2. Mose 2:20 - O Debleskro Drom 2021 (Sinte)

²⁰ “Kai hi lo? Hoske mukan les win?” putchas o Reguel peskre tcha. “Anenn les, te chal lo mentsa!”

O Debleskro Lab 2024 (Sinte-Manouche)

²⁰ “Kay hi lo? Hoske moukan les vin?” poučas o Regouel peskre ča. “Anenn les, te rhal lo mentsa!”

2. Mose 2:20 Referans Kwoze

1. Mose 31:54

Un job maras i viecho o Debleske ap koi berga un kras i chapen peskre menshenge. Un jon chan un atchan i rati koi.

1. Mose 43:25

Un jon lan ko kutch koowa, hoi anan le peha, un tchiwan les jaake, te denn le les o Josefeste. Jon shunan, te well job ap o paash diwes un te chan jon leha.

Hebrearja 13:2

Te well jek pash tumende, ma bistrenn, te lenn les an tumaro kheer! His menshe koi, kai lan bolepangre an pengro kheer, un djinan les gar.

1. Timoteo 5:10

Wawar menshe hunte dikenn ap late, te kras li latcho koowa, un te tserdas li peskre tchawen mishto pre. Jon hunte dikan, te las li menshen pash peste pre, un te thowas li i patslenge i herja. Jon hunte dikan, te his li kolenge koi, kolen i pharo djipen hi, un te kras li hako latcho koowa.

Hiob 42:11

Un leskre tsele phrala un phenja un kolla, kai les glan ko tsiro prindjran, wan pash leste, un chan khetne leha, un rakran latches leha, un penan har koi bibacht lenge dukas, hoi mukas o baro Dewel pral leste te well. Un hakeno das les i sonakaskri bema un i gustri.

Hiob 31:32

Kolla, kai ap pengro drom pash miro wudar wan, kolenge krom me pre. Kek wi-themari hunte sowas win ap o drom.

1. Mose 18:5

Me lau tumenge maro, te wenn pale soreles. Pal kowa nashte djan dureder, har tumer kamenna. Jaake wan gar tchitcheske pash mande.” Un jon penan: “Kre jaake, har tu penal!”

1. Mose 29:13

Har o Laban shunas, kai was peskri phenjakro tchawo, o Jakob, nashas lo pash leste, tchiwas peskre mussja trul leste, tchumras les un anas les an peskro kheer. Un o Jakob penas o Labaneske halauter, hoi djas.

2. Mose 2:19

Koi penan jon: “Jek Egiptari was ap mari rig, un das mare bakre un busja te pijell.”

2. Mose 2:21

O Reguel putchas o Mosestar, te atchell job pash leste, un o Mose penas: “Awa! Mishto!” O rashai das peskri tchai, i Zippora, leste, te romedinerell job lat.