2. Mose 34:9 - O Debleskro Drom 2021 (Sinte)

⁹ “Miro rai, te dikeh tu latches ap mande, palle dja mentsa, ninna te djan kal menshe pal pengro shero. Biste mari doosh un ko tchilatcho koowa, hoi kram, un muk men pale tire menshe te well.”

O Debleskro Lab 2024 (Sinte-Manouche)

⁹ “Miro ray, te dikeh tou lačes ap mande, palle dja mentsa, ninna te djan kal menshe pal pengro shero. Biste mari doosh oun ko čilačo koova, hoy kram, oun mouk men pale tire menshe te vell.”

2. Mose 34:9 Referans Kwoze

Debleskri gili 33:12

Bachtele hi kol menshe, kolengro Dewel o baro Dewel hi, kol menshe, kai job peske wi-rodas, te wenn le leskre menshe.

Debleskri gili 94:14

O baro Dewel tchiwell peskre menshen gar pale, un mukell gar len kokres.

5. Mose 32:9

I Israelitarja hi leskre menshe. Jon, o Jakobeskre tchawe, hi kolla, kai rodas lo peske win.

Debleskri gili 135:4

O baro Dewel rodas peske o Jakobeskre menshen win, awa, o Israel las lo, te well lo leskro.

Debleskri gili 28:9

Ab ap i rig tire menshenge! Tchip tiri soor un tiri bacht ap mende, kai tiro ham! Ab hako tsiro har i bakrengro menge, kai dell jak ap peskre bakrende un dell len lauter, hoi len hunte well djipaske!

Jeremia 10:16

Har wawartchandes hi ko Dewel, koles o Jakobeskre tchawe an-mangenna! Job hi kowa, kai kras halauter. Un i Israelitarja hi leskre menshe. Job kharell: o baro Dewel, ko rai pral o bolepen un i phub.

2. Mose 32:9

Un o baro Dewel penas ap o Mose: “Me dikau, kai djiwenn kol menshe pal pengro shero un kamenn gar te shunell.

Zakarie 2:12

O baro Dewel, ko rai pral o bolepen un i phub, kowa, kai bitchras man, job penell pral i menshende an kol wawar themma, kai tchoran tumen win: “Hakeno kai dukrell tumen, dukrell kowa, hoi hi mange jaake kutch har miro jak.

Debleskri gili 78:62

Un peskre menshen das job an lengre wasta, te marenn le len o chareha. Jaake chojedo his lo ap lende.

2. Mose 19:5

Kanna shunenn: Te rikrenn tumer lauter, hoi me tumenge penau, un shunenn ap mire tsele laba, palle han tumer mange kutcheder har i tsele wawar menshe ap kai phub. Ninna te hi i tseli phub miro, han tumer kokres mire menshe,

Mateo 28:20

Penenn lenge, te rikrenn le ap lauter, hoi me tumenge penom! Tchatchepah, me hom pash tumende hako diwes jaake rah, har i phub koi hi.”

Jesaja 48:4

Me djinau, te hi tumen barrengre djia, un tumare menja hi sorelo har dran saster, un tumare sherja har dran lolo saster.

Debleskri gili 25:11

Baro Dewel, kre tiro lab baro, un le miri doosh mandar krik, hoi jaake bares hi!

4. Mose 14:19

Kanna sike tiro baro latchepen un biste ko djungelo koowa kal menshendar jaake har tu bud kope lengri doosh bistral ap o drom dran o them Egiptia bis kate.”

2. Mose 34:7

Me sikrau miro latchepen ap lengre tchawende un kolengre tchawende un kolengre tchawende un serja kope jaake dureder. Un bistrau lengri doosh un lau lengro tchilatchepen krik. Koles, kai kamell mandar tchi te djinell, dau i phagi, un gar koles kokres, na-a ninna leskre tchawen un kolengre tchawen jaake rah har triin, star familje, jek pal i wawar, djiwan.”

5. Mose 4:20

Tumen las o baro Dewel dran o them Egiptia win, har dran i sasterno jagakro bob, jaake bud duka hunte lan kote ap tumende. Tumen las lo koi win, te wenn tumer leskre menshe, kai kokres leske koi hi, jaake har kowa ap kau diwes kate ninna hi.

5. Mose 9:18

Un me witsrom man tele glan o baro Debleste, un homs tchiddo glan leste har koi ersto kopo 40 (star-deesh) diwessa un ratsja. Maro chom kek, un pani pijom gar. Un mangom les tumenge, te dikell lo gar ap tumari bari doosh, hoi tumer ap tumende lan, har sawo djungelo koowa kran, un les jaake chojedo kran.

5. Mose 9:26

Un me mangom o baro Debles un penom: “Baro Dewel miro rai, ma mare tire menshen, kol menshen, kai tu win lal dran o them Egiptia tiri bari sorjah un tiro sorelo wasteha, te wenn le tire menshe!

5. Mose 9:29

Jon hi tire menshe, kolen tu win lal dran o them Egiptia tiri bari sorjah un tiro sorelo wasteha, te wenn le tire menshe!”

Micha 7:18

Kek Dewel hi har tu, kai lell o tchilatchepen krik, hoi mer kram, un kai bistrell koi doosh, hoi anam ap mende – mer, kai tire menshendar pral atcham. Tu atcheh gar chojedo pral mende hako tsiro, un kreh tiro dji pre menge.

2. Mose 33:12

O Mose penas ap o baro Debleste: “Tu penal mange, te anap me kal menshen an o them Kanaan. Tu sikral man gar, kones tu mantsa bitchreh. Tu penal, te prindjreh man un djineh miro lab, un te dikeh latches ap mande.