2. Mose 3:1 - O Debleskro Drom 2021 (Sinte)

¹ O Moseskri romjakro dad his o Jetro, ko rashai an o them Midian. Koles his bakre un busja. Un o Mose das jak ap lende, un anas len pral o tato mulo them, un was pash o Debleskri berga, hoi kharella Horeb.

O Debleskro Lab 2024 (Sinte-Manouche)

¹ O Moseskri romyakro dad his o Yetro, ko rashay an o them Midian. Koles his bakre oun bouzya. Oun o Mose das yak ap lende, oun anas len pral o tato moulo them, oun vas pash o Debleskri berga, hoy kharella Horeb.

2. Mose 3:1 Referans Kwoze

1. Rajengro liil 19:8

Kote stas lo pre un chas un pijas, un djas an kai chapaskri soor star-deesh diwessa un star-deesh ratsja, bis te was lo ap o Debleskri berga, o Horeb.

2. Mose 17:6

Un me tchiwau man glan tute tardo ap o baro bar pash i berga Horeb. Un palle dess tu ap o baro bar, un dran leste nashella pani, jaake te well len te pijell.” Un o Mose kras kowa jaake glan i jaka kol phurendar.

4. Mose 10:29

Un o Mose penas ap peskri romjakro phraleste, o Hobab, koleskro dad o Reguel hi dran o them Midian: “Mer djah an ko them, hoi o baro Dewel penas: Me dau kowa tumende. Kanna, ab mentsa! Palle krah tuke latcho koowa. O baro Dewel penas: Me kamau latchepen te krell ap o Israel.”

Čačepangre 4:11

Ap i platsa, hoi kharell Zaanannim pash o foro Kedesh djiwas o Kenari Heber an i plachteno kheer tel i baro ruk. Glan i tsiro mukas job peskre menshen. Kolla his tchawe un tchawengre tchawe o Moseskri romjakro dadestar, o Hobab.

2. Mose 19:11

Jaake te wenn le djudjes mange koi tardo o triinto diwes. Ap o triinto diwes wau me, o baro Dewel, glan i tsele menshende tele ap i berga Sinai.

Louka 2:8

Glan o foro Betlehem dan i bakrengre jak ap pengre bakre an koi rat.

Debleskri gili 106:19

Pash i berga Horeb kran le penge i sonakaskri terni grumni, witsran pen glan late tele un mangan lat an.

5. Mose 4:10

hoi djas ap ko diwes, har tumer glan tumaro baro Debleste tardo hans pash i berga Horeb. Kote penas job ap mande: “An i tsele menshen khetne, te shunenn le, hoi lenge penau, te krenn le hako diwes, hoi lendar kamau, jaake rah har djiwenn le, un te penenn le kowa ninna pengre tchawenge.”

5. Mose 1:6

Maro baro Dewel rakras mentsa pash i berga Horeb un penas: Doha hans kanna pash kai berga:

2. Mose 24:13

Koi djas o Mose pre ap o Debleskri berga. Leskro budepaskro Josua djas leha.

2. Mose 19:3

Un o Mose djas pre ap i berga pash o Debleste. Kote das o baro Dewel ap leste gole: “Kawa peness tu ap i Israelitarja, kol menshende, kai wenna pal o Jakob:

2. Mose 3:5

Penas o Dewel: “Ma dja dureder! Rib tire kircha win! Kai tu tardo hal, hi o Debleskri phub.”

2. Mose 2:16

O rashai an ko them Midian his efta tcha. Kolla wan pash i brunna, te denn le pengro dadeskre bakre un busja pani te pijell.

Amos 1:1

Kawa hi, hoi sikras o Dewel o Amoseske pral o kheer Israel an ko tsiro, kai o Usija o baro rai his pral o them Juda. Un o Jerobeam, koleskro dad o Joash hi, his o baro rai pral Israel. His dui bersha glan ko tsiro, kai i phub soreles trissas un pre phagas. O Amos was dran o foro Tekoa un his jek kolendar, kai dan jak ap i bakrende.

2. Mose 4:27

An ko tsiro penas o baro Dewel ap o Aron: “Dja pash o Moseste an o mulo tato them!” Un o Aron djas koi. Un jon hatsan pen pash i Debleskri berga, un lan pen an i mussi un tchumran pen.

2. Mose 2:21

O Reguel putchas o Mosestar, te atchell job pash leste, un o Mose penas: “Awa! Mishto!” O rashai das peskri tchai, i Zippora, leste, te romedinerell job lat.

2. Mose 2:18

Har wan i tcha khere pash pengro dadeste, o Reguel, putchas lo len: “Hoske wan tumer jaake sik pale?”

Bičepangre 7:30

Star-deesh bersha pal kowa his o Mose an o mulo them pash koi berga Sinai. Koi mukas pes i Debleskro bolepaskro glan leste te dikell an i subjengro bur, hoi chatchas.

2. Mose 3:12

Koi penas o Dewel: “Me hom pash tute. Te anal tu mire menshen dran o them Egiptia win, palle djan tumer pash kai berga un marenn kate viechen mange. Kowa hi i sikepen, te bitchrom me tut.”

2. Mose 4:18

Un palle djas o Mose pash peskro romjakro dadeste, o Jetro, pale, un penas leske: “Me kamau pale an o them Egiptia pash mire menshende te djal, te dikap, te hi le djido!” Un o Jetro penas ap o Moseste: “Dja o Debleha!”

2. Mose 18:12

Un o Jetro las i viecho, hoi job o Debleske maras un tseles chatchras, un ninna wawar vieche, hoi job maras, te chan le len khetne glan o Debleste. Un o Aron un i tsele phureder dran Israel wan un chan khetne o Moseskri romjakro dadeha kote, kai jon o Debles an-mangan.

2. Mose 33:6

Jaake tchiwan i Israelitarja pengro sonakai un rup tele, har his le pash i berga Horeb.

5. Mose 1:2

[Deesh-te-jek diwessa hi o drom lengsto mank i berga Horeb un o foro Kadesh-Barnea ap i berge Seir.]

4. Mose 10:33

Jaake mukan le o baro Debleskri berga pal pende un djan triin diwessa dur. Un kolla, kai hidjran o sonakaskro mochton, kai o baro Debleskre deesh laba dren hi, djan glan lende un sikran lende, kai atchenn le tardo.

1. Samuel 16:11

Palle putchas o Samuel o Isajestar: “Hi kalla tire tsele mursh tchawe?” Job penas: “O terneder lendar hi gomme gar koi. Kowa hi win un dell jak ap i bakre.” Un o Samuel penas ap o Isai: “Bitche jekes koi, te anell lo les. Mer beshah gar te chas, bis te job kai hi.”

1. Rajengro liil 19:19

Un o Elija djas dureder un hatsas o Elisa, koleskro dad o Shafat hi. Un o Elisa budras ap i kotar phub. Glan leste djan deesh-te-jek budepangre, hakeno dui grumjentsa, kai hadan i phub trujel. Job kokres his o deesh-te-duito, kai djas glan dui grumja. Kote djas o Elija pash leste un witsras leske leskri plaashka trujel.