Biblia Todo Logo
Bib sou entènèt

- Piblisite -




2. Mose 19:9 - O Debleskro Drom 2021 (Sinte)

9 Kote penas o baro Dewel ap o Mose: “Shun, an i pessi wolka khatemen wau me pash tute. Jaake te nai shunenn i tsele Israelitarja, hoi me tuke penau, jaake te patsenn le tut hako tsireske.” Un o Mose penas o baro Debleske, hoi i Israelitarja penan.

Gade chapit la Kopi

O Debleskro Lab 2024 (Sinte-Manouche)

9 Kote penas o baro Devel ap o Mose: “Shoun, an i pessi folka khatemen vau me pash toute. Yaake te nay shounenn i tsele Israelitarya, hoy me touke penau, yaake te patsenn le tout hako tsireske.” Oun o Mose penas o baro Debleske, hoy i Israelitarya penan.

Gade chapit la Kopi




2. Mose 19:9
25 Referans Kwoze  

Dran o bolepen win rakras lo ap tumende, te sikrell lo tumen leskro drom. Un ap i phub mukas lo tumen peskri bari jag te dikell. Un dran koi jag win shunan tumer kol laba, hoi job ap tumende rakras.


Ap o triinto diwes taissarlake das o bolepen bari gole, un jag das tele karje, un i pessi wolka his pral i tseli berga, un i phurdepaskri das bari gole. Un i tsele Israelitarja lan i bari traash, te trissan lengre kokale.


Un har job jaake rakras, was i parni wolka pral lende tele. Un dran koi wolka was o rakepen, hoi penas: “Kawa hi miro tchawo! Koles kamau o djijestar. Job krell man bachtelo. Shunenn ap leste!”


Kale wolke hi trul leste trujel. Job hi i baro rai, kai djal pal o tchatchepen, un rakrell o tchatchepen win pral i menshende.


Un i menshe atchan i kotar dureder tardo. Un o Mose djas pash koi kali wolka, an koja o Dewel his.


Jaake dikan le, hawi bari sorjah o baro Dewel i Egiptarjen das. Un i Israelitarja daran o baro Deblestar, un patsan, hoi penas job un o Mose, koles leskro tchatcho wast his.


Dikenn, job wella dran o bolepen, un hakeno dikell les, ninna kolla, kai les ap o trushel dan. Un an hake themma rowenn le pral leste, un penenn le: “Patsams mer ap leste!” Awa, jaake hunte well kowa. Amen.


Pale penas o Jesus ap peskre malende: “Koon ap tumende shunella, kowa shunella ap mande. Un koon shunell gar ap tumende, kowa shunell witar gar ap mande. Kowa, kai shunell gar ap mande, kowa shunell ninna gar ap koleste, kai bitchras man.”


Koi was i wolka pral lende tele. Un jon shunan i rakepen dran i wolka: “Kawa hi miro tchawo, koles kamau o djijestar. Shunenn ap leste!”


Kate sikrell o Dewel, hoi pral o them Egiptia wella: O baro Dewel ulerell ap i sik wolka un well pral o them Egiptia. Un i tsele chochene debla an Egiptia trissenna glan leste. Un i Egiptarenge perell o dji an i cholopja.


Un jon stan sik taissarlake pre, un djan win an o mulo them Tekoa. Har jon win djan, djas o Josafat glan lende, un penas: Murshale dran Juda un Jerusalem, shunenn, hoi tumenge penau: Patsenn o baro Debleske, kai tumaro Dewel hi, un tumer atchenn sorelo, patsenn, hoi leskre rakepangre tumenge penan, palle well lauter mishto tumenge.


Koi penas o Salomo: Baro Dewel, tu penal: ‘Me kamau te djiwap an i kali wolka.’


Koi penas o Salomo: “Baro Dewel, tu penal: ‘Me kamau te djiwap an i kali wolka.’


Un o baro Dewel penas: “Mose, kre kawa glan i Israelitarja! Palle patsenn le ap tute, te mukom man me, o baro Dewel, glan tute te dikell. Palle djinenn le, te hom me o Dewel, koles lengre phure, o Abraham, o Isaak un o Jakob an-mangan.”


Un jon patsan len. Un har shunan i Israelitarja, te dikas o baro Dewel lengro pharo djipen, un kamell lenge latchepen te krell, koi witsran pen le ap i phub, un mangan o Debles an.


O baro Dewel was an i wolka tele, djas pash o Moseste un kharas peskro lab ‘Baro Dewel’.


Un koi was o baro Dewel tele an i wolka, un djas an ko wudar glan o Debleskro kheer, un kharas o Aron un i Mirjam. Un kol dui djan kote.


Dran i wolka rakras lo lentsa, un jon rikran leskre laba, un kran, hoi job lendar kamas.


hoi djas ap ko diwes, har tumer glan tumaro baro Debleste tardo hans pash i berga Horeb. Kote penas job ap mande: “An i tsele menshen khetne, te shunenn le, hoi lenge penau, te krenn le hako diwes, hoi lendar kamau, jaake rah har djiwenn le, un te penenn le kowa ninna pengre tchawenge.”


Swiv nou:

Piblisite


Piblisite