2. Samuel 21:16 - O Debleskro Drom 2021 (Sinte)

¹⁶ Koi his mank i Filistarja i baro mursh, bareder har i wawar. Leskro lab his Jishbi-Benob. Koleskri lengsti tchuri his budeder har triin kilogramme pharo. Ninna his les i newo charo dran saster. Kowa kamas o Davides mulo te dell.

O Debleskro Lab 2024 (Sinte-Manouche)

¹⁶ Koy his mank i Filistarya i baro morsh, bareder har i vavar. Leskro lab his Yishbi-Benob. Koleskri lengsti čouri his boudeder har triin kilogramme pharo. Ninna his les i nevo rharo dran saster. Kova kamas o Davides moulo te dell.

2. Samuel 21:16 Referans Kwoze

2. Samuel 21:20

Pal kowa was pale i kurepen pash o foro Gat. Mank i Filistarja his i wawar baro mursh. Koles his shob gushte ap hako wast, un shob tsebe ap hako piro.

2. Samuel 21:18

Koi pal was i wawar kurepen kol Filistarentsa pash o foro Gob. Koi das o Sibbechai dran o gab Husha i wawar murshes kol bare menshendar mulo. Koleskro lab his Saf.

2. Samuel 21:22

Kolla star his bare mursha un djiwan an o foro Gat. Un kolla wan mulo dino o Davidestar un leskre lurdendar.

2. Samuel 5:18

Un i Filistarja wan, un his an koi tseli tala Refajim.

5. Mose 9:2

I menshe kote hi baro un wenn kharedo ‘riese’. Tumer shunan, har lendar penlo was: Kek nai well sorleder har jon.

5. Mose 3:11

Kokres o Og, ko baro rai pral Bashan, atchas djido kol bare menshendar, kai ‘riese’ kharedo wan. Har meras lo, was lo paskedo an i barrengro mochton. Kowa hi jaake star metarja baro un dui metarja buchlo, un hi tardo an o foro Rabba an o them Ammon.

5. Mose 2:21

Kolla his bud un bare lengste menshe, jaake bares har i Anakarja. Un o baro Dewel tradas len krik dran o them glan i Ammonarja, te lenn kolla ko them un djiwenn palle koi dren.

5. Mose 2:10

Glan lende djiwan kol Emarja koi. Kolla his bud un bare lengste menshe, jaake baro har kol menshe Anak.

5. Mose 1:28

Kai djas koi? Mare phrala kran mare djia darenes, har penan le ap mende: Kolla menshe hi sorleder un bareder har mer, lengre forja hi baro un lengre massurja djan pre bis pash o bolepen. Un ninna dikam mer o Anakarja kote!’

1. Mose 14:5

An o deesh-te-starto bersh was o baro rai Kedor-Laomer un kol wawar bare raja, kai leha khetne his. Un jon kuran pen: kol menshentsa an o foro Asterot-Karnajim – kolla his i Refajarja; kol menshentsa an o foro Ham, – kolla his i Susarja; kol menshentsa, kai djiwenna an o them, kai o foro Kirjatajim tardo hi, – kolla his i Emarja;

1. Mose 6:4

An ko tsiro, har i Debleskre tchawe khetne wan i menshengre tchentsa un lendar tchawe bolde wan, djiwan bare menshe ap i phub. Ninna pal ko tsiro. Kolla his tchatche mursha an ko phuro tsiro: baro un an-diklo.

4. Mose 13:22

Un jon djan an o them Negev, un wan bis pash o foro Hebron. Kote djiwas o Ahiman un o Sheshai un o Talmai, kolengro dad o Anak his. O foro Hebron was newo kerdo efta bersha glan o foro Zoan an o them Egiptia.

4. Mose 13:28

Jek koowa hi gar mishto: Kol menshe, kai djiwenn kote, hi sorelo. Kol forja hi baro un sorelo kerdo. Un mer dikah kote ninna kol menshen, kai wenn pal o Anak.

Josua 15:14

Kote djiwan kol triin bare familje, kolengre phure dada o Sheshai un o Ahiman un o Talmai his. Kolla wan o murshestar Anak. Un o Kaleb tradas len win dran o foro.

5. Mose 2:11

Jon un kol Anakarja wan ninna kharedo ‘riese’. I Moabarja penenn Emarja ap lende.

Josua 11:22

Kek Anakari atchas pral an o tselo them Israel. Kokres an i forja Gaza, Gat un Ashdod atchan lendar djides.

1. Samuel 17:7

Un ko kotar kasht, hoi leskro witsepaskro tchuri rikrella, his jaake pesso har i tikno ruk, un o saster glan ap o witsepaskro tchuri his jaake efta kilogramme pharo. Un glan leste djas i lurdo, kai hidjras leskri sasterni betcheskri patri.