2. Samuel 20:7 - O Debleskro Drom 2021 (Sinte)

⁷ Koi djas o Abishai khetne o Joabeha un leskre lurdentsa win dran o foro Jerusalem. Ninna i Kretarja un i Pletarja un kol tsele sorele kurepangre djan lentsa. Un jon lan o Shebaes palla.

O Debleskro Lab 2024 (Sinte-Manouche)

⁷ Koy djas o Abishay khetne o Yoabeha oun leskre lourdentsa vin dran o foro Yerusalem. Ninna i Kretarya oun i Pletarya oun kol tsele zorele kourepangre djan lentsa. Oun yon lan o Shebaes palla.

2. Samuel 20:7 Referans Kwoze

2. Samuel 8:18

O Benaja, koleskro dad o Jojada hi, his o pralstuno pral kol Kretarja un Pletarja, kai his trul o baro rajeste tardo, te denn le ap leste jak. Ninna o Davideskre tchawe his rashaja.

1. Rajengro liil 1:38

Un o rashai Zadok, un o Debleskro rakepaskro o Natan, un o Benaja, koleskro dad o Jojada his, un i Kretarja un i Pletarja djan tele un mukan o Salomes te klissell ap i burika o baro rajestar David, un jon anan les pash o pani Gihon.

2. Samuel 20:23

O Joab his o pralstuno pral kol tsele lurdende an Israel. Un o Benaja, koleskro dad o Jojada his, his o pralstuno pral kol Kretarja un Pletarja.

2. Samuel 15:18

Un leskre tsele lurde djan ap leskre dui rigja, ninna i tsele Kretarja un i tsele Pletarja. Kolla dran o foro Gat djan glan leste. Kolla his shob-sheel mursha, kai leske dran o foro Gat palla djan.

1. Rajengro liil 1:44

un bitchras leha o rashai, o Zadok un o Debleskro rakepaskro, o Natan, un o Benaja, koleskro dad o Jojada hi, un i Kretarja un i Pletarja. Un jon mukan les te klissell ap i burika o baro rajestar.

2. Samuel 8:16

O Joab, koleskri dai i Zeruja hi, his o pralstuno pral i tsele lurdende, un o Josafat, koleskro dad o Ahilud his, his o baro rajeskro rakepaskro.

1. Samuel 30:14

Mer peram dren an o them Negev, kai i Kretarja djiwenn, un an o them Juda, un an o them Negev, kai kolla djiwenn, kai wenn pal o Kaleb. Un o foro Ziklag chatchram pre.”

1. Rajengro liil 1:33

Un o baro rai penas ap lende: “Lenn tumentsa i pralstunen pral miro kheer, un penenn miro tchaweske, o Salomo, te beshell lo pes ap miri burika, un djan leha tele pash o pani Gihon!