2. Mose 3:6 - O Debleskro Drom 2021 (Sinte)

⁶ Un pale penas lo ap o Moseste: “Me hom tiro dadeskro Dewel, un o Abrahameskro Dewel, un o Isaakeskro Dewel un o Jakobeskro Dewel.” Un o Mose tchiwas i diklo glan peskre jaka. Job daras, te dikell lo ap o Debleste.

O Debleskro Lab 2024 (Sinte-Manouche)

⁶ Oun pale penas lo ap o Moseste: “Me hom tiro dadeskro Devel, oun o Abrahameskro Devel, oun o Isaakeskro Devel oun o Yakobeskro Devel.” Oun o Mose čivas i diklo glan peskre yaka. Yob daras, te dikell lo ap o Debleste.

2. Mose 3:6 Referans Kwoze

Louka 20:37

Ninna o Mose tchinas, kai o Dewel i mulen djido krella. Har o Mose glan o bur tardo his, hoi chatchas, penas lo ap o Debleste: Tu hal o Abrahameskro Dewel, un o Isaakeskro Dewel, un o Jakobeskro Dewel.

Mateo 22:32

Me hom o Abrahameskro Dewel un o Isaakeskro Dewel un o Jakobeskro Dewel. Un me penau tumenge: Job hi gar o Dewel kolenge, kai mulo hi. Na-a, job hi o Dewel i djidenge.”

Markus 12:26

Djinenn tumer gar, har an o Moseskro liil tardo hi, te wenn i mule pale djido. O Dewel penas ap o Moseste, har his job tardo pash o bur, hoi chatchas: Me hom o Abrahameskro Dewel un o Isaakeskro Dewel un o Jakobeskro Dewel.

2. Mose 4:5

Un o baro Dewel penas: “Mose, kre kawa glan i Israelitarja! Palle patsenn le ap tute, te mukom man me, o baro Dewel, glan tute te dikell. Palle djinenn le, te hom me o Dewel, koles lengre phure, o Abraham, o Isaak un o Jakob an-mangan.”

Bičepangre 7:32

Me hom o Dewel tire phurendar, o Dewel o Abrahamestar, o Isaakestar, un o Jakobestar. Un i bari traash was ap o Moseste, har job kowa shunas, un darjatar nai dikas lo gar kote pre.

1. Mose 28:13

Un o baro Dewel his tardo pral pre un penas: “Me hom o baro Dewel, ko Dewel tiro papestar Abraham un ninna o Isaakeskro Dewel. Kau them, kai tu tchiddo hal, dau tut un tire tchawen, kai pal tute wenna.

Debleskro tsiro 1:17

Un har dikom les, perom glan leskre herja khetne, har woms mulo. Un job tchiwas peskro tchatcho wast ap mande, un penas: “Ma dare! Mandar was halauter. Un lauter wella pale glan mande.

1. Rajengro liil 18:36

Un har ko tsiro was, kai rati o Debleskro chapen anlo was, djas o Elija pash koi chatchepaskri un kharas: “Baro Dewel, tu o Dewel o Abrahamestar, o Isaakestar un o Israelestar, kau diwes mu well diklo, kai tu hal o Dewel an Israel, un me hom tiro budepaskro, un krom kau tselo koowa jaake, har tu mange penal.

Čačepangre 13:22

Un o Manoach penas ap peskri romni: “Kanna hunte meras! Mer dikam o Debles!”

Jeremia 32:38

Jon hi mire menshe, un me hom lengro Dewel.

Jeremia 31:33

Ko newo koowa, hoi palle i menshentsa Israel win krau, hi wawartchandes. Me dau len mire laba an lengre djia un an lengre sherja. Me wau lengro Dewel, un jon wenn mire menshe. Kawa penell o baro Dewel.

Jeremia 24:7

Me dau len djia, kai prindjrenn man, te djinenn le, me hom o baro Dewel. Jon te wenn mire menshe, un me hom lengro Dewel; pengro tselo djijestar wenn le pale pash mande.

Debleskri gili 132:2

Job das pes sowel glan tute, o Jakobeskro sorelo Debleste, un penas:

1. Rajengro liil 19:13

Har o Elija kowa shunas, tchiwas lo peskri plaashka glan peskro mui, djas i kotar glan un atchas tardo an i wudar an koi grotta. Un i rakepen was pash leste, hoi penas: “Hoi kameh tu kate, Elija?”

2. Mose 29:45

Un me djiwau mashkral i Israelitarja un hom lengro Dewel.

1. Mose 32:9

Job penas peske: “Te well o Esau un dell kolen ap koi jek rig mulo, nashenn nai kolla ap koi wawar rig.”

