2. Mose 32:16 - O Debleskro Drom 2021 (Sinte)

¹⁶ Kol barra kras o Dewel kokres un tchinas kol laba dren.

O Debleskro Lab 2024 (Sinte-Manouche)

¹⁶ Kol barra kras o Devel kokres oun činas kol laba dren.

2. Mose 32:16 Referans Kwoze

2. Mose 31:18

Un har o baro Dewel kowa lauter ap o Mose rakras ap i berga Sinai, das job les i dui barra, kai o Debleskre deesh laba dren tchinlo hi. O Dewel tchinas len peskro gushteha dren.

Hebrearja 8:10

Ap ko tsiro, hoi wella, penell o Dewel, rakrau pale lentsa, un anau len ap o newo drom. Me tchiwau miro tchatchepen an lengre shere, un tchinau mire laba an lengre djia. Un me hom lengro Dewel, un jon hi mire menshe.

2. Korintarja 3:3

Dran mari budi wan tumer pash o Jesus Kristeste. Un kanna han har i liil, hoi wella o Jesus Kristestar. Kau liil tchinas o Ducho o djido Deblestar, un kek mensho. Kau liil was gar tchinlo ap i barra. Na-a. Kau liil was tchinlo an i menshengre djia, an tumare djia.

2. Korintarja 3:7

Kol phure tchinle laba, hoi anenn i menshen an o merepen, his tchinlo ap i barra. Har anas o Mose i menshenge kol barra, was leskro mui jaake railes, te dikan nai i Israelitarja gar ap leste. Jaake dikah, ninna ap o phuro drom was o Debleskro railepen diklo, ninna te djas ko railepen pal i tikno tsiro krik.

5. Mose 10:1

An ko tsiro penas o baro Dewel ap mande: “De dui barra win, har kol dui glanstune, un ab pre pash mande ap i berga, un kre i kashteno mochton.

5. Mose 9:15

Me rissrom man un djom koi berga tele. Un koi berga chatchas an i jag. Un kol dui barra kol deesh labentsa his an mire wasta.

2. Mose 34:4

O Mose kras dui newe bare barra har kol phure. Sik taissarlakro stas job pre, un djas ap koi berga Sinai, har o baro Dewel penas leske. An leskre wasta rikras lo kol dui bare barra.

2. Mose 34:1

O baro Dewel penas ap o Moseste: “Kre tuke dui bare barra, har kolla his, kai tu paash dal! Palle kamau me pale kol laba dren te tchinell, hoi an i wawar barra tchinlo his.

2. Mose 32:15

O Mose djas pale koi berga tele. An leskro wast his les kol barra, kai o Debleskre deesh laba ap hake dui rigja dren tchinlo hi.

2. Mose 32:17

O Josua, kai his pash o Moseste, shunas har i Israelitarja gole dan, un penas ap o Moseste: “I menshe denn bari gole, har te kurans le pen.”

Hiob 19:24

Kamoms, te wenn le i sasteha dino an i baro bar, te atchenn le hako tsireske!