2. Mose 32:4 - O Debleskro Drom 2021 (Sinte)

⁴ Un job las len dran lengre wasta, un tchiwas len an i jag, un kras i dewel, hoi dikas win har i terno gurum. Un jon penan: “Kawa hi tiro Dewel, Israel, kowa, kai tut dran o them Egiptia win anas.”

O Debleskro Lab 2024 (Sinte-Manouche)

⁴ Oun yob las len dran lengre vasta, oun čivas len an i yag, oun kras i devel, hoy dikas vin har i terno gouroum. Oun yon penan: “Kava hi tiro Devel, Israel, kova, kay tout dran o them Egiptia vin anas.”

2. Mose 32:4 Referans Kwoze

Nehemia 9:18

Ninna palle djal tu lendar gar, har kran jon penge i sonakaskro terno gurum un penan: “Kawa hi tumaro Dewel, kai anas tumen win dran o them Egiptia.” Jaake bud dukran le tut, maro Dewel.

5. Mose 9:16

Un me dikom, tumer kran baro tchilatchepen ap tumaro baro Debleste. Tumer kran tumenge i sonakaskro terno gurum un djan sik tele ko dromestar, hoi o baro Dewel sikras tumende, te hunte djan.

Bičepangre 7:41

An ko tsiro kran le i grumni dran sonakai, te well kaja lengro dewel. Un jon anan viechen, maran len un chatchran len lake, un wan bachtelo pral kowa, hoi jon kran.

2. Mose 32:8

Sik djan le ko dromestar tele, kai me sikrom lende. Jon kran penge i dewel, – i terno gurum, – un mangan les an, maran viechen leske un penan: ‘Kawa hi tiro Dewel, Israel, kowa, kai anas tut dran o them Egiptia win.’”

1. Rajengro liil 12:28

Un o rai Jerobeam djinas pash peste, hoi nai krell lo, un mukas dui sonakangre terne grumjen te krell, un penas ap i menshende: “Tumer Israelitarja, hi doha, kai djan tumer jaake rah an Jerusalem, te mangenn o Debles an. Kate hi tumare debla, kolla anan tumen dran o them Egiptia!”

Hosea 13:2

Un kanna krell o kheer Efrajim budeder tchilatcho koowa: Dran pengro rup krenn le penge figure, hoi wi-dikenn, har jon kamenn, un hoi le an-mangenn. Mursha, kai lengri budi mishto haiwenn, krenn len pengre wastentsa. I menshenge well penlo: Koon anell tchomone o Debleske, hunte tchumrell kal rupene terne grumjen!

Bičepangre 17:29

Mer te wah o Deblestar, palle hi kowa dinlepen, te patsenn tumer, kai hatsenn o Debles an kowa, hoi tumer tumare wastentsa kran dran sonakai, rup un barra.

Hosea 10:5

I menshe an o foro Samaria darenn, te well ko sonakaskro terno gurum krik lino, hoi hi tardo an o foro Bet-Awen. Jon rowenna har pal jekeske, kai meras. Leskre rashaja trissenna trul leskro shukapen, te well lo lestar krik lino.

Jesaja 46:6

Kol menshe, kai krenn pen i chocheno dewel, lenn sonakai dran lengri possita, un tchiwenn rup ap i waga, te plaissrenn le koles, kai haiwell mishto te budrell an sonakai un rup, te krell lo kolestar i dewel lenge. Glan koleste witsrenn jon pen tele ap i phub, un mangenn les an.

2. Familjakro liil 13:8

Un kanna patsenn tumer, te han sorleder har ko them, pral koleste o baro Dewel o Davideskre tchawen tchiwas, te wenn le bare raja. Bud han, ko dikau, un pash tumende hi tumare sonakangre terne grumja, hoi o Jerobeam tumenge das, te wenn le tumare debla.

2. Familjakro liil 11:15

O Jerobeam rodas peske rashajen win, kai budran ap i mulne platse i bengenge un kol mule deblenge, hoi win dikan har terne grumja, hoi job mukas te krell.

2. Mose 20:23

Doleske krenn tumenge kek wawar debles, kek dran rup, witar kek dran sonakai.

