2. Mose 18:12 - O Debleskro Drom 2021 (Sinte)

¹² Un o Jetro las i viecho, hoi job o Debleske maras un tseles chatchras, un ninna wawar vieche, hoi job maras, te chan le