2. Mose 26:14 - O Debleskro Drom 2021 (Sinte)

¹⁴ Palle kre i wawar kotar dran bakrengri ledertikre plachte, hoi tu loles kral. Kowa well tchiddo pral o Debleskro plachteno kheer. Un pral koleste well i wawar kotar dran latche ledertikre plachte tchiddo.

O Debleskro Lab 2024 (Sinte-Manouche)

¹⁴ Palle kre i vavar kotar dran bakrengri ledertikre plarhte, hoy tou loles kral. Kova vell čiddo pral o Debleskro plarhteno kheer. Oun pral koleste vell i vavar kotar dran lače ledertikre plarhte čiddo.

2. Mose 26:14 Referans Kwoze

2. Mose 36:19

Un jon kran jek baro kotar dran bakrengri ledertikre plachte, hoi le lolo kran, te tchiwenn le les pral o Debleskro plachteno kheer, un pral koleste i wawar kotar dran latche ledertikre plachte.

2. Mose 25:5

Bakreskri ledertikre plachte, hoi lolo kerdo wan, wawar latche ledertikre plachte un kasht i rukestar, hoi kharella Akatsia,

Ezekiel 16:10

Un me riwom tut an raile ripja, kai shukar koowa dren sido his, un tchiwom kircha dran latcho ledera ap tire pire, un i pandepen dran kutch laintikro than ap tiro shero. Un i baja dran phar tchiwom trul tute.

Jesaja 25:4

Tchatchepah, tu wal o tchorweleske har i sorelo kheer, kai job pes nai khatrell. Te krenn le leske o djipen phares, nai well lo pash tute. Tu hal har i kheer, kai nai khatrell jek pes, te dell baro brishin, un te chatchell o kham tele. Kol pralstune, kai sorjah ap mende djan, hi har i baro phurdepen, hoi phurdell an o wend,

Jesaja 4:6

har i kheer, kai djan le dren, te chatchrell o kham tella, un kai nai khatrenn le pen, te dell brishin un phurdell i sorelo ducho.

Debleskri gili 27:5

An o tchilatcho tsiro lell lo man an peskro kheer. Awa, an peskro kheer khatrell lo man, pral ap i baro bar hidjrell lo man.

4. Mose 4:10

Trul kowa halauter tchiwenn le i latchi ledertikri plachta, un tchiwenn kowa ap i hidjepaskre kashta.

4. Mose 4:5

Ap ko tsiro, kai stenn i Israelitarja pre, te djan le dureder, djal o Aron peskre tchawentsa an o Debleskro kheer, un jon lenn ko kutch kotar than tele, hoi an o wudar glan o kutch isema hi. Ko kotar than tchiwenn le trul o sonakaskro mochton, kai o Debleskre deesh laba dren hi.

2. Mose 39:34

kol plachte, hoi tchakrenn o kheer: ko kotar dran bakrengri ledertikre plachte, hoi le lolo kran un ko wawar kotar dran latche ledertikre plachte. Ninna anan le ko kutch kotar than o wudareske;

2. Mose 35:23

Kones kutch bakrengro bal his, hoi blaueto, lolo un lolo har jag kerdo was, kowa anas les pash o Moseste, ninna latcho laintikro than, busjengre balla, bakrengri ledertikre plachte, hoi lolo kerdo wan, un wawar latche ledertikre plachte.

2. Mose 35:7

Bakreskri ledertikre plachte, hoi lolo kerdo wan, wawar latche ledertikre plachte un kasht ko rukestar, hoi kharella Akatsia,

2. Mose 26:13

Un serwes un tchatches muk jek paash metari pral tele bladell, te well o kheer ap kol dui rigja tchakedo.

4. Mose 4:25

Jon hidjrenn kol plachte, hoi tchakrenn o Debleskro kheer, koi telstuni laintikri plachta, koi plachta dran bakrengro bal, hoi well koi pre un koi latchi ledertikri plachta, hoi well pral pre tchiddo. Ninna hidjrenn le ko kutch kotar than, hoi an ko wudar hi an o Debleskro kheer,