder! Mer ham lauter phrala un phenja. Doleske rakrenn o tchatchepen jek o wawareha!

Debleskri gili 101:7

Kolla, kai rakrenn dui tchipjentsa, nai atchenna gar an miro kheer, un i chochene hunte djan mange dran i jaka.

Remarja 3:4

Na-a, kowa kras lo gar. O Dewel hi tchatcho. Hako mensho hi i chocheno. An i Debleskri gili hi tchinlo: Tu, mo Dewel, lauter, hoi rakreh, hi tchatcho. Kek nai well un penella, kai tire laba gar tchatcho hi.

5. Mose 5:19

Ma tchore!

Debleskro tsiro 21:8

Kol wawar djan an i bari jag, hoi soreles chatchella un khandella. Kote merenn le o duito kopo. Jon hi kolla, kai i darjatar gar mantsa djan, kolla, kai phukran ap pengro patsepen, kolla, kai djungelo koowa kran, kolla, kai maran wawaren, kolla, kai lubran pen trujel, kolla, kai bengeskro koowa kran, kolla, kai mangan wawar koowa an har o Debles, un i tsele chochene.

1. Timoteo 1:10

O Moseskre laba wan tchinlo kol murshenge, kai sowenn wawar djuwjentsa, un kol djuwjenge, kai sowenn wawar murshentsa. Kol laba wan ninna tchinlo kol murshenge, kai sowenn i murshentsa un tchawentsa. Kol laba wan tchinlo kolenge, kai tchorenn menshen un bikrenn len, un kolenge, kai penenn o chochepen, un kolenge, kai denn pen chochenes sowel. Un te dell wawar koowa, kai o Debleskro lab lestar penella, te kras mer kowa gar, palle wan o Moseskre laba kolenge tchinlo, kai kowa krenna.

Efesarja 4:28

Koon tchoras an peskro phuro djipen, kowa tchorell buder gar! Job hunte budrell peskre wastentsa, te well les doha djipaske, un te nai dell lo ninna i tchorwelen tchomone.

Jeremia 6:13

Kol baren un kol tiknen hi bok ap brawlepen, hoi gar lengro hi. Un o Debleskre rakepangre un i rashaja chochenn i menshen,

Debleskri gili 116:11

Homs jaake phagedo, te penom: “I tsele menshe hi chochene.”

2. Mose 22:7

Te well ko tchorepaskro gar hatslo, palle dell pes ko mursh, dran koleskro kheer ko koowa tchoredo was, glan o Debleste sowel, te tchoras lo ko koowa gar kokres.

2. Mose 22:1

Te well i tchorepaskro tapedo, har job rati an i kheer dren phagell, un well jaake dino, te merell lo, hi koles, hoi les das, kek doosh ap leskro rat.

2. Mose 20:17

Ma rode, har nai less tu kowa tuke, hoi i wawares hi: leskro kheer, leskri romni, budepaskro, budepaskretsa, grumni, burika, tchi, hoi i wawares hi.

1. Rajengro liil 13:18

Kote penas o phuro ap leste: “Me hom ninna i Debleskro rakepaskro har tu, un i bolepaskro o baro Deblestar penas mange: ‘An les khere pash tute, te nai chal lo maro un te nai pijell lo pani!’” Chochepen his kowa, hoi ko phuro penas.

2. Mose 20:16

Ma an kek chochepen pre ap jekeste!

2. Mose 23:1

Tu rakress kek koowa dureder, hoi tu shunal, un tu gar djineh, te hi kowa tchatcho! Ma choche i wawareske, kai anas doosh ap peste!

3. Mose 19:10

Jaake krenn ninna tumare drakentsa. Har anan len dren, ma djan i duito kopo ap ko kotar phub, te anenn kolla dren, kai pral atchan, witar gar sawe, kai tele peran. Kol tchorwelenge, un kolenge dran i wi-them, mukenn len pral! Me, baro Dewel, hom tumaro Dewel.

2. Samuel 17:20

Un o Absalomeskre mursha wan pash kol djuwjate an o kheer un putchan latar: “Kai hi o Ahimaaz un o Jonatan?” Penas li ap lende: “Jon djan dureder pash o pani.” Un har kol mursha len rodan un len gar hatsan, djan jon pale an o foro Jerusalem.

Gosewe laba 24:28

Ma an chochepen pre ap i wawareste! Pen o tchatchepen!