2. Mose 6:5 - O Debleskro Drom 2021 (Sinte)

⁵ Ninna shunom me i gole, har i Israelitarja gole dan i dukatar, har i Egiptarja lenge i sorjah phari budi pre tchiwan. Un me bistrom miro lab gar un rikrau les.

O Debleskro Lab 2024 (Sinte-Manouche)

⁵ Ninna shounom me i gole, har i Israelitarya gole dan i doukatar, har i Egiptarya lenge i zoryah phari boudi pre čivan. Oun me bistrom miro lab gar oun rikrau les.

2. Mose 6:5 Referans Kwoze

2. Mose 2:24

Un job shunas lengri gole, un bistras gar ko lab, hoi das job o Abraham, o Isaak, un o Jakob, te well lo lengro Dewel un jon peskre menshe.

Jesaja 63:9

dran ko tselo pharo koowa, hoi ap lende tchiddo his. Kek wawar, kek bolepaskro un kek bitchepaskro was lenge ap i rig. Na-a job kokres was, un las len dran kowa lauter win. Dran leskro tselo dji kamas lo len un his lenge latches. Doleske las lo len koi win, hadas len pre, un hidjras len hake diwessa an ko phuro tsiro.

Louka 1:72

Les his i baro dji mare phurenge un bistras gar kowa, hoi job lentsa an o phuro tsiro win kras un peskro wast pre das.

Louka 1:54

Un job bistras gar peskro budepaskres, o Israel, un kras peskro dji leske pre,

Debleskri gili 105:8

An kek tsiro bistrell lo peskri sowel, hoi lo mentsa dren djas. Peskro lab, hoi das lo, atchella jaake rah har menshe ap i phub djiwenna.

2. Mose 3:7

Un o baro Dewel penas: “Me dikom har djungelo mire menshenge djala an o them Egiptia. Me shunom lengri gole, har dan i pralstune chale len dawa. Me prindjrau lengre duka.

1. Mose 9:15

well ko lab an miro shero, hoi me dom tumen un lauteren, kai djiwenna: ‘Me mukau kek pani buder te well, hoi jaake baro well, te tassell o tselo djipen.’

1. Mose 8:1

O Dewel bistras o Noah gar, witar gar i viechen, kai pash leste an o panjeskro kheer his: kol diwje vieche un kolla, kai gar diwje hi. Un o Dewel mukas i baro ducho pral i phub te phurdell. Koi djas o pani tele.

2. Mose 2:23

Pal i rah tsiro meras o baro rai pral o them Egiptia. Fothe phares hunte budran i Israelitarja tel dawa un dan gole, te shunas len o Dewel.

2. Mose 5:4

Koi penas o Farao ap lende: “Tumer, Mose un Aron, hoske kamenn tumer kol menshen dran pengri budi te lell? Jon hi budeder har i Egiptarja. Un tumer kamenn len pale te rikrell, te krenn le buder gar pengri budi! Djan tumenge! Hakeno pash peskri budi!”