2. Samuel 8:6 - O Debleskro Drom 2021 (Sinte)

⁶ Un job tchiwas moskre dren an lengro them. Un o Davides was penepaske pral i Syrarja, un jon hunte dan les rup un sonakai. Jaake his o baro Dewel o Davideske ap i rig, kai lo ninna djas.

O Debleskro Lab 2024 (Sinte-Manouche)

⁶ Oun yob čivas moskre dren an lengro them. Oun o Davides vas penepaske pral i Syrarya, oun yon hounte dan les roup oun sonakay. Yaake his o baro Devel o Davideske ap i rig, kay lo ninna djas.

2. Samuel 8:6 Referans Kwoze

2. Samuel 8:14

Un job tchiwas moskre dren an hako foro an o them Edom. Un o Davides his penepaske pral o tselo them Edom. O baro Dewel his ap o Davideskri rig, kai job ninna djas.

Debleskri gili 140:7

Me penom ap o baro Debleste: Tu hal miro Dewel. Baro Dewel, shun, har ap tute rowau!

2. Familjakro liil 17:2

Job tchiwas lurden an i tsele sorele forja an o them Juda, un tchiwas pralstune murshen dren an o them Juda, ninna an o them Efrajim, an kol forja, kai leskro dad, o Asa, dren las.

2. Samuel 7:9

Me homs pash tute, kai tu ninna djal, un marom kolen lauteren glan tute, kai kuran pen tuha. Me kamau tiro lab bares te krell, jaake prindjedo har i laba kol bare rajendar ap i phub.

Gosewe laba 21:31

Tu nai leh i kurepaskro grai un djah an o marepen. Kowa, kai krell, te wess o sorleder, hi o baro Dewel.

1. Familjakro liil 18:13

Un o David tchiwas moskre dren an hako foro an o them Edom. Un o Davides his penepaske pral o tselo them Edom. O baro Dewel his ap o Davideskri rig, kai job ninna djas.

2. Samuel 23:14

Kote his o David an peskro khatepen an i berga. Un kol Filistarja, kai jak dan, his an o foro Betlehem.

2. Samuel 8:2

Job das ninna kol Moabarja un penas, te tchiwenn le pen ap i phub. Un dui i trinendar kras lo mulo, un jek i trinendar mukas lo djido. Jaake was o Davides penepaske pral kol Moabende. Un jon hunte dan les rup un sonakai.

2. Samuel 3:18

Kanna krenn kowa! O baro Dewel penas o Davidestar: Miro budepaskro, o David, well kowa, khetne leha lau mire menshen Israel win dran i wasta kol Filistarendar, un lauterendar, kai leske tchilatchepen kamenn.”

1. Samuel 14:15

Un i bari daar peras ap kol Filistarja, – ap lengri platsa un ninna win ap o them – ap kol tsele lurdende, ninna ap kolende, kai jak denn un ap kolende, kai win djan, te randenn le. Un i phub trissas. Jaake bitchras o Dewel i bari daar ap i tsele Filistarja.

1. Samuel 14:6

Un o Jonatan penas ap ko terno mursheste, kai leskro kurepaskro koowa hidjrell: “Ab, mer djas pash kol chalende, kai koi wergel jak denn. Nai hi, te well o baro Dewel menge ap i rig. Te krell lo kowa, hi jek, kitse mer ham, bud oder gar bud.”

1. Samuel 14:1

Un ap jek diwes penas o Jonatan ap koleste, kai leskro kurepaskro koowa hidjrell: “Am, djas pash kol Filistarja, kai jak denn koi wergel!” Peskro dadeske penas lo tchi.

1. Samuel 13:3

His i diwes, koi maras o Jonatan kol lurden i Filistarendar, kai an Gibea his un koi jak dan. Un har i Filistarja kowa shunan, mukas o Saul an i phurdepangre te phurdell un penas: “I tsele Hebrearja hunte shunenn kawa!”

2. Samuel 8:7

Kol lurden o baro rajestar Hadad-Eser his sonakangre shilte. Kolen anas o David an o foro Jerusalem.

2. Samuel 10:19

Un kol tsele bare raja, kolengro pralstuno o Hadad-Eser hi, dikan, kai i Israelitarja i sorleder hi pral lende. Koi mukan le tele, te kurenn le pen lentsa. Un o Israel las penepaske pral lende. Un kol Syrarja trashan, te wenn le dureder ap i rig kolenge dran o them Ammon.

2. Samuel 5:10

Un o David was bareder un sorleder. Un o baro Dewel, ko rai pral o bolepen un i phub his leha.

2. Rajengro liil 1:1

Har o baro rai Ahab mulo his, kaman i menshe an o them Moab buder gar, te well o Israel o rai pral lende, un peran lestar tele.

2. Rajengro liil 3:4

O Mesha, ko baro rai pral i Moabarja, koles his bud bakre un hunte das ko baro rajes pral Israel sheel serja terne bakre un o bakrengro bal sheel serja mursh bakrendar.

2. Rajengro liil 14:28

Ko tselo wawar koowa, hoi pral o Jerobeam penepaske hi, lauter, hoi lo kras un leskro baro koowa un kurepen, un har lo Damaskus un Hamat pale pash Israel anas, kowa hi tchinlo an i familjakro liil i bare rajendar pral o Israel.

2. Rajengro liil 18:7

O baro Dewel his leha, un halauter hoi lo peske glan las, djas leske mishto. Un job peras tele o baro rajestar pral o them Assur, un mukas koles buder gar peskro rai te well.

Debleskri gili 60:10

O them Moab hi miro thopaskro tcharo. Ap o them Edom witsrau miro kirach. Pral i Filistarja dau gole: Me hom o sorleder!”