3. Mose 18:21 - O Debleskro Drom 2021 (Sinte)

²¹ Tu chatchress kek tire tchawendar o chocheno debleske Moloch. Sau koowa sikrals, te hom me, tiro Dewel, tuke tchi moldo. Me hom o baro Dewel!

O Debleskro Lab 2024 (Sinte-Manouche)

²¹ Tou rhačress kek tire čavendar o rhorheno debleske Molok. Sau koova sikrals, te hom me, tiro Devel, touke či moldo. Me hom o baro Devel!

3. Mose 18:21 Referans Kwoze

5. Mose 12:31

Ma krenn sau kowa tumaro baro Debleha! Kowa lauter, hoi jon pengre deblenge kran, hi djungelo un tchilatcho glan o baro Debleskre jaka. Ninna pengre mursh tchawen un pengre tchen chatchran le lenge an i jag.

3. Mose 19:12

Ma denn tumen i chocheno sowel pash miro lab! Sau koweha anenn tumer ladj ap miro lab. Me, o baro Dewel, hom tumaro Dewel.

5. Mose 18:10

Kek mank tumende hunte chatchrell peskro mursh tchawes oder peskri tchat an i jag o Debleske. Kek mank tumende hunte well i durkepaskro, kek i drawepaskro, kek, kai krell wawar bengeskri koowa,

3. Mose 22:32

Ma anenn ladj ap miro lab! Tumer, Israelitarja, hunte djinenn, te hom me kokres tumaro Dewel! Me, o baro Dewel, rodom tumen win, te wenn mire menshe,

Bičepangre 7:43

Tumer hidjran ko kheer trujel, kai o Moloch dren hi. Ninna hidjran koi bolepaskri momeli tumentsa, kai Refan kharedo wella. Kol dujen kran tumer tumare wastentsa, te nai mangenn len an. Doleske tradau me tumen dran tumaro them win, un anau tumen pandlo an o them Babilonia, un dureder.

Maleachi 1:12

Tumenge hom tchi moldo, te penenn tumer: ‘Koi chatchepaskri o baro Deblestar hi tchi moldo. Anas leske tchomone, hoi ninna tchi moldo hi!’

Jeremia 19:5

Un ko chocheno debleske, hoi kharell Baal, kran le chatchepaskre platse, te chatchrenn le pengre tchawen leske. Kowa penom me lenge gar. Sawo koowa was kek tsiro an miro shero, te penoms ap lende: ‘Krenn kowa.’

1. Rajengro liil 11:33

O Salomo mukas man, un mangas i Astarte an, kai debletsa, hoi i Sidonarja an-mangenn. Ninna mangas lo o Kemosh an, ko dewel, hoi i Moabarja an-mangenn, un o Milkom, ko dewel, hoi i Ammonarja an-mangenn. Job djas gar ap mire dromma un kras gar, hoi mishto hi glan mire jaka. Pal mire laba un miro tchatchepen djiwas lo gar, har kowa leskro dad, o David kras.

1. Rajengro liil 11:7

Ap i berga glan o foro Jerusalem kras o Salomo i mulni platsa, kai mangan le o djungelo debles an, kai kharell Kemosh. Koles mangan i Moabarja an. Ninna kras lo i mulni platsa, kai mangan le o Moloch an, ko djungelo debles, koles i Ammonarja an-mangan.

3. Mose 22:2

Pen ap o Aron un ap leskre mursh tchawende, te djan le mishto trujel ko koweha, hoi i Israelitarja mange anenn, te anenn le kek ladj ap mande. Me hom o baro Dewel.

Amos 5:26

Kanna hi jaake, tumer kran tumenge dui figuren, te mangenn len an: o Sakkut, koles kharenn ‘baro rai’ un o Kaiwan, koles kran har i sterna. Doleske hunte hidjrenn tumer kolen tumentsa

Ezekiel 23:37

Jon chochran man wawar murshentsa, un maran menshen. Pengre chochene deblentsa chochran le man. Un kolenge dan le pengre tchawen chapaske, – kol tchawen, kai ninna mire tchawe his!

Ezekiel 20:31

Bis ap kau diwes chatchrenn tumer viechen kol chochene deblenge, un krenn tumen jaake pale-tchiddo. Ninna chatchrenn lenge tumare tchawe. Un me mukap man tumendar dran o kheer Israel, te putchell? Pash miro djipen, penell o baro Dewel, maro rai, dau man sowel, te mukau man gar tumendar te putchell!

Jeremia 7:31

Un kran an koi tala Ben Hinnom i chatchepaskri, hoi kharell Tofet, te chatchrenn jon pengre tchawen un tchen. Sawo koowa penom me lenge gar. Un kowa was mange gar an o shero.

2. Rajengro liil 23:10

O Josia kras ninna koi platsa pale-tchiddo, hoi kharella Tofet, un hi an i tala Hinnom tchiddo. Kowa kras lo, te nai chatchrell kek peskro tchawes witar gar peskri tchai an i jag o chocheno debleske Moloch.

2. Rajengro liil 21:6

Un job mukas peskro tchawes an i jag te djal un shunas ap tchirklengre golja un wawar sikepen, un rikras peske drawepangre un sawe menshen, kai i mulen putchan. Jaake kras lo bud koowa, hoi tchilatcho hi glan o baro Debleskre jaka, te choirell lo les.

2. Rajengro liil 16:3

Na-a, job djas ap kol dromma, kai kol bare raja dran o them Israel ninna djan. Ninna mukas lo peskro tchawes an i jag te chatchrell, jaake har kowa kol menshe kran, kai o baro Debles gar prindjrenn un sawo djungelo koowa krenn. Kolen tradas o baro Dewel glan i Israelitarja dran o them win, te nai djiwenn i Israelitarja koi dren.

3. Mose 21:6

Tumer rashaja hunte djiwenn jaake, te han kokres tumaro Debleske, un hunte krenn tchi, hoi anell ladj ap leskro lab. Tumer han kolla, kai anenn leske chapen, hoi well leske chatchedo. Doleske hunte krenn tchi, hoi krell tumen pale-tchiddo.

Remarja 2:24

Jaake hi kowa tchinlo an o Debleskro lab: Dran tumende rakrenn i wawar menshe djungeles pral o Debleste.

Remarja 1:23

O baro Debles, kai hako tsiro atchella, sharan le gar. Na-a, jon mangan kol murshen un djuwjen an, kai merenna. Ninna wawar koowa, har i tchirkle, i star-herjengre vieche un i sapa mangan le an.

2. Familjakro liil 28:3

un chatchras sungepaskro koowa an i tala, hoi kharell Ben-Hinnom. Ninna chatchras lo peskre tchawen i chochene deblenge. Jaake kras lo sawo djungelo koowa, har i menshe an wawar themma kran, – sawe menshe har kolla, kai o baro Dewel glan i Israelende dran o them tradas.

Jeremia 32:35

Un jon kran mulne platse o chocheno debleske, o Baaleske an o telstuno them, kai kharella Ben-Hinnom, te nai mukenn le pengre tchawen un tchen o debleske Moloch an i jag te djal. Sawo koowa penom me lenge gar. Un an kek tsiro was mange kowa an miro shero dren, te putchoms sawo koowa lendar. Har jon sawo djungelo koowa kran, anan le i doosh ap o tselo them Juda.

Ezekiel 20:26

Un har mukan le pengre phureder mursh tchawen i chochene deblenge te chatchrell, rakrom pral lende win: “Tumer han mange pale-tchiddo.” Jaake kamom len bari daar te krell, te haiwenn le, te hom me o baro Dewel.

Micha 6:7

Hi o baro Dewel bachtelo pral bud serja bakre, un deesh serja khore djet? Hunte dap leske miro phureder tchawes, te well miri doosh krik lino un ko tchilatcho koowa, hoi krom?

3. Mose 24:15

Ap i Israelitarja peness: Koon praassell peskro Debles, hunte hidjrell peskri phagi.

2. Rajengro liil 17:31

kolla dran Awa kran penge i deblen Nibhas un Tartak; kolla dran Sefarwajim chatchran pengre tchawe glan pengre deblende, o Adrammelech un o Anammelech.

Amos 2:7

Jon stakrenn i tchorwelen an i tchik, un i tiknen dran o drom. Doleske lenn le pengri phagi, un khaitenn man gar. I mursh un peskro dad djan dren pash i emligi djuwjate. Jaake anenn le ladj ap mande.