2. Mose 7:14 - O Debleskro Drom 2021 (Sinte)

¹⁴ Un o baro Dewel penas ap o Mose: “O Faraeskro dji hi har dran bar. Job mukell gar i Israelitarjen te djal.

O Debleskro Lab 2024 (Sinte-Manouche)

¹⁴ Oun o baro Devel penas ap o Mose: “O Faraeskro dji hi har dran bar. Yob moukell gar i Israelitaryen te djal.

2. Mose 7:14 Referans Kwoze

2. Mose 10:27

Un pale pandas o baro Dewel o Faraeskro dji, te mukas lo len pale gar te djal.

2. Mose 10:20

Ninna kau kopo pandas o baro Dewel o Faraeskro dji. Un job mukas i Israelitarjen gar te djal.

2. Mose 10:1

Pal kowa penas o baro Dewel ap o Mose: “Dja pash o Farao dren! Me pandom leskro dji, ninna i djia leskre pralstunendar, te nai krom kau baro koowa an miri soor mashkral lende.

2. Mose 8:15

Kote penan i durkepangre ap o Farao: “Kawa hi o Debleskro wast!” Ninna kanna rikras o Farao peskro dji pandlo un shunas gar ap lende. Jaake was, hoi o baro Dewel penas.

Hebrearja 12:25

Denn jak, te shunenn ap o Debleste, kai ap tumende rakrella! Har job ap i phub ap i phure Israelitarja rakras, kaman le gar ap leste te shunell, un leskri choli was pral lende. Kitse budeder well o Debleskri choli pral mende, te shunah gar ap leste, kai dran o bolepen rakrella.

Zakarie 7:12

Lengre djia kran le har bar, te shunenn le gar ap mire laba, hoi sikrenn har te djan le miro drom. Kal laba penan lenge mire rakepangre, kai djiwan glan bud bersha. Doleske was miri bari choli ap lende.

Jeremia 9:6

Doleske penell o baro Dewel, ko rai pral o bolepen un i phub: Har o rup an i jag djudjes kerdo well, jaake kamau mire menshen dukentsa djudjes te krell. Dell tchi wawares, hoi krap me nai mire menshenge.

Jeremia 8:5

Hoske nashrenn pen kal menshe an o foro Jerusalem pale te pale, un rissrenn gar trujel? Jon atchenn pash kol chochene deblende, un kamenn gar palpale pash mande te well.

Jesaja 1:20

Kamenn tumer gar te shunell, un pandenn tumare djia glan mande, palle wenn o chareha mulo dino. Kowa penau me, o baro Dewel!”

2. Mose 10:4

Te mukeh tu gar mire menshen te djal, palle kamau me taissar stepangre pral tiro them te bitchrell.

2. Mose 9:2

Te mukeh len tu gar te djal, un rikreh len pale pale,

2. Mose 8:2

Kote rikras o Aron peskro wast pral i panja an o them Egiptia. Un i djambe wan pre, un his jaake bud, te his o tselo them lentsa pherdo.

2. Mose 4:23

Un me penau tuke: Muk miro tchawes te djal, te mangell lo man an! Un te mukeh les gar te djal, palle marau me tiro phureder tchawo.’”

2. Mose 7:13

Har dikas o Farao kowa, atchas leskro dji pandlo, un job shunas gar ap lende. Jaake was, hoi o baro Dewel penas.

2. Mose 7:15

Dja taissarlakro pash o Farao! Job djala tele pash o pani Nil. Le ko kasht an tiro wast, kolestar i sap was.

2. Mose 9:7

Un o Farao bitchras murshen pash lende, te dikenn le palla, hoi i Israeltikre viechentsa hi. Un har kolla koi his, dikan le, te meras pash lende kek lengre viechendar. Ninna kau kopo atchas o Faraeskro dji pandlo un job mukas i Israelitarjen gar te djal.

2. Mose 3:19

Un palle penas o baro Dewel: “Me djinau, o baro rai pral o them Egiptia, te well lo gar phagedo, mukell lo tumen gar dran o them win te djal.

2. Mose 8:11

Har dikas o Farao, te hi i bibacht lestar krik, jaake har leske penlo was, kote pandas job pale peskro dji un shunas gar ap lende. Jaake was, hoi o baro Dewel penas.

2. Mose 9:34

Har o Farao dikas, te heras kowa lauter pre, kras lo gar, hoi o baro Dewel lestar kamella, un pandas pale peskro dji. Un jaake kran ninna i pralstune an leskro them.

5. Mose 2:30

O Sihon, ko baro rai an Heshbon, kamas men gar wergel leskro themestar te djal. Tumaro baro Dewel mukas leskro dji har bar te well, jaake te dikas lo tchi dren. Jaake das o baro Dewel les un leskro them an tumare wasta. Un kowa his gomme kau diwes jaake.

1. Samuel 6:6

Ma pandenn tumare djia, te wenn le har bar, har kran kol Egiptarja un lengro baro rai, o Farao! Hi kowa gar jaake? Har sikras o baro Dewel peskri soor ap lende, hunte mukan le i Israelitarjen te djal.