2. Samuel 12:7 - O Debleskro Drom 2021 (Sinte)

⁷ “Tu hal ko mursh”, penas o Natan ap leste. “Un kowa penell o baro Dewel, o Dewel pral o Israel: ‘Me makom tut djeteha, te wess baro rai pral o Israel. Me lom tut dran o Sauleskre wasta win,

O Debleskro Lab 2024 (Sinte-Manouche)

⁷ “Tou hal ko morsh”, penas o Natan ap leste. “Oun kova penell o baro Devel, o Devel pral o Israel: Me makom tout djeteha, te vess baro ray pral o Israel. Me lom tout dran o Sauleskre vasta vin,

2. Samuel 12:7 Referans Kwoze

Mateo 14:14

Un har o Jesus dran o bero djas, dikas lo kal bud menshen, un les khaitan le. Un job kras kolen sasto, kai mashkral lende nasselo hi.

1. Samuel 16:13

Kote las o Samuel o djet un tchoras les ap o Davideskro shero, glan i jaka peskre phralendar. Un o baro Debleskro ducho was pral leste ap ko diwes un atchas ap leste. Un o Samuel djas pale an Rama.

2. Samuel 22:1

O David rakras glan o baro Debleste kol laba koi giljatar an ko tsiro, kai o baro Dewel les win las dran i wasta lauterendar, kai kaman les te marell, ninna dran o Sauleskre wasta. Un job penas:

1. Rajengro liil 20:42

Un job penas ap leste: “Kawa penell o baro Dewel: Tu mukal i murshes te djal, kai me kamom, te hunte merals lo. Doleske lau me tiro djipen leskro djipaske, un tire menshen leskre menshenge.”

1. Rajengro liil 18:18

Job penas: “Gar me anom o Israel an i bibacht dren. Kowa hal tu un tiro dadeskro kheer. Tumer mukan i laba o baro Deblestar un nashan ko debleske palla, kai kharella Baal.

2. Samuel 22:49

Tu lal man win dran i wasta kolendar, kai kaman miro merepen. Tu hadal man pral kolende, kai hadan pen ap mande, un mukal man gar an i tchilatche wasta.

2. Samuel 7:8

Doleske hunte peness tu ap miro budepaskro o David: Jaake penell o baro Dewel, ko rai pral o bolepen un i phub: Me lom tut i bakrendar krik, kai tu pre garda dal, te wess tu rai pral mire menshende Israel.

1. Samuel 23:14

Un o David atchas an o mulo them, un khatras pes an i berge pash o foro Sif. Un o Saul rodas les o tselo tsiro. Un o Dewel das o Davides gar an leskro wast.

1. Samuel 23:7

Un o Sauleske was penlo, te was o David an o foro Kehila. Kote penas o Saul: “Kanna, kai was o David an i foro, koleskre bare wudja pandlo hi, pandas pes lo dren, un o Dewel das les an miro wast.”

1. Samuel 18:21

Un o Saul penas: “Me kamau lat leste te dell. Palle hi man tchomone an o wast, koleha nai tradau les an i wasta i Filistarendar.” Un o Saul penas ap o Davideste: “Kau diwes wess tu o duito kopo miri tchakro rom.”

1. Samuel 15:17

Un o Samuel penas: “Hi gar jaake? Har hals tikno an tire jaka, wal tu o pralstuno pral o Israel. O baro Dewel kras, te wal o baro rai pral i deesh-te-dui bare familje, kai wenna o Israeleskre deesh-te-dui mursh tchawendar.

1. Samuel 13:13

O Samuel penas ap o Saul: “Tu kral dinelo koowa, un kral gar pal ko lab, hoi penal tuke o baro Dewel, kai tiro Dewel hi. Te krals tu pal ko lab, tchiwals lo tut hako tsireske pral o Israel, te atchals lengro baro rai.

Debleskri gili 18:1

I gili o rajeske pral i gipangre. O David, kai o baro Debleskro budepaskro hi, kras kai gili un giwas lat o baro Debleske ap ko diwes, har o baro Dewel les win las dran i wasta lauterendar, kai leske tchilatchepen kaman, un ninna dran i wasta o baro rajestar Saul.

1. Samuel 18:11

Un hadas peskro wast un penas peske: “Me kamau o Davides an i wanta tchurje te dell.” O David stas dui kope ap i rig, un o Saul nai tapras les gar.

2. Samuel 14:13

Penas koi djuwel: “Hoske kreh tu jaake ap i Debleskre menshende? Kanna kai tu, baro rai, sawe laba win rakral, hi jaake, har te anals tu doosh ap tute, te mukeh o Absalomes gar pale te anell, koles tu krik tradal.

1. Rajengro liil 14:7

Dja, pen ap o Jerobeam: Kawa penell o baro Dewel, kai o Israeleskro Dewel hi: Me hadom tut win dran mire menshende Israel, un tchiwom tut pral lende, te wess lengro rai.

Daniel 4:22

Tu weh pale-tchiddo un hunte djiwess pash i viechende un buder gar mank i menshende. Jon denn tut khass te chal har i grumjen. Un tu tchiweh tut win tele. Un o brishin perell ap tute tele un krell tut sapenes. Un efta bersha djan jaake trujel, bis te tu haiweh, te hi o pralstuno Debles i tsele rajengre themma an peskro wast, un job dell kol themma koleste job kamell.

1. Rajengro liil 20:40

Un man his kate te kote tchomone te krell. Ap jek kopo his lo buder gar koi!” O baro rai pral Israel penas ap leste: “Tu rakral i phagi pral tute win. Kowa well pral tute, har tu les penal.”

Jeremia 34:6

Un o Debleskro rakepaskro, o Jeremia, penas kol tsele laba ap o Zedekja, ko rajeste pral o them Juda, an o foro Jerusalem.