1. Mose 31:42

O Dewel miro dadestar, kai ninna o Abrahameskro Dewel hi, un kolestar trashell miro dad Isaak, te wals ko Dewel gar ap miri rig, tchatchepah, mukals man tchorweles te djal. O Dewel dikas, har marom man tuke tele un har pharo miri budi his. Doleske his job taissar rati ap miri rig tardo.”

1. Mose 26:24

An koi rati mukas pes o baro Dewel lestar te dikell un penas: “Me hom o Dewel tiro dadestar Abraham. Ma traash! Me hom tuha. Me tchiwau miri soor un miri bacht ap tute. Tire tchawe, kai pal tute wenna, wenna bud un budeder. Jaake dom miro lab o Abrahameste, kai mange koi his.”

1. Mose 17:3

Koi mukas pes o Abram ap i phub te perell. Un o Dewel rakras leha un penas:

1. Mose 12:7

Un o baro Dewel mukas pes o Abramestar te dikell, un penas ap leste: “Tire tchawen un kolengre tchawen un lauteren, kai pal tute wenna, kolen kamau kau them te dell.” Koi kras o Abram i chatchepaskri o baro Debleske, kai wenn vieche leske chatchedo – kote, kai o Dewel mukas pes lestar te dikell.

1. Mose 12:1

O baro Dewel penas ap o Abrameste: “Dja win dran tiro them! Muk tire menshen un tiro dadeskro kheer! Un dja an ko them, hoi me sikrau tute!

Hebrearja 12:21

Kowa lauter, hoi i menshe kote dikan un shunan, kras len jaake dareno, te penas ninna o Mose: Man hi sawi daar, te trissenn mire herja.

Bičepangre 7:34

Me dikom, har mire menshe chan dawa an o them Egiptia. Un me shunom lengri gole un lengro ropen, un wom dran o bolepen tele, te lap len dran kau them win. Un me kamau, te djas tu an o them Egiptia.

Louka 5:8

Har o Simon Petro kowa dikas, peras lo glan o Jesuseste tele ap i phub, un penas: “Dja tuke mandar, miro rai! Me hom i mursh, ap kaleste doosh hi.”

Mateo 17:6

Un har jon kowa shunan, witsran le pen i bari darjatar ap i phub.

Zakarie 8:8

Me anau len khere un mukau len an o foro Jerusalem te djiwell. Jon te wenn mire menshe. Un me wau lengro Dewel: Me mukau len gar, un jon djiwenn mantsa an o tchatchepen.”

Ezekiel 11:20

Palle krenn le, hoi lendar kamau, un djiwenn pal mire tchatchepaskre laba. Un jon hi mire menshe, un me hom lengro Dewel.

Nehemia 9:9

Un tu dikal o pharo djipen mare phurendar an o them Egiptia, un shunal lengri gole, har his le pash o Baro Lolo Pani.

Ester 3:4

Un jaake putchan le les hako diwes. Un job penas lenge: “Me hom i biboldo un nai witsrau man gar tele glan o Haman.” Un har job gar ap lende shunas, djan le koi un penan kowa o Hamaneske. Jon kaman te dikell, hoi o Haman penell, te djinals lo, hoi o Mordekai kras.

Hebrearja 11:16

Kowa kran le gar. Na-a. Lengro dji das gole pal i latcheder them. Kowa hi an o bolepen. Doleske ladjell o Dewel lenge gar, te penenn le: “Maro Dewel!” ap leste. Un job kras lenge i foro.

1. Mose 24:12

Un job penas: “Baro Dewel, o Dewel miro rajestar Abraham, de man kanna bacht ap miro drom! Un ab miro rajeske Abraham latcho!

2. Mose 3:16

Dja kanna an o them Egiptia, un de i phureden i menshendar Israel khetne gole, un pen ap lende: ‘O baro Dewel, ko Dewel tumare phure dadendar, mukas pes te dikell glan mande. Job hi o Dewel, koles o Abraham, o Isaak un o Jakob an-mangan. Un job penas ap mande: Me dom ap lauter jak, hoi jon tumentsa an o them Egiptia kran.

2. Mose 15:2

Peskri sorjah was o baro Dewel ap miri rig. Miri giljah sharau les dran o dji. Job las man win. Miro Dewel hi lo, un me kamau les te sharell. Miro dadeskro Dewel hi lo, un me kamau les pre te hadell.

1. Mose 28:17

Un job daras un penas: “Har darenes hi kai platsa, – hi tchatchepah o Debleskro kheer un o wudar an o bolepen.”

2. Mose 33:20

Mire jaka un miro mui dikess tu gar. Kek mensho, kai dikas man, atchell djido.

5. Mose 6:3

Jaake shun kanna, Israel, un de jak te kress kowa halauter, te djal tuke mishto. Un tumer wenn i bari natsjona an ko them, kai hi bud thud un gwin, jaake har o baro Dewel, o Dewel tumare phurendar, kowa tumenge penas.