2. Mose 30:7 - O Debleskro Drom 2021 (Sinte)

⁷ Ap ko sonakaskro bob chatchrell o Aron ko kutch koowa, hoi o Debleske shukar sungella. Kowa krell lo hako diwes taissarlakro, te tchorell lo o djet an i momlia,

O Debleskro Lab 2024 (Sinte-Manouche)

⁷ Ap ko sonakaskro bob rhačrell o Aron ko kouč koova, hoy o Debleske shoukar soungella. Kova krell lo hako dives taysarlakro, te čorell lo o djet an i momlia,

2. Mose 30:7 Referans Kwoze

1. Samuel 2:28

Dran i tsele familje, kai wenna kol deesh-te-dui Israeleskre tchawendar, rodom me o kheer Aron win, te wenn kol mursha rashaja mange, te chatchrenn le mange viechen ap miri chatchepaskri, ninna te chatchenn le mange sungepaskro koowa. Me dom len i rashajengre damdira, te riwenn le len, te wenn le glan mande. Ninna dom len o tchatchepen, te chan le ko massestar, hoi mange chatchedo wella.

1. Familjakro liil 23:13

O Amram, leskre tchawe his: o Aron un o Mose. Un o Aron un leskre tchawe wan win rodedo, te wenn le rashaja hako tsireske. Jon kokres nai kran o baro Debleskri budi: nai chatchran viechen ap leskri chatchepaskri, un nai rakran o Debleskri bacht win pral i Israelitarja.

Bičepangre 6:4

Mer kamah o Debles an-mangell, un i menshenge o Debleskro lab te penell.”

1. Samuel 3:3

Ninna o Samuel sowas un his tchiddo an o baro Debleskro kheer pash ko mochton, kai o Debleskre deesh laba dren hi. Un i Debleskri momeli his gomme gar win.

2. Mose 30:34

Un o baro Dewel penas ap o Mose: Le tuke ko kutch koowa, hoi mishto sungella: rukengro djet, Onycha, burrengro djet, ninna djudjo sungepaskro koowa, hoi kharella Weihrauch. Hakenestar le jaake bud har ko wawarestar!

2. Mose 30:6

Tchip o sonakaskro bob glan o wudar dran o kutch kotar than. Pal ko wudar hi o mochton, kai o Debleskre deesh laba dren hi, un kai o pralstuno kotar pre hi, hoi sikrella, kai o Dewel peskre menshenge latcho hi.

2. Mose 30:8

ninna haki rat, te chatchell lo i momlia an. Un kowa well hako diwes mange kerdo. Ninna pash tumare tchawende un lauterende, kai pal lende wenna, well kowa jaake kerdo.

2. Mose 40:27

un chatchras ap leste kutch sungepaskro koowa. Job kras les jaake har o baro Dewel leske penas.

2. Familjakro liil 2:4

Un ko kheer, hoi me kamau te krell, hunte well baro; maro Dewel hi bareder har hako wawar dewel.

2. Familjakro liil 26:18

Un jon stakran o baro rajeske Usija an o drom un penan ap leste: Usija, hi gar tiri budi, te chatchess o baro Debleske sungepaskro koowa. Kokres o Aroneskre tchawe hi i rashaja, kai wi-rodede hi, te chatchenn le sungepaskro koowa. Dja win dran o Debleskri isema! Tu kreh, hoi gar mishto hi glan o baro Debleste. Job, kai tiro Dewel hi, sharell tut gar koleske.

3. Mose 6:5

Un koi jag ap i chatchepaskri chatchell dureder, un djal ko tselo tsiro gar win. Haki taissarla tchiwell o rashai kasht pre, un koi pre ko mass ko viechestar, hoi well tseles chatchedo, ninna kol kotja thulepen ko viechestar, hoi i menshe khetne chan. Un o rashai mukell lauter pre te chatchrell.

5. Mose 33:10

Jon sikrenn i Israelitarjen tiro drom, awa, o Jakobeskre tchawen tiro tchatchepen. Sungepaskro koowa anenn le glan tute, un chatchrenn viechen tuke ap tiri chatchepaskri.

1. Familjakro liil 6:34

O rashajeskri budi his kokres o Aroneske un leskre tchawenge. Jon chatchran i viechen ap o Debleskri sasterni chatchepaskri, ninna sungepaskro koowa ap o Debleskro sonakaskro bob. Jon kokres nai djan an o Debleskri kutch isema, te krenn le o Debleskro koowa, te well o Israeleskri doosh krik lino, lauter jaake, har penas o Mose, koles o Debleskro wast his.

2. Familjakro liil 2:3

Dik, kanna kamau me i kheer miro baro Debleske te krell, – i kheer, hoi leske hi, kai nai mangah les an, un nai chatchrah latcho sungepaskro koowa glan leste, un tchiwah hako tsiro maro glan leste win, un chatchrah viechen leske taissarlake un rati, ninna ap o Debleskro diwes, un ap ko diwes, kai o newo tchon diklo well, un ap wawar bare diwessa, te sharas maro baro Debles. Job penas menge, te kras mer kowa hako tsiro.

2. Familjakro liil 29:7

Un jon pandan i wudja glan i glanstuni halla, un mukan i momlia win te djal, un chatchran kek sungepaskro koowa, witar kek viechen, o Debleske pral Israel.

Debleskri gili 141:2

Muk miro mangepen tuke jaake shukar te well, har chatchroms me tuke sungepaskro koowa. Dik ap mire pre-hadede wasta jaake har ap i viecho, hoi mukoms tuke rati te chatchrell.