3. Mose 15:6 - O Debleskro Drom 2021 (Sinte)

⁶ Koon beshas pes ap tchomone, kai ko nasselo beshdo his, kowa hunte thowell pes un peskre koola, un hi pale-tchiddo, bis te well rati.

O Debleskro Lab 2024 (Sinte-Manouche)

⁶ Koon beshas pes ap čomone, kay ko nasselo beshdo his, kova hounte thovell pes oun peskre koola, oun hi pale-čiddo, bis te vell rati.

3. Mose 15:6 Referans Kwoze

Jakobo 4:8

Awenn pash o Debleste! Jaake well job ninna pash tumende. Ap tumende, kai kran tchilatcho koowa, penau me: Krenn tumare wasta djudjo! Ap tumende, kai djan ap dui dromma, penau me: Mukenn ko tchilatcho drom, un djan ap o Debleskro drom!

Jesaja 1:16

Thowenn tumen, krenn tumen djudjo! Anenn tumaro tchilatcho koowa, hoi kran, dran mire jaka krik. Mukenn o tchilatchepen!

3. Mose 15:5

Koon koleskro tchiben an-tapras, hunte thowell pes un peskre koola, un hi pale-tchiddo bis te well rati.

3. Mose 15:7

Koon ko nasseles an-tapras, kowa hunte thowell pes un peskre koola, un hi pale-tchiddo bis te well rati.

3. Mose 11:24

Kalla hi kol vieche, kai hunte taprenn len gar an, te hi le mule: Hakeno, kai taprell sawo mulo viecho an, kowa hi pale-tchiddo bis te well rati.

4. Mose 19:22

Un halauter, hoi ko pale-tchiddo an-tapella, well pale-tchiddo. Un koon koles an-tapella, kai pale-tchiddo hi, hunte well pale-tchiddo bis ap i rati.