2. Mose 8:6 - O Debleskro Drom 2021 (Sinte)

⁶ Un job penas: “Taissar.” Un o Mose penas: “Jaake har tu penal, jaake te dikess un haiwess, te hi kek wawar jaake, har maro baro Dewel.

O Debleskro Lab 2024 (Sinte-Manouche)

⁶ Oun yob penas: “Taysar.” Oun o Mose penas: “Yaake har tou penal, yaake te dikess oun hayvess, te hi kek vavar yaake, har maro baro Devel.

2. Mose 8:6 Referans Kwoze

Debleskri gili 105:30

Job kras o tselo them pherde djambe, ninna kote, kai i bare raja sowenna, his le.

Debleskri gili 78:45

Un job bitchras matsille an lengro them, hoi len dandran, un djambe, hoi o them khandlo kran.

Debleskro tsiro 16:13

Un me dikom triin benga, hoi dikan win har djambe. Kolla wan win, jek dran o baro sapeskro mui, jek dran o viecheskro mui, un jek dran ko rakepaskro mui, kai job i chocheno hi, un krell pes, har te wals lo i Debleskro rakepaskro.

3. Mose 11:12

Lauter, hoi an o pani hi, un les kek flosse un kek shuppe hi, well tumenge djungeles.

2. Mose 7:19

Un o baro Dewel penas ap o Mose: “Pen ap o Aron: Le tiro kasht un rike tiro wast pral i panja an o them Egiptia: pral i panja, hoi nashenna un pral o pani, hoi tardo hi. Jaake te well o tselo pani rat an o tselo them Egiptia. Ninna an i khore dran kasht un bar hi palle rat dren.”

2. Mose 9:14

Te shuneh tu kau kopo pale gar, palle kamau me i djungleder bibacht pral tute un tire pralstunende un pral tire tsele menshende te bitchrell, te dikess un haiwess, te hi kek ap kai phub jaake har me.

2. Mose 9:29

O Mose penas leske: “Jaake sik har djom dran o foro win, kamau mire wasta pre te hadell ap o baro Debleste. Palle dell o bolepen buder kek gole, un kek barrengro brishin perell buder, te dikess un haiwess, te hi i phub o baro Debleske.

2. Mose 10:2

Kowa krom, te nai peness tu tire tchawenge un tire tchawengre tchawenge, har krom me ap i Egiptarja, un hawo baro koowa me krom mank lende an miri soor. Tumer hunte djinenn, te hom me o baro Dewel.”

2. Mose 15:11

Kek hi jaake har tu, o baro Dewel. Kek hi jaake har tu mank lauterende, kai kharenn pen Dewel! Tu hal o tchatcho Dewel, un kek wawar hi jaake sorelo har tu! Tu kral dareno koowa, hoi kek wawar nai krella.

5. Mose 4:35

Tumen mukas lo kowa te dikell, te djinenn, te hi o baro Dewel o tchatcho Dewel, un te dell kek wawar debles har les kokres.

5. Mose 32:31

Kolengre debla hi gar har maro Dewel. Kowa djinenn un penenn ninna kolla, kai kuran pen mentsa.

5. Mose 33:26

Israel, kek dewel hi har tiro Dewel. Pherdo railepen hi lo beshdo ap wolke un djal pral o bolepen, te well lo ap tiri rig.

2. Samuel 7:22

Baro Dewel, miro rai, har baro hal tu! Kek hi jaake har tu! Un dell kek dewel har tu, pal lauter, hoi mer mare kandentsa shunam.

2. Familjakro liil 6:14

un penas: Baro Dewel, tu o Dewel pral o Israel, kek dewel hi har tu: kek an o bolepen, witar gar ap i phub. Tu rikreh tiro lab, hoi tire menshende dal, un hal lenge latches, kolenge, kai djiwenn glan tute pengro tselo djijeha.

Debleskri gili 86:8

Miro rai, dell kek debles har tut. Kek nai krell kowa, hoi tu kreh.

Debleskri gili 90:2

Glan i berge kerdo wan, un tu i phub kral, hals tu, o Dewel, koi. Un tu atcheh hake tsirja.

Jesaja 43:10

O baro Dewel penell: Mire menshe, tumer han kolla, kai djinenn, hoi me krom; un tumer han kolla, kai mange wi-rodom, te wenn mange koi. Kanna djinenn tumer un patsenn un haiwenn, te hom me o tchatcho Dewel. Glan mande was kek wawar dewel, un pal mande well witar kek wawar dewel.