Biblia Todo Logo
Bib sou entènèt

- Piblisite -




2. Samuel 1:2 - O Debleskro Drom 2021 (Sinte)

2 Koi was o triinto diwes i mursh o Sauleskre lurdendar. Koleskre koola his paash, un tchik his ap leskro shero. Un har job pash o Davideste was, witsras job pes glan leste ap i phub, un sharas les.

Gade chapit la Kopi

O Debleskro Lab 2024 (Sinte-Manouche)

2 Koy vas o triinto dives i morsh o Sauleskre lourdendar. Koleskre koola his paash, oun čik his ap leskro shero. Oun har yob pash o Davideste vas, vitsras yob pes glan leste ap i phoub, oun sharas les.

Gade chapit la Kopi




2. Samuel 1:2
25 Referans Kwoze  

Un i mursh dran o kheer Benjamin nashas o tselo drom fun kotar, kai o marepen his, bis pash o Shilo ap jek diwes. Job kras peskre koola paash un tchiwas tchik ap peskro shero, te sikrell lo, har leskro dji rowas.


Ko bitchepaskro, kai mange penas: ‘O Saul hi mulo’, un patsas, kai job latche labentsa was, koles dom mulo an o foro Ziklag. Jaake plaissrom les peskre latche labenge.


Un har i Abigajil o Davides dikas, stas li sik i burikatar tele, un witsras pes glan o Davideste tele o mujeha ap i phub,


Har o Josua kowa dikas, dukas leskro dji jaake, te kras lo peskre koola, hoi ap leste his, paash, un mukas pes i mujeha ap i phub te perell, – glan o mochton, kai o baro Debleskre deesh laba dren his, un atchas jaake tchiddo bis ap i rat. Ninna i phureder an Israel kran kowa jaake. Un jon witsran tchik ap pengre shere.


Shunenn, hoi me kol bengeskre menshentsa krau, kai chochenn un penenn pendar, te hi le o Debleskre menshe, un jon hi kek Debleskre menshe. Me krau, te wenn le pash tumende, te witsrenn le pen glan tumende ap i phub, un te haiwenn le, te kamau tumen o tselo djijestar.


Un ap ko tsiro penas o Jesus peskre malenge, te hunte djal lo an o foro Jerusalem. Un job penas lenge: “Me hunte lap bud duka ap mande. I bare rashaja, un i biboldengre phureder un tchatchepangre, kolla marenn man. Un pal triin diwessa krell man o Dewel djido.”


O Jona atchas triin diwessa un triin rati an o baro matcheskro per. Un jaake hunte atchell o Mensheskro Tchawo triin diwessa un triin rati an i phub paskedo.


Tserdenn tumare djia an kotja un gar tumare ripja!” Un djan pale pash tumaro baro Debleste! Les hi i baro dji, pherdo kamlepen. Job well gar sik chojedo. Leskro latchepen hi baro. Un koi phagi, hoi kamas lo te dell, lell lo pale.


Pal dui diwessa dell lo men newo djipen, un ap o triinto diwes mukell lo men pale ap i pire tardo te well, te nai djiwas glan leste.


Penenn ap o Debleste: Har baro hi kowa lauter, hoi tu kral. Kolla, kai tut gar kaman, hunte tchiwenn pen tele glan tute, glan tiri bari soor!


Un ap o triinto diwes riwas i Ester rajengre ripja an un djas ap koi platsa, hoi hi dren an o baro rajeskro kheer, wergel koi bari isema, kai o baro rai hi. Un job his beshdo ap peskri raili beshepaskri wergel o wudar.


“Dja koi un de i tsele bibolden an o foro Susa khetne gole! Chan un pijenn triin diwessa tchi, gar ap o diwes, witar gar an i rati. Krenn kowa mange, te dikell o Dewel latches ap mande! Un me un kol djuwja, kai mange budrenn, mer kamah kowa ninna jaake te krell. Un pal kowa kamau pash o baro rajeste dren te djal, ninna te hi khatar o tchinlo lab. Un te denn le man mulo, palle denn le man mulo.”


Un o David was pral ap i berga, kote, kai o Dewel an-mangedo wella. Kote tapras lo peskro males, o Hushai, i menshendar Arki. Les his i paashno ripen ap leste un tchik ap leskro shero.


Un koi djuwel dran o gab Tekoa djas pash o baro rajeste. Un kote tchiwas pes li glan leste tele ap i phub, sharas les, un penas: “Ab mange ap i rig, maro baro rai!”


Har ko tchawo peske djas, was o David win dran peskro khatepen pal kol barra, un peras glan o Jonatan tele, un tchiwas pes triin kope glan tele ap i phub. Un palle lan le pen trujel un tchumran pen, un rowan khetne, o David gomme budeder har o Jonatan.


Un ko mursh penas ap o Eli: “Me wom dran o marepaskri platsa un nashom mange dran o marepen.” Un o Eli putchas lestar: “Har djas, miro tchawo?”


Penan le: “Miro rai, maro dadeske djal mishto. Job hi djido.” Un jon witsran pen ap i phub glan leste.


Un o Jakob kras peskre ripja paash i dukatar. Un tchiwas i gono trul peste un rowas i rah tsiro pral peskro tchaweste.


Har was o Ruben pale pash i gruba un dikas, kai o Josef buder gar dren his, kras job peskre ripja paash i dukatar.


Ap o triinto diwes dikas o Abraham koi platsa dur glan peste.


O David putchas lestar: “Kai weh tu?” Job penas ap leste: “Me hom o Israeleskre lurdendar un nashom mange.”


Hi i bari gole, hoi le pral tute denn, un o djijestar trul tute rowenn. Ap lengre sherja witsrenn le tchik, un tchiwenn pen an i jagakri tchik.


Un joi rissras o ripen an kotja dran dukatar, witsras tchik ap peskro shero, tchiwas peskro wast ap o shero, un djas peske i sorelo ropah.


Un o Arauna dikas o baro rajes peskre an-dikle murshentsa, har jon pash leste wenna. Un job djas pash lende un tchiwas pes glan o baro rajeste ap peskro mui tele ap i phub,


Swiv nou:

Piblisite


Piblisite