3. Mose 18:2 - O Debleskro Drom 2021 (Sinte)

² Pen ap i Israelitarja: Me, o baro Dewel, hom tumaro Dewel.

O Debleskro Lab 2024 (Sinte-Manouche)

² Pen ap i Israelitarya: Me, o baro Devel, hom t'maro Devel.

3. Mose 18:2 Referans Kwoze

2. Mose 6:7

Kamau, te wenn tumer mire menshe, un me kamau tumaro Dewel te well. Un tumer dikenn un haiwenn, te hom me, o baro Dewel, tumaro Dewel, kai las tumen win dran i phari budi, hoi i Egiptarja ap tumende tchiwan.

3. Mose 11:44

Me, o baro Dewel, hom tumaro Dewel. Kek wawar hi har me. An mande hi kek tchilatchepen. Un tumer hunte djiwenn jaake, te well tchi tardo mank mande un tumende. Ma krenn tumen pale-tchiddo ap i tikno viecho, hoi djal pral i phub.

Ezekiel 20:5

Pen lenge: Kawa penell o baro Dewel, maro rai: Me rodom i Israelitarja win, te wenn le mire menshe. Har jon gomme an o them Egiptia his, penom lenge, koon me hom. Awa, me hadom miro wast pre, te dap man sowel, un penom kolenge dran o kheer Jakob: Me, o baro Dewel, hom tumaro Dewel.

3. Mose 20:7

Me, o baro Dewel, hom tumaro Dewel. Doleske awenn mange kokres koi. Tchi hunte well tardo mank mande un tumende!

Ezekiel 20:7

Un me penom ap lende: Hakeno tumendar hunte witsrell kol djungele figuren krik, hoi lo an-mangell. Rikrenn tumen pale kol chochene deblendar, kolen i Egiptarja an-mangenn, te wenn tumer gar pale-tchiddo! Me, o baro Dewel, hom tumaro Dewel.

Debleskri gili 33:12

Bachtele hi kol menshe, kolengro Dewel o baro Dewel hi, kol menshe, kai job peske wi-rodas, te wenn le leskre menshe.

3. Mose 19:34

Djan leha jaake trujel, har te wals lo jek tumendar! Tu wess jaake latches ap leste har hal latches ap tute. Tumer ninna hans wi-themarja an o them Egiptia. Me, o baro Dewel, hom tumaro Dewel.

3. Mose 19:10

Jaake krenn ninna tumare drakentsa. Har anan len dren, ma djan i duito kopo ap ko kotar phub, te anenn kolla dren, kai pral atchan, witar gar sawe, kai tele peran. Kol tchorwelenge, un kolenge dran i wi-them, mukenn len pral! Me, baro Dewel, hom tumaro Dewel.

3. Mose 18:4

Pal miro tchatchepen hunte djiwenn, un krenn, hoi me tumendar kamau. Me, o baro Dewel, hom tumaro Dewel.

2. Mose 20:2

Me, o baro Dewel, hom tiro Dewel, koon tut win las dran o them Egiptia, kai tu i pandlo budepaskro hals.

1. Mose 17:7

Kowa, hoi me tuha win krau, atchell hako tsiro mange un tuke, tire tchawenge, kolengre tchawenge un lauterenge, kai pal tute wenna. Me hom tiro Dewel un ko Dewel tire tchawendar, kai pal tute wenna.

3. Mose 18:1

O baro Dewel penas ap o Mose:

3. Mose 18:30

Doleske, djiwenn jaake har me tumenge penom! Ma krenn ko pale-tchiddo koowa, hoi kolla kran, kai glan tumende kate his! Ma krenn tumen sawo koweha pale-tchiddo! Me, o baro Dewel, hom tumaro Dewel.

3. Mose 20:23

Ma djiwenn pal ko koowa, pal kowa i wawar menshe djiwenn, kolen me glan tumende win tradau. Jon kran kau tselo pale-tchiddo koowa, un wan infam glan mire jaka.