2. Mose 2:23 - O Debleskro Drom 2021 (Sinte)

²³ Pal i rah tsiro meras o baro rai pral o them Egiptia. Fothe phares hunte budran i Israelitarja tel dawa un dan gole, te shunas len o Dewel.

O Debleskro Lab 2024 (Sinte-Manouche)

²³ Pal i rah tsiro meras o baro ray pral o them Egiptia. Fothe phares hounte boudran i Israelitarya tel dava oun dan gole, te shounas len o Devel.

2. Mose 2:23 Referans Kwoze

Jakobo 5:4

Shunenn! Tumer chochran tumare budepangren, kai budran ap tumaro them, un dan len kek lowe. Kolla denn gole ap o bolepen. Lengri gole shunell o Dewel, ko rai pral o bolepen un i phub.

Bičepangre 7:30

Star-deesh bersha pal kowa his o Mose an o mulo them pash koi berga Sinai. Koi mukas pes i Debleskro bolepaskro glan leste te dikell an i subjengro bur, hoi chatchas.

1. Mose 16:11

Tu hal an wawar koowa. Tu leh i mursh tchawo. Koles dess tu o lab Ismael. O baro Dewel shunas, har dal gole i bibachtjatar.

Jesaja 19:20

Ko bar sikrella, te hi o baro Dewel ninna an o them Egiptia, job, kai hi o rai pral o bolepen un i phub. Un te denn le ap o baro Debleste gole, te lell lo len win dran i wasta kolendar, kai rikrenn len tele, palle bitchrell lo lenge jekes, kai lell lengro koowa an o wast, un lell len win dran lengre wasta.

Debleskri gili 18:6

I mulengro them pandas peskre shelle trul mande, un o merepaskre shelle tserdan man tele.

Debleskri gili 12:5

un penenna: “Mer haiwah te rakrell. Maro rakepah ham soreles. Koon hi o pralstuno pral mende?”

Nehemia 9:9

Un tu dikal o pharo djipen mare phurendar an o them Egiptia, un shunal lengri gole, har his le pash o Baro Lolo Pani.

5. Mose 24:15

Ap ko emligo diwes dess tu les peskre lowe i budjake, hoi lo tuke budras, glan te djas o kham tele. Job hi tchorwelo, un les hunte well kol lowe djipaske. De len leste, te dell lo gar gole ap o baro Debleste pral tute, un jaake doosh ap tute well.

2. Mose 4:19

Un o baro Dewel penas ap o Moseste an o them Midian: “Dja an o them Egiptia palpale! Kol tsele mursha, kai kaman tut te marell, djiwenn buder gar.”

1. Mose 4:10

Un o Dewel penas: “Hoi kral tu? Shun! Tiro phraleskro rat dell gole pal mande dran i phub.

4. Mose 20:16

Un mer dam pal o baro Debleste gole. Kowa shunas men un bitchras i bolepaskres. Un job anas men dran o them Egiptia win. Kanna ham an Kadesh, i foro gar dur tiro themestar.

2. Mose 7:7

Un o Mose his 80 (ochta-deesh) bersha un o Aron 83 (ochta-deesh-te-triin) bersha phuro, har jon ap o Farao rakran.

Jesaja 5:7

O kheer Israel hi o drakengro them o baro Deblestar, ko rajestar pral o bolepen un i phub. Un i mursha an o them Juda hi kol drakengre ruka, hoi job an i phub tchiwas un pral kolende job bachtelo his. Ap lende dikas lo, te anenn le o latchepen glan. Un hoi was, his tchilatchepen. Jon te dans hakenes peskro tchatchepen, un kran, hoi his tchi har tchilatchepen.

2. Mose 1:14

Len his kek dji lenge un kran lengro djipen phares. Un i Israelitarja hunte chatchan barra dran tchik. Ninna hunte budran le phares ap i hachetikri phub.

2. Mose 6:5

Ninna shunom me i gole, har i Israelitarja gole dan i dukatar, har i Egiptarja lenge i sorjah phari budi pre tchiwan. Un me bistrom miro lab gar un rikrau les.

2. Mose 6:9

Kal laba penas o Mose ap i Israelitarja. Ninna har rakras job jaake ap lende, shunan le gar ap leste. Jaake phari his lengri budi ap lende, un an lengre djia his buder kek soor.

1. Samuel 12:8

Har o Jakob an o them Egiptia was, un i Egiptarja tumare phurenge o djipen phares kran, dan jon gole ap o baro Debleste, te well lo ap lengri rig. Un o baro Dewel bitchras o Moses un o Arones. Un jon anan tumare phuren dran o them Egiptia win, un mukan len kate an kau them te djiwell.

Hiob 35:9

Te krenn i sorele i wawarenge bud tchilatcho koowa, rowenn kolla, un denn gole pal jekeste, kai lell len win dran i wasta kol sorelendar.

Debleskri gili 102:1

I mangepen jekestar, koleske gar mishto djal, un koles buder kek soor hi, un kai glan o baro Debleste peskri dji win tchorella.

Čačepangre 4:3

O baro rajes Jabin his 900 (enja-sheel) sasterne wurdja o kurepaske. Un job kras i Israelenge i pharo djipen biish bersha. Doleske dan le bari gole ap o baro Debleste.

1. Samuel 9:16

“Taissar kau tsireske bitchrau me i murshes dran o them Benjamin pash tute. Koles less tu un makess les o kutch djeteha, te well lo rai pral mire menshende, i Israelitarja. Kowa lell len win dran o wast i Filistarendar. Me dikom har phares jon o djipen mire menshendar kran. Un lengri gole was glan mande.”

Debleskri gili 102:2

Baro Dewel, shun miro mangepen! Shun, har dau ap tute gole!