2. Rajengro liil 10:29

Kol wawar chochene deblen mukas lo tardo: kol sonakangre terne grumja an Betel un Dan. Kolen kras o Jerobeam, koleskro dad o Nebat his. Un o Jerobeam anas i Israelitarjen o Debleskro dromestar tele, te mangenn jon kol figure an. Un o Jehu mukas len kowa ninna te krell.

2. Mose 32:1

Har dikan i menshe, kai o Mose i rah tsiro krik atchas, un gar buder koi berga tele was, wan le khetne pash o Aron un penan ap leste: “Dja, kre menge i dewel, kai djal glan mende! Mer djinah gar, hoi ko Moseha djas, kai anas men dran o them Egiptia win.”

1. Rajengro liil 12:32

Un job tchiwas i baro diwes dren an o ochtato tchon, ap o deesh-te-pantchto diwes, te wals ko diwes har kol bare diwessa an o them Juda. Un ap i chatchepaskri chatchras lo viechen. Kowa kras lo an Betel, kote chatchras lo viechen kol terne grumjenge dran sonakai, hoi lo kras. Un kote an Betel tchiwas lo rashajen an pengri budi dren, te his le rashaja ap kol mulne platse, hoi lo kras, kai mangenn le i mule deblen an.

2. Mose 28:11

Muk koi budi jekestar te krell, hoi haiwell mishto laba an bar te tchinell. Un kol barra wenn tchiddo an sonakangre gustria.

2. Mose 28:9

Le dui kutch barra, hoi kharenna Onyx! Un an kolende muk i laba o Israeleskre tchawendar dren te tchinell:

2. Mose 20:2

Me, o baro Dewel, hom tiro Dewel, koon tut win las dran o them Egiptia, kai tu i pandlo budepaskro hals.

1. Korintarja 10:7

Ma mangenn wawar koowa an har o Debles! Mank kolende an o phuro tsiro his sawe, kai kran kowa. An o Debleskro lab hi tchinlo: Jon beshan tele, te chan le un pijan le un stan pre, te khelenn le glan o sonakaskro viecho.

2. Mose 32:3

Jaake lan i tsele menshe pengre kanengre dran i kanda, un anan len pash o Aron.

2. Mose 32:5

Har dikas kowa o Aron, kras job i chatchepaskri glan ko gurum, te chatchrenn le viechen leske koi pre, un mukas wi-gole te dell: “Taissar hi i baro diwes, kai sharah o baro Debles!”

2. Mose 32:7

O baro Dewel rakras ap o Mose: “Naash, dja tele, tire menshe, kai tu dran o them Egiptia win anal, kran djungelo koowa.

2. Mose 32:24

Me putchom: ‘Kones hi sonakai?’ Jaake lan le pengro sonakai tele un dan les mande. Me lom ko sonakai un tchiwom les an i jag, un hoi win was, his ko terno gurum.”

2. Mose 32:35

Un o baro Dewel das i Israelitarjen doleske, kai jon mangan ko terno gurum an, hoi o Aron kras.

2. Rajengro liil 10:20

Un o Jehu penas: “Denn win gole, te well i baro diwes, kai wenn vieche maredo o debleske Baal, te well job sharedo!” Un kau lab was win gole dino.

Jesaja 30:22

Palle dikenn tumer ap tumare rupene un sonakangre figure har ap tchomone, hoi pale-tchiddo hi. ‘Krik kolentsa’ penenn tumer un witsrenn len krik har tchik.

Ezekiel 23:8

Har li i terni djuwel his an o them Egiptia, sowan i mursha lah, un tapran lakre tchutchja an, un kran lah trujel. Un sawo koowa mukas li kanna gar.

2. Mose 20:4

Un tu kress tuke kek dewel, hoi wi-dikell har tchomone an o bolepen, witar gar har tchomone ap i phub un witar gar har tchomone an o baro pani.

Čačepangre 8:24

Un o Gideon penas pale ap lende: “Jek kamau tumendar te mangell: Denn man kol kanengre, hoi lan kolendar, kai kuran tumen lentsa!” Kolla his Ismaelarja un doleske his len sonakangre kanengre.

Čačepangre 8:27

Un o Gideon kras dran ko sonakai jek dewel. Un tchiwas les pre an peskro foro, hoi kharella Ofra. Un o tselo Israel was koi, te mangenn le les an. Un doleske peras o Gideon un leskro tselo kheer o tchatcho dromestar tele.