2. Samuel 16:4 - O Debleskro Drom 2021 (Sinte)

⁴ Penas o baro rai ap o Ziba: “Shun, kowa lauter hi tuke, hoi o Mefi-Boshetes hi.” Penas o Ziba: “Me tchiwau man tele glan tute. Ab hako tsiro jaake latches ap mande, miro baro rai!”

O Debleskro Lab 2024 (Sinte-Manouche)

⁴ Penas o baro ray ap o Siba: “Shoun, kova lauter hi touke, hoy o Mefi-Boshetes hi.” Penas o Siba: “Me čivau man tele glan toute. Ab hako tsiro yaake lačes ap mande, miro baro ray!”

2. Samuel 16:4 Referans Kwoze

Gosewe laba 18:17

An i tchingepen dikell win, har te wals koles tchatcho, kai glanstunes rakrell. Te well palle o wawar, well win, kones tchatchepah tchatches hi.

Gosewe laba 18:13

Shun! Un palle rake! Te kreh wawartchandes, hal dinelo un hunte ladjess tut.

Gosewe laba 19:2

Jek, kai peskro koowa gar haiwell, hi tchi moldo, ninna te budrell lo sik. Kowa, kai sik nashell, perell.

5. Mose 19:15

Te well i tchilatcho koowa glan i tchatchepangre anlo, hi gar doha, te dikas kokres jek mursh kowa. Na-a dui te triin hunte penenn, te dikan le koles koi pashel, har lo kau koowa kras. Palle nai denn le les i phagi.

2. Mose 23:8

Te hi jek an o tchingepen i wawareha un kamell tut te ginell, te dess les tchatchepen, ma le kowa, hoi job kamell tut dell! Koon sau koowa an-lell, well korelo o tchatchepaske un dikell buder gar, koon an o tchatchepen hi.

2. Samuel 14:22

Koi mukas pes o Joab glan leste ap i phub te perell, ap peskro mui, parkras pes pash o baro rajeste, un penas: “Miro baro rai, kai diwes djinau me, kai dikeh latches ap mande, har kral, hoi me, tiro budepaskro, tutar mangom.”

2. Samuel 14:4

Un koi djuwel dran o gab Tekoa djas pash o baro rajeste. Un kote tchiwas pes li glan leste tele ap i phub, sharas les, un penas: “Ab mange ap i rig, maro baro rai!”

2. Samuel 9:6

Leskro dad his o Jonatan un leskro papo o Saul. Un har kanna o Mefi-Boshet pash o Davideste was, witsras job pes glan leste tele ap peskro mui. O David putchas lestar: “Mefi-Boshet?” Penas kowa: “Awa miro rai, me hom o Mefi-Boshet.”

2. Samuel 9:9

Koi das o baro rai pal o Ziba gole, kai o Sauleske budras, un penas ap leste: “Lauter, hoi his o Sauleske un leskri familja, dom me o Mefi-Boshet, ko tchawes tiro rajestar.

2. Samuel 16:3

Koi putchas o baro rai lestar: “Kai hi o Mefi-Boshet, tiro rajeskro tchawo?” Penas o Ziba: “Job atchas an o foro Jerusalem. Job patsella, kai diwes denn les i Israelitarja o rajeskri beshepaskri leskro papestar Saul pale.”

2. Samuel 16:5

Un o baro rai David was an o foro Bahurim. Koi was i mursh dran ko foro win. Kowa his o Sauleskre menshendar. Job kharas Shimi. Leskro dad his o Gera. O Shimi was pash o Davideste un praassas les,

2. Samuel 19:27

“Miro baro rai”, penas job, “tu djineh, kai hom bango. Me penom ap miro budepaskro Ziba, te tchiwell lo i ledertikri plachta ap i esla, te beshap koi pre un klissap pash o baro rajeste. Un miro budepaskro chochras man.

2. Samuel 14:8

Koi penas o baro rai ap koi romjate: “Dja khere! Me krau ko koowa tuke.”