2. Mose 4:22 - O Debleskro Drom 2021 (Sinte)

²² Un rake ap leste: Jaake rakrella o baro Dewel: ‘O Israel hi miro phureder tchawo.

O Debleskro Lab 2024 (Sinte-Manouche)

²² Oun rake ap leste: Yaake rakrella o baro Devel: O Israel hi miro phoureder čavo.

2. Mose 4:22 Referans Kwoze

Hosea 11:1

Har o Israel terno his, kamom les o djijestar, un dran o them Egiptia kharom les, miro tchawes.

Remarja 9:4

Jon hi Israelitarja. Kolen rodas o Dewel win, te wenn le leskre tchawe. Lende sikras lo peskro railepen. Lentsa kras lo win, te well lo lengro Dewel un jon peskre menshe. Lende das lo peskre laba, hoi penenna, har te djiwenn le, ninna kol laba, hoi sikrenna, har te budrenn le leske an peskro kheer. Lentsa rakras lo pral o djipen un o brawlepen, hoi kamell lo len te dell an ko tsiro, hoi wella.

Hebrearja 12:23

Kote wenna o Debleskre tchawe khetne. Lengre laba hi an o bolepen pre tchinlo. Kote hi o Dewel, kai rakrell o tchatchepen win pral i tsele menshende. Kote hi ninna kol tsele patsle, kai meran un kolen o Dewel pash peste las.

Jeremia 31:9

Jon wenna ropah. Un me rakrau lenge latches, un anau len pash panja un ap latche dromma, te perell kek; me hom o Israeleskro dad, un o Efrajim hi miro phureder tchawo.

Jesaja 64:8

Baro Dewel, muk tiri choli gar jaake bares te well, te bistress mari doosh gar buder. Dik ap mende, mangah tut, tire menshe ham halauter.

Jesaja 63:16

Tu hal maro dad. O Abraham djinell tchi mendar, un o Jakob prindjrell men gar. Tu, baro Dewel, hal maro dad, kowa kai men win las dran o them Egiptia. Glan rah tsiro kral tu tuke koleha i baro lab.

5. Mose 14:1

Tumer han i tchawe tumaro baro Deblestar. An ko tsiro, kai rowenn i muleske, ma tchinenn tumaro mass leske! Un ma tchinenn i balla pral tumare jaka!

Jakobo 1:18

Job kamas, te wam mer leskre tchawe. Kolla wam, har menge leskro tchatcho lab penlo was. Jaake wam mer o feteder mank lauter, hoi o Dewel kras.

2. Korintarja 6:18

Un me kamau tumaro dad te well, un tumer han mire tchawe un mire tcha. Kowa penell o baro Dewel, kai hi o rai pral o bolepen un i phub.

Mateo 2:15

Un kote atchas lo, jaake rah har o Herodes djido his. Un jaake was kowa tchatcho, hoi o Dewel ap peskro rakepaskro penas: Dran o them Egiptia dom miro tchawes gole.

2. Mose 6:11

“Dja dren pash o Farao, ko baro rai pral o them Egiptia, un pen leske, te mukell lo i Israelitarja dran leskro them te djal.”

2. Mose 7:16

Un pen ap leste: ‘O baro Dewel, o Dewel pral i Hebrearja, bitchras man pash tute, un mukell tuke te penell: Muk mire menshen te djal, te mangenn le man an an o mulo tato them. O tselo tsiro shunal tu gar.

Debleskri gili 89:27

Job penell ap mande: Tu hal miro dad, miro Dewel, kowa, kai rikrell peskre wasta pral mande un well ap miri rig.

5. Mose 32:6

Tumer dinele menshe, kolen kek goswepen hi, parkrenn tumer tumen jaake pash tumaro baro Debleste? Hi job gar tumaro dad, kai kras tumen? Kowa, kai kras tumendar i natsjona?

Jeremia 2:14

Hi o Israel i ginlo budepaskro? Hi lo i budepaskro, kai pandles boldo was, kai nai hakeno krell leha, hoi kamella?

Maleachi 1:6

O baro Dewel, ko rai pral o bolepen un i phub, penell: I tchawo hunte hadell peskro dades, un i budepaskro hunte dikell pre ap peskro rajeste. Me hom tumaro dad – hoske hadenn man gar? Me hom tumaro rai – hoske dikenn gar pre ap mande? Tumer rashaja, tumer dikenn tele ap mande. Un tumer putchenn: Hoi kram, kai peneh ‘tumer dikan tele ap mande?’