2. Mose 34:1 - O Debleskro Drom 2021 (Sinte)

¹ O baro Dewel penas ap o Moseste: “Kre tuke dui bare barra, har kolla his, kai tu paash dal! Palle kamau me pale kol laba dren te tchinell, hoi an i wawar barra tchinlo his.

O Debleskro Lab 2024 (Sinte-Manouche)

¹ O baro Devel penas ap o Moseste: “Kre touke douy bare barra, har kolla his, kay tou paash dal! Palle kamau me pale kol laba dren te činell, hoy an i vavar barra činlo his.

2. Mose 34:1 Referans Kwoze

2. Mose 32:19

Har was o Mose pash i menshende, un dikas ko terno gurum, un har i menshe khelan, was an leste i bari choli. Job witsras kol barra dran peskre wasta un phagas len an kotja tella pash i berga.

Debleskri gili 119:89

Baro Dewel, tiro lab atchella hako tsireske, un hi soreles tardo an o bolepen.

2. Mose 31:18

Un har o baro Dewel kowa lauter ap o Mose rakras ap i berga Sinai, das job les i dui barra, kai o Debleskre deesh laba dren tchinlo hi. O Dewel tchinas len peskro gushteha dren.

2. Mose 34:28

Star-desha diwessa un ratsja atchas o Mose ap i berga pash o baro Debleste. An kowa tsiro chas lo tchi un pijas lo tchi. Job tchinas kol deesh laba ap kol dui barra, – kol laba, kai penenna, hoi o Dewel peskre menshendar kamella.

2. Mose 32:16

Kol barra kras o Dewel kokres un tchinas kol laba dren.

2. Mose 24:12

Un o baro Dewel penas ap o Moseste: “Ab pash mande ap i berga pre un atch kote, te dap tut kol barra, kai tchinom mire laba dren, te sikrap mire menshende, har te djiwenn le, te djinenn jon, hoi te krenn un hoi te krenn gar.”

2. Mose 34:4

O Mose kras dui newe bare barra har kol phure. Sik taissarlakro stas job pre, un djas ap koi berga Sinai, har o baro Dewel penas leske. An leskre wasta rikras lo kol dui bare barra.

5. Mose 4:13

Un job kras tumentsa win, te hi lo tumaro Dewel, un tumer han leskre menshe. Un job das tumen kol deesh laba, hoi tchinas lo an dui barra, un penas tumenge, te hunte rikrenn tumen ap kowa, hoi tumer leha win kran un hunte djiwenn pal kol deesh laba.

Jeremia 36:32

Koi las o Jeremia i newo liil un das les o Baruches, ko tchinepaskres, koleskro dad o Nerija his. Un o Baruch tchinas kol tsele laba pre, hoi o Jeremia leske glan penas, kol laba, hoi an o ersto liil tardo his, hoi o Jojakim, ko baro rai pral Juda an i jag witsras. Un bud wawar laba, hoi jaake har kolla his, wan koi pashel tchinlo.