2. Samuel 9:7 - O Debleskro Drom 2021 (Sinte)

⁷ Un o David penas ap leste: “Ma traash! Me kamau latchepen ap tute te krell. Kowa krau tiro dadeske Jonatan. Ko tselo brawlepen tiro papestar Saul kamau tuke pale te dell. Un tu nai chah hako diwes ap miri chapaskri.”

O Debleskro Lab 2024 (Sinte-Manouche)

⁷ Oun o David penas ap leste: “Ma traash! Me kamau lačepen ap toute te krell. Kova krau tiro dadeske Yonatan. Ko tselo bravlepen tiro papestar Saul kamau touke pale te dell. Oun tou nay rhah hako dives ap miri rhapaskri.”

2. Samuel 9:7 Referans Kwoze

2. Samuel 9:1

Un o David putchas: “Atchas jek djido o Sauleskre menshendar, te krap latchepen ap leste? Kowa krau me o Jonataneske.”

1. Rajengro liil 2:7

O tchawenge o murshestar Barsillai dran o them Gilead, ab latches, un muk len mank kolende te well, kai tiro chapastar chan! Jon his kamles ap mande, har hunte nashom mange tiro phralestar, o Absalomestar.

2. Samuel 9:3

Penas o baro rai ap leste: “Hi kote gomme jek o Sauleskre menshendar, te krap me o Debleskro latchepen ap leste?” Penas o Ziba ap o baro rajeste: “Koi hi gomme i tchawo o Jonatanestar, koleskre herja hi bango.”

2. Samuel 19:28

Ninna penas job tuke chochene laba pral mande. Miro baro rai, tu hal har o Debleskro bolepaskro. Kre, hoi tuke mishto hi!

Louka 22:30

Un tumer chana un pijenna mantsa kote, kai me o baro rai hom, un han beshdo ap rajeskre beshepangre, un penenn o tchatchepen win pral i tsele menshende, kai wenna o deesh-te-dui Israeleskre tchawendar.”

Debleskri gili 41:9

“I bibacht hi ap leste”, penenn le. “Koon jaake tchiddo hi, stell buder gar pre.”

2. Rajengro liil 25:29

Un o Jojachin tchiwas kol ripja pestar krik, hoi les an o stilepen ap leste his, un chas peskro tselo djipen pash o baro rajeste ap leskri chapaskri.

Debleskro tsiro 3:20

Dikenn, me hom glan o wudar tardo, un dau ap ko wudar. Koon shunell, hoi me penau, un krell mange o wudar pre, pash koleste djau me dren, un chau leha, un job chal mantsa.

2. Samuel 12:8

un dom tut o kheer tiro rajestar, ninna leskre romjen, un krom tut baro rai pral o kheer Israel un o kheer Juda. Te wals kowa gar doha, nai doms tut gomme bud wawar koowa.

1. Samuel 12:24

Tumer hunte darenn o baro Debles un mangenn les kokres an tumaro tselo djijeha! Ma bistrenn, hawo baro koowa job tumenge kras.

1. Mose 43:23

“Hi mishto”, penas ko rom. “Ma darenn! Tumaro Dewel, kai ninna tumaro dadeskro Dewel hi, tchiwas kol lowe an tumare gone. Me lom tumare lowe, hoi dan man.” Un job anas o Simeones pash lende.

Mateo 6:11

De men maro maro hako diwes!

2. Samuel 19:33

O Barsillai his bud phuro. Job nai his ochta-deesh bersha. Les his i baro brawlepen. Un har o baro rai an Mahanajim his, anas leske o Barsillai chapaske.

2. Samuel 9:11

Job penas ap o baro rajeste: “Krau lauter jaake har tu, miro baro rai, mange penal.” Un o Mefi-Boshet chas ap o baro rajeskri chapaskri har te wals lo jek leskre tchawendar.

1. Mose 43:18

Har jon dikan, kai wan le an o Josefeskro kheer anlo, was len daar. Un jek penas ap o wawareste: “Kol lowe, hoi an mare gone his o wawar kopo, hi, hoske wah kanna kate anlo. I Egiptarja kamenn mare burike te lell un men te taprell, te budras lenge.”

2. Samuel 9:10

Kanna budress tu, tire tchawe un tire budepangre ap leskro kotar phub. Un tumer anenn leske dren, hoi koi pre baro wella, te well i menshen tiro rajestar chapaske. Un o Mefi-Boshet, ko tchawo tiro rajestar chal hako diwes ap miri chapaskri.” O Zibanes his deesh-te-pantch mursh tchawe un biish budepangre.

2. Samuel 9:13

Un o Mefi-Boshet djiwas an o foro Jerusalem un chas hako diwes ap o baro rajeskri chapaskri. Un job his bango ap hake dui herja.

Jeremia 52:33

Un o Jojachin tchiwas kol ripja pestar krik, hoi les an o stilepen ap leste his, un chas peskro tselo djipen pash o baro rajeste ap leskri chapaskri.

Zakarie 7:9

Me, o baro Dewel, ko rai pral o bolepen un i phub, penom glan bud bersha mire menshenge: “Tumer hunte denn jak, te well o tchatchepen kerdo. Un hakeno hunte krell peskro dji pre peskro phraleske un well leske latches.

1. Samuel 20:15

Un pal miro merepen ab latches ap mire tchawende, kai pal mande wenna, ninna an ko tsiro, kai marell o baro Dewel lauter kolen, jek pal o wawar, kai kuran pen tuha.

1. Samuel 22:23

Atch pash mande un ma dare! Job, kai man kamell te marell, kowa kamell tut ninna te marell. Kate pash mande nai krell lo tut tchi.”

2. Samuel 19:29

Miro dadeskro tselo kheer hunte wals mulo dino glan tute, o baro rajeste. Tu kamal, te beshap mank kolende, kai ap tiri chapaskri chana. Man hi kek tchatchepen, te dap budeder gole ap o baro rajeste, te well job ap miri rig.”

2. Samuel 21:7

Un job rodas efta murshen win. O Mefi-Boshet, koleskro dad o Jonatan his un koleskro papo o Saul his, kowa his gar mank kolende. Glan i tsiro das o David glan o baro Debleste o Jonataneske i sowel, te mukell lo leskre tchawen djido.