2. Mose 9:16 - O Debleskro Drom 2021 (Sinte)

¹⁶ Me mukom tut doleske djido, te dikess miri bari soor, un te rakrenn le mandar ap i tseli phub.

O Debleskro Lab 2024 (Sinte-Manouche)

¹⁶ Me moukom tout doleske djido, te dikess miri bari zoor, oun te rakrenn le mandar ap i tseli phoub.

2. Mose 9:16 Referans Kwoze

Remarja 9:17

An o Debleskro lab hi tchinlo, har mukas o Dewel ap o baro rajeste pral o them Egiptia te penell: Me krom tut bares, te sikrap miri soor ap tute, jaake te well miro lab ap i tseli phub prindjedo.

Gosewe laba 16:4

Lauter, hoi o baro Dewel kras, hi tchomoneske, ninna kras lo o tchilatcho menshes ko diweske, kai i bibacht wella.

Debleskri gili 64:9

Lengre laba kokres krenn, te san kolla pral lende, kai dikenn len.

1. Familjakro liil 16:24

Penenn kolenge, kai les gar prindjrenna, hawo railepen les hi. Penenn i menshenge an hake themma hawo baro koowa job kras.

2. Mose 14:17

Me krau, te pandenn i Egiptarja pengre djia jaake, te lenn le tumenge palla. Un me sikrau miro barepen un miri soor ap o Farao, ap leskre wurdja un ap leskre kurepangre.

Judas 1:4

Me shunom, hi menshe koi, hoi tchorchanes mank tumende wan. Kolla kamenn o Deblestar tchi djinell. Jon penenn, te hi o Dewel latcho, un te nai krenn le lauter, hoi jon kamenna. Jaake djiwenn le i wi-ladjedo djipen, un denn maro rajes, o Jesus Kristes, buchoste. Kowa kokres hi maro rai. Glan i rah tsiro hi tchinlo, te lenn jon pengri phagi.

Remarja 9:22

Jaake hi kowa ninna o Debleha. Job kamas, te sikrell lo peskri soor, un te well peskri choli pral i menshende, kai nashedo hi. Ninna te kamas lo kowa te krell, rikras lo peskri choli i rah tsiro lendar pale.

Maleachi 1:11

O baro Dewel, ko rai pral o bolepen un i phub, penell: Fun kotar, kai o kham pre djala, bis kote kai o kham tele djal, well miro lab sharedo pash kolende an i wawar themma. An bud gaba un forja chatchrenn le mange sungepaskro koowa un viechen, hoi hi latcho an mire jaka. Kolla lauter sharenn miro lab.

2. Mose 18:11

Kanna haiwom, te hi o baro Dewel bareder har hako wawar dewel. Job las i Israelitarja win dran o wast i Egiptarendar, kai kran pen bares pral lende.”

2. Mose 14:4

Palle pandau me leskro dji, te lell lo len palla. Un me sikrau miro barepen un miri soor ap leste un ap leskre tsele lurdende. Un i Egiptarja haiwenn: Me hom o baro Dewel.” Un i Israelitarja kran jaake har o Mose lenge penas.

1. Petro 2:19

Te krenn tumer, hoi o Dewel kamella, un doleske dukrenn le tumen un tchingrenn ap tumende, ninna te kran tumer kek tchilatchepen, palle sharell tumen o Dewel.

Maleachi 1:14

‘Praassedo te well hakeno, kai pes sowel das, te dell lo man i latcho mursh viecho. Un palle chochell lo man un anell mange i nasselo vieches. Me hom o pralstuno rai, un i menshe dran wawar themma sharenn man’, penell o baro Dewel, ko rai pral o bolepen un i phub.

1. Samuel 4:8

Hawi bibacht! Koon nai lell men win dran i wasta sawe sorele deblendar? Kolla hi kol debla, kai maran i Egiptarja an o mulo tato them.

2. Mose 9:15

Me nai hadoms glan rah tsiro miro wast pre un doms tut i nasslepah temerl, tut un tire tsele menshen, jaake te wans tumendar kek buder ap kai phub.

2. Mose 9:17

Tu patseh, tu nai kreh mire menshentsa, hoi kameh, un mukeh len gar te djal.

Nehemia 9:10

Un tu kral baro sorelo koowa, hoi kek wawar nai krell, ap o baro rajeste Farao un i pralstunende un i tsele menshende leskro themestar, har dikal, te rikran le mare phuren tele. Un jaake kral tiro lab bares, jaake har kowa kau diwes hi.

Debleskri gili 76:10

har o Dewel pre stas, te rakrell lo o tchatchepen win, un te well lo halauterenge ap i rig, kai tikno rikedo wan ap kai phub.

Debleskri gili 106:8

O baro Dewel sikras, te hi lo lengro Dewel, un was ap lengri rig, te sikrell lo peskri soor.

Jeremia 32:20

Tu sikral tiri bari soor un kral baro koowa, hoi kek wawar nai krella, har mare phure an o them Egiptia his bis ap kau diwes. Kowa kral tu ap i Israelitarja, un ap i wawar menshende ninna. Jaake was tiro lab prindjedo, har kau diwes hi.

Ezekiel 39:21

Un me sikrau i menshenge an wawar themma, har baro un railo me hom. Halauter dikenn, har me o tchatchepen win krau pral o Gog, un hawi sorjah dau les un leskre lurden pengri phagi.

4. Mose 14:21

Jek koowa hi jaake tchatcho har me djiwau, un i tseli phub pherdo miro railepen well:

Josua 4:24

Un kowa kras lo doleske, te dikenn i tsele natsjone ap kai phub, har sorelo o baro Dewel hi. Un tumer hunte rikrenn tumenge hako tsiro tumaro baro Debles glan i jaka.’”

2. Samuel 7:23

Un kai hi menshe ap i phub har tire menshe Israel? Kolenge djal tu koi, te less len dran o pandepen win, te wenn le tire menshe. Ko baro un sorelo koowa, hoi tu lenge kral, kras, te wal prindjedo ap i phub. Tu tradal wawar menshen lengre deblentsa win glan tire menshende, kai tu win lal dran Egiptia, te wenn le tire.

2. Rajengro liil 19:35

Un an koi rati was o baro Debleskro bolepaskro kote, kai i lurde dran o them Assur sowan, un maras 185.000 (sheel-ochta-deesh-te pantch serja) mursha lendar. Un har le taissarlakro pre stan, his kote lauter mule tchiddo.