2. Mose 28:2 - O Debleskro Drom 2021 (Sinte)

² Muk tiro phraleske, o Aroneske, shukar raile koola te siwell, jaake har i rashajeske moldo hi.

O Debleskro Lab 2024 (Sinte-Manouche)

² Mouk tiro phraleske, o Aroneske, shoukar rayle koola te sivell, yaake har i rashayeske moldo hi.

2. Mose 28:2 Referans Kwoze

3. Mose 8:30

Palle las o Mose ko djetestar, hoi o Aroneske un leskre tchawenge ap lengre sherja tchoredo was, ninna ko ratestar hoi ap i chatchepaskri his, un witsras tchomone kolestar ap o Aron un ap leskre koola, ninna ap leskre mursh tchawende un ap lengre koola. Jaake tchiwas lo len ap i rig o baro Debleske, te wenn le leskre rashaja.

2. Mose 31:10

ninna kol rashajeskre koola, hoi o Aron un leskre tchawe riwenna pash pengri budi an o Debleskro kheer;

Debleskro tsiro 19:8

Un joi las i shukar ripen dran djudjo parno than. Ko latcho parno ripen hi o tchatcho koowa, hoi o Debleskre menshe kran.

Hebrearja 7:26

O Jesus hi o baro rashai, kai hunte well men. Job hi latcho glan o Debleskre jaka. Kek tchilatchepen, witar kek doosh hi ap leste. Na-a, job hi gar jaake har mer tchilatche menshe ham, kai ham pale-tchiddo glan o Debleste. Un o Dewel kras les bareder har hako wawar an o bolepen.

Hiob 40:10

Sike, har baro un an-diklo hal! Muk tut an tiro shukapen un railepen te dikell!

2. Mose 28:40

Ninna o Aroneskre tchawenge kre gada, pereskre pandepangre un rashajengre stadja, hoi railo un shukar hi.

Debleskro tsiro 5:10

Un tu kreh lendar raja un rashaja maro Debleske. Un jon wenn raja pral i tseli phub.

1. Johanni 3:2

Latche phrala un phenja, kanna ham Debleskre tchawe. Un hoi mer wah an ko tsiro, hoi wella, djinah gomme gar. Jek djinah: Ap ko tsiro, kai well o Jesus Kristo pale, dikah les har job hi, un mer wah jaake, har job hi.

2. Petro 1:17

O Dewel, leskro dad, das les peskro baro railepen un sharas les, har job dran o bolepen ap leste penas: “Kawa hi miro tchawo, koles me o djijestar kamau. Job krell man bachtelo.”

Hebrearja 2:9

Kones mer dikah, kowa hi o Jesus. Job his i tikno tsiro tikneder har i bolepangre, un meras i menshenge. Doleske kras o Dewel les baro un railo. Jaake latcho his o Dewel i menshenge, te bitchras lo o Jesuses lauterenge an o merepen.

Galatarja 3:27

Har wan tumer ap o Jesus Kristeskro lab taufedo, his kowa jaake, har te riwans tumer o Jesus Kristes an, – jaake har i ripen.

Remarja 13:14

Djiwas jaake har maro rai, o Jesus Kristo, djiwas! Te kamell o djungelo koowa an tumaro shero te well, palle penenn: Na-a!

Johanni 1:14

Ko lab was i mensho, un djiwas pash mende. Un mer dikam leskro railepen un leskri soor, kai o Dewel peskro tchawes das. Kowa his pherdo latchepen un tchatchepen.

Jesaja 64:6

Un koi hi kek, kai tiro lab an-gole dell, kek, kai well pash tute, te rikrell lo pes ap tute. Tchatchepah, tu kameh buder tchi mendar te djinell, un mukeh men tapedo an maro tchilatchepen.

Jesaja 61:10

Me hom bachtelo pral o baro Debleste, un miro dji giwell miro Debleske. Job hi trul mende har i ripen, te well kek tchilatchepen ap mende, un tchiwas tchatchepen ap mende har i plaashka, jaake har hidjrell i bijabeskro i shukar stadi, un leskri pirni shukar werklia un gustria.

Jesaja 61:3

Un kolla an o foro Zion, kolengre djia rowenn, hunte wenn buder gar beshdo an i jagakri tchik un rido an gone. Na-a, me dau len werklia, te krenn le pen shukar, un sungepaskro djet. Lengre djia te giwenn un atchenn buder gar phagedo. Un jon wenn kharedo: ‘Bare ruka, hoi anenn sharepen o Debleske’, un ‘Ruka, hoi o baro Dewel peske an i phub tchiwas’, te well leskro railepen diklo.

Jesaja 4:2

I tsiro wella, kai krell o baro Dewel peskro them Israel railo un shukar. Un kolla, kai pral atchan un an o them djiwenn, hi bachtelo pral ko bud latcho koowa, hoi i phub win anell. Un wawar menshe sharenn len koleske.

Debleskri gili 149:4

O baro Dewel dikell latches ap peskre menshende. Job well kolenge ap i rig, kai tele rikedo hi un hadell len pre.

Debleskri gili 132:16

Lengre rashajenge dau an o dji, te penenn le miro latchepen dureder. Un kol menshe, kai mire hi, denn gole i bachtjatar.

Debleskri gili 132:9

Tchip o tchatchepen pral tire rashaja har i ripen! Mu denn tire menshe gole i bachtjatar!

Debleskri gili 96:6

Job hi bareder har hako wawar. Shukapen hi trul leste, Leskri soor un leskro railepen wenn diklo an leskro kheer.

2. Mose 40:13

Rib o Aroneske o rashajeskre ripja an, mak les o djeteha, te well lo miro rashai.

Jesaja 52:1

Ste pre! Ste pre, Zion! Ab pale soreles! Tchip tire kutch rajengre ripja ap tute, Jerusalem, tu Debleskro foro! Tchatchepah, kek tsiro well kanna buder, kai djal jek an tute dren, hoi gar tchinlo was ap peskro mass, witar gar jek, kai glan mande pale-tchiddo hi.

2. Mose 29:28

Kol dui kotja mass wenn pre hadedo glan mande, o baro Debleste. Palle nai chal len o Aron peskre tchawentsa. Un jaake well kowa kerdo hako kopo, kai marenn i Israelitarja i bakres mange, hoi chan le palle khetne glan mande.