2. Samuel 2:6 - O Debleskro Drom 2021 (Sinte)

⁶ Jaake mu krell ninna tumenge o baro Dewel peskro dji pre, un well hako tsiro tumenge koi! Un ninna me kamau latchepen ap tumende te krell, kai kran tumer kowa.

O Debleskro Lab 2024 (Sinte-Manouche)

⁶ Yaake mou krell ninna t'menge o baro Devel peskro dji pre, oun vell hako tsiro t'menge koy! Oun ninna me kamau lačepen ap t'mende te krell, kay kran t'mer kova.

2. Samuel 2:6 Referans Kwoze

Gosewe laba 14:22

Kolen, kai tchilatchepen an o shero hi, kolla djan nashedo. Kolla, kai kamenn o latchepen te krell, kolenge hi i wawar menshe latches un rikrenn ap lende.

2. Mose 34:6

Job djas glan o Moseste dureder un das gole: “Me hom o baro Dewel. O baro Dewel hom me. Man hi i baro dji, pherdo kamlepen. Me wau gar sik chojedo. Miro latchepen hi baro un me dau mire menshen gar pre.

Mateo 5:44

Me penau tumenge: Awenn latches kolenge, kai hi tchilatcho ap tumende! Mangenn o Debles kolenge, kai lenn tumen palla!

Mateo 5:7

Bachtele hi kolla, kai hi len i baro dji i wawar menshenge. O Debles hi i baro dji lenge.

Mateo 10:16

Djinenn, me bitchrau tumen har bakre mank i diwje djuklende. Doleske wenn gosewo har i sapa un djudjo har i parne tchirkle, an kolende kek chochepen hi!

Debleskri gili 57:3

Ap o Debleste, ko pralstuneste, dau me gole, ap koleste, kai miro koowa mishto krella.

2. Samuel 15:20

Taissar wal tu, un kai diwes nashals tuke mentsa kai un koi? Me djinau gar, kai te djap. Risse trujel un le kol wawaren dran Gat tuha. Latchepen un tchatchepen mu well ap tiro drom!”

2. Samuel 10:2

Koi penas o David: “Me kamau o tchaweha o Nahashestar, o Hanun, maal te well, jaake har leskro dad miro maal his.” Un o David bitchras murshen koi, un mukas leske lendar kamle laba te penell pral leskro dadeste, te well leske gar buder ropaske. Har kanna kolla, kai o David bitchras, an ko them Ammon wan,

2. Samuel 9:7

Un o David penas ap leste: “Ma traash! Me kamau latchepen ap tute te krell. Kowa krau tiro dadeske Jonatan. Ko tselo brawlepen tiro papestar Saul kamau tuke pale te dell. Un tu nai chah hako diwes ap miri chapaskri.”

2. Samuel 9:3

Penas o baro rai ap leste: “Hi kote gomme jek o Sauleskre menshendar, te krap me o Debleskro latchepen ap leste?” Penas o Ziba ap o baro rajeste: “Koi hi gomme i tchawo o Jonatanestar, koleskre herja hi bango.”

2. Samuel 2:7

Awenn sorele un tchatche mursha! O Saul, tumaro rai, hi mulo. Un i mursha dran o kheer Juda makan man o djeteha dren, te wap baro rai pral lende.”

Josua 2:14

Kote penan kol mursha ap late: “Mer dah men sowel pash maro djipen: Te phukreh tu men gar, krah mer kek tchilatchepen ap tumende ap ko tsiro, kai dell men o baro Dewel kau them, un wah latches ap tumende.”

Ruth 1:8

penas i Naomi ap lende: “Kanna djan pale pale, hakeni an lakri dakro kheer! O baro Dewel mu dell tumen peskro latchepen, jaake har tumer latches hans ap tumare romende un ap mande.