2. Mose 7:17 - O Debleskro Drom 2021 (Sinte)

¹⁷ Doleske penell o baro Dewel: Dikess un haiwess, te hom me o baro Dewel. Dik, me dau o kashteha, hoi an miro wast hi, ap o pani Nil. Un ko pani well rat.

O Debleskro Lab 2024 (Sinte-Manouche)

¹⁷ Doleske penell o baro Devel: Dikess oun hayvess, te hom me o baro Devel. Dik, me dau o kashteha, hoy an miro vast hi, ap o pani Nil. Oun ko pani vell rat.

2. Mose 7:17 Referans Kwoze

2. Mose 4:9

Un te patsenn le tut pale gar, ninna te dikan le ko baro koowa, hoi krom o kashteha un o wasteha, un shunenn gar koi pre, hoi tu lenge peneh, palle le pani dran o Nil, un tchore o pani ap i phub! Palle well ko pani rat.”

2. Mose 7:5

Un kol Egiptarja dikenn un haiwenn, kai hom me o baro Dewel, te hadau me miro wast pral o them Egiptia un lau i Israelitarja mashkral lende win.”

2. Mose 5:2

Un o Farao penas ap o Moseste un ap o Aroneste: “Hawo dewel hi kowa, kai me shunap ap leste? Hoske mukap me i Israelitarja te djal? Me prindjrau ko debles gar, un me mukau gar i Israelitarjen te djal.”

Ezekiel 39:28

Palle dikenn un haiwenn i Israelitarja, te hom me, o baro Dewel, lengro Dewel, kowa kai anas len an o pandepen an wawar themma, un mukell len palpale te well an lengro them. Kek lendar atchell kote pale.

Ezekiel 38:23

Un jaake sikrau me glan i jaka bud menshendar dran wawar themma, te hom i sorelo Dewel. Un jon dikenn un haiwenn palle, te hom me o baro Dewel.

Debleskri gili 9:16

I menshe an wawar themma, peran an koi cheb, hoi jon i win hadan. An koi netsa, hoi jon win tchiwan, tapran le pen kokres.

Debleskro tsiro 11:6

Len hi i soor, te rikrenn le o brishin pale, jaake te dell kek brishin ap ko tsiro, kai jon o Debleskro lab penenna. Un len hi i soor pral o pani, te nai krenn le dran kol tsele panja rat. Ninna hi len i soor, te nai anenn le haki bibacht pral i phub, jaake bud kope, har jon kamenna.

Debleskro tsiro 8:8

Un o duito bolepaskro phurdas an peskri phurdepaskri. Koi was i bari kotar bar, hoi chatchella, an o baro pani witsedo. Un o triinto kotar o tselo baro panjestar was har o rat.

Daniel 5:23

Un tu hadal tut pral leste, ko bolepaskro rajeste, un penal, te anenn le i khore dran leskro kheer glan tute. Un tumer pijan mool dran lende, tu un tire bare mursha, ninna tire romja un wawar djuwja. Un tu sharal i deblen dran rup un sonakai, dran lolo saster un wawar saster, kasht un bar, kol deblen, kai gar dikenn un gar shunenn. Ko Debles, koles tiro ducho an peskro wast hi, un pash koleste tire tsele dromma hi, koles hadal tu gar.

Daniel 5:21

Un job was pale-tchiddo un nai djiwas buder gar mank i menshende. Un leskro dji was har i viecheskro dji. Un job djiwas pash i diwje burike. Un jon dan les khass te chal har i grumjen. Un job tchiwas pes win tele. Un o brishin peras ap leste tele un kras les sapeno, bis ap ko diwes, kai job haiwas, te hi o pralstuno Debles i tsele rajengre themma an peskro wast, un job dell len koleste, koneste job kamell.

Daniel 4:32

Kolla, kai ap i phub djiwenna, hi har tchi glan leste. Un har job kamella, djal job kol pralstunentsa trujel, kai an o bolepen hi, un ninna kolentsa, kai ap i phub djiwenna. Un kek nai penell leske: ‘Kowa hunte kress tu gar!’ Witar kek nai putchell lestar: ‘Hoi kreh tu kate?’

Daniel 4:17

Ko ruk, koles tu dikal, kowa, kai baro un sorelo was, – jaake baro, te djas lo bis ap o bolepen, un koles hakeno nai dikas, kai lo ninna his ap kai phub,

Ezekiel 32:15

Te krom me o them Egiptia, te well lo i wi-meredo them, un lom lauter krik, hoi kote dren hi, un dom halauteren, kai kote djiwan, palle dikenn un haiwenn le, te hom me o baro Dewel.

Ezekiel 30:19

Jaake dau o them Egiptia peskri phagi, te dikenn un haiwenn le, te hom me o baro Dewel.

Ezekiel 30:8

An ko tsiro, kai tchiwau jag an o them Egiptia, un hakeno mulo hi, kai lenge ap i rig was, palle dikenn un haiwenn jon, te hom me o baro Dewel.

Ezekiel 29:9

Un i tseli Egiptia well i mulo them, kai tchi har barra pral atchenn. Un jon dikenn un haiwenn palle, te hom me o baro Dewel. Tu, Farao, penal: “Kau baro lengsto pani hi miro. Me hom kowa, kai kras les.”

Debleskri gili 105:29

Job kras rat dran i tsele panja i Egiptarendar, un mukas i matche kote dren te merell.

Debleskri gili 83:18

An ladj un traash ap lende hako tsireske, te merenn le an i ladj.

Debleskri gili 78:44

Kote kras lo, te was o pani an o Nil rat, te nai pijan i Egiptarja gar dran pengre panja.

2. Rajengro liil 19:19

Kanna, maro baro Dewel, le men win dran o wast o baro rajestar pral o them Assur, te nai dikenn un haiwenn i menshe an i tsele themma ap kai phub, kai tu, baro Dewel, kokres o Dewel hal.”

1. Rajengro liil 20:28

Kote was o Debleskro mursh pash o baro rajeste pral Israel, un penas leske: Kawa penell o baro Dewel: “I Syrarja penan, me o baro Dewel, woms i dewel, kai ap i berge djiwell, un gar i dewel, kai ap o telstuno them djiwell. Doleske dau me kal tsele bud lurden an tiro wast, te haiwenn tumer, kai me o baro Dewel hom.”

2. Mose 6:7

Kamau, te wenn tumer mire menshe, un me kamau tumaro Dewel te well. Un tumer dikenn un haiwenn, te hom me, o baro Dewel, tumaro Dewel, kai las tumen win dran i phari budi, hoi i Egiptarja ap tumende tchiwan.

2. Mose 1:22

Kanna penas o Farao ap i Egiptarja an peskro tselo them: “Kol tsele mursh tchawe, hoi newes boldo wan, witsrenn an o pani Nil! Un i tchen mukenn te djiwell!”

2. Mose 7:20

Un o Mose un o Aron kran jaake, har o baro Dewel lenge penas. Un job hadas o kasht un das ap o pani Nil. Un o Farao un i pralstune an leskro kheer dikan kowa. Un o tselo pani an o Nil was rat.

2. Mose 10:2

Kowa krom, te nai peness tu tire tchawenge un tire tchawengre tchawenge, har krom me ap i Egiptarja, un hawo baro koowa me krom mank lende an miri soor. Tumer hunte djinenn, te hom me o baro Dewel.”

Ezekiel 25:17

Me anau lengro tselo tchilatchepen pale ap lengre sherja. Un an miri choli dau len i phari phagi. An ko tsiro, kai anau lengro tchilatchepen pale ap lengre sherja, dikenn un haiwenn le, te hom me o baro Dewel.

Ezekiel 32:6

Un me dau o themes tiro rat te pijell, hoi nashell bis pash i berge, un i tikne panja wenn pherdo lestar.