2. Mose 38:1 - O Debleskro Drom 2021 (Sinte)

^1-2 Un job kras i sasterni chatchepaskri, kai wenna vieche o Debleske chatchedo. Job kras lat dran akatstikro kasht, dui-te-paash metarja lengsto un ninna jaake buchlo un jek-te-paash metari pral. Pral i tseli chatchepaskri was lolo saster dino. Ap haki pralstuni ekka was i shing win. Kol shinga wan kerdo dran jek kotar kasht har i chatchepaskri.

O Debleskro Lab 2024 (Sinte-Manouche)

^1-2 Oun yob kras i sasterni rhačepaskri, kay venna firhe o Debleske rhačedo. Yob kras lat dran akatstikro kasht, douy-te-paash metarya lengsto oun ninna yaake bourhlo oun yek-te-paash metari pral. Pral i tseli rhačepaskri vas lolo saster dino. Ap haki pralstouni ekka vas i shing vin. Kol shinga van kerdo dran yek kotar kasht har i rhačepaskri.

2. Mose 38:1 Referans Kwoze

Debleskro tsiro 21:16

O fores hi star rigja. Jek rig hi jaake baro har i wawar. Un o bolepaskro las ko sonakaskro kasht un dikas pal, har baro ko foro hi: Haki rig hi dui-serja-te-star-sheel (2.400) kilometarja baro. O lengstepen, o buchlepen un o pralstunepen hi lauter jek barepen.

Hebrearja 13:10

Mer djah ap o newo drom. Menge meras o Jesus Kristo ap o trushel. Kolla, kai djan ap o phuro drom, marenn viechen an o Debleskro kheer ap kai phub. Koon gomme viechen marella un glan o Debleste anella, koleske hi o Jesus Kristo gar koi.

2. Familjakro liil 4:1

Un job kras i Debleskri chatchepaskri dran lolo saster. Koja his deesh metarja lengsto un buchlo un pantch metarja fun tel bis pral.

2. Mose 40:29

Win glan o khereskro wudar tchiwas lo i sasterni chatchepaskri, un ap leste chatchras lo viechen un chapen o baro Debleske, jaake har job leske penas.

2. Mose 40:6

Glan o Debleskro plachteno kheer tchip i sasterni chatchepaskri, kai i vieche o Debleske chatchedo wenna.

1. Petro 2:5

Ninna tumer han sawe djide barra. Tumentsa kamell o Dewel peskro kheer pre te tchiwell. Job rodas tumen win, te wenn tumer leskre rashaja, un te wenn leske koi. An tumende das o Jesus Kristo peskro Ducho. Doleske nai sharenn o Debles jaake, har job kowa kamella.

Hebrearja 13:8

O Jesus Kristo atchell har job hi: taissar, kau diwes, un hako tsireske.

Hebrearja 9:14

kitse sorleder hi o Jesus Kristeskro rat. O Debleskro Ducho, kai djiwella hako tsiro, das o Jesus Kristeste i soor, te nai das lo peskro djipen an o merepen. Un job meras o Debleske jaake har i bakro, ap koleste kek doosh hi. Kowa kras lo, te lell lo mari doosh mendar, jaake te djiwas mer buder gar pal kol laba, hoi tchi moldo hi un i menshe an o merepen anenna. Kanna hi maro dji djudjo, un mer nai wah tchatchepah o djido Debleske koi.

Hebrearja 3:1

Mire patsle phrala, o Dewel das tumen gole, te djiwenn pash leste an o bolepen. Doleske dikenn ap o Jesuseste, kones o Dewel bitchras, te anell lo i menshen ap leskro drom. Les hi peskro dadeskro wast. Un job hi maro baro rashai. Ap leste patsah mer. Job mangell o Debles menge.

Remarja 12:1

Mire phrala, o Dewel hi kamlo ap tumende. Doleske mangau tumen o tselo djijestar: Djiwenn tumaro djipen o Debleske, un wenn leske kokres koi, jaake te well o Dewel bachtelo pral tumende. Te djiwenn tumer jaake, sharenn tumer les. Un kowa hi tumari budi.

Johanni 6:37

Halauter kolla, kai dell man o dad, wenn pash mande. Un halauter kolla, kai wenn pash mande, kolen witsrau me gar win.

2. Mose 25:5

Bakreskri ledertikre plachte, hoi lolo kerdo wan, wawar latche ledertikre plachte un kasht i rukestar, hoi kharella Akatsia,

2. Mose 31:9

koi sasterni chatchepaskri, kai i vieche o Debleske chatchedo wenna, un ko tselo koowa, hoi pashel hi, un o thopaskro tcharo un koleskre herja;

2. Familjakro liil 1:5

Glan o baro Debleskro plachteno kheer an o foro Gibeon his ninna koi chatchepaskri dran lolo saster tardo, hoi o Bezalel kras, koleskro dad o Uri his, un koleskro dad o Hur his. Kote djas o Salomo, un khetne leha i Israelitarja.

2. Mose 30:17

Un o baro Dewel rakras ap o Moseste un penas: