2. Samuel 13:4 - O Debleskro Drom 2021 (Sinte)

⁴ Kowa penas: “Hoske dikeh jaake nasseles win, rajeskro tchawo, hako diwes budeder? Kameh tu mange kowa penell?” Koi penas o Amnon ap leste: “Me kamau i Tamarat o djijestar, koi phenjat miro phralestar Absalom.”

O Debleskro Lab 2024 (Sinte-Manouche)

⁴ Kova penas: “Hoske dikeh yaake nasseles vin, rayeskro čavo, hako dives boudeder? Kameh tou mange kova penell?” Koy penas o Amnon ap leste: “Me kamau i Tamarat o djiyestar, koy phenyat miro phralestar Absalom.”

2. Samuel 13:4 Referans Kwoze

Louka 12:32

Ma darenn! Kate han tumer gar bud un gar an-diklo. O Dewel, kai hi tumaro dad an o bolepen, kowa kamella, te lenn tumer leskro brawlepen un railepen.

Micha 7:3

Lengre wasta hi sik, te krenn le tchilatcho koowa. I pralstune un tchatchepangre raja denn kolen o tchatchepen, kai denn len lowe. Kol sorele an o them krenn, hoi le kamenn, chochenn un rissrenn o tchatchepen trujel.

Jeremia 8:12

Jon hunte ladjans koleske hoi jon kran, koweha man choiran. Kowa krenn le gar. Jon ladjenn gar. Hoi ladj hi, djinenn le gar. Doleske wenn jon maredo khetne kol wawarentsa. Te wau me, un dau len i phagi, hunte perenn le, penell o baro Dewel.

Jesaja 3:9

O tchilatchepen dikell dran lende win. Un jon anenn doosh ap pende un kolah sharenn le pen ninna gomme, jaake har kol menshe an o foro Sodom ninna kran. I bibacht well ap lende, koja anenn jon kokres pengro djungelo djipah pral pende!

3. Mose 20:17

Te sowell i mursh peskri penjah, i tchai leskro dadestar oder leskri datar, hi kowa i bari ladj. Kol dui hunte wenn mulo dino glan i tsele menshende. Ko mursh sowas peskri phenjah, un hunte hidjrell peskri doosh.

3. Mose 18:9

Tu sowess gar tiri phenjah, koi tchai tiro dadestar oder tiri datar; hi jek te was li bares an tiri familja oder an i wawar familja.

1. Rajengro liil 21:7

Kote penas leskri romni, i Isebel, ap leste: “Bistral, te hal gar o rai pral Israel? Ste pre, cha tchomone! Biste tiri choli! Me lau kau koowa an o wast, te well tut ko kotar phub, hoi hi o Nabotes dran Jesreel.”

2. Samuel 13:3

O Amnones his i maal. Kowa kharas Jonadab. Leskro dad his o Davideskro phraal Shimea. Un ko Jonadab his i gosewo mursh.

2. Samuel 13:5

Penas o Jonadab: “Tchip tut ap tiro tchiben, un kre har te wals nasselo! Te well tiro dad pash tute, peneh tu ap leste: ‘Muk miri phenjat Tamar te well, te krell joi mange chapaske, hoi nasslenge mishto hi! Kowa hunte krell joi glan mande, te dikap me kowa, un lap dran lakre wasta un chap.’”

1. Rajengro liil 21:5

Kote was pash leste leskri romni, i Isebel, un penas: “Hoske hal chojedo un chah tchi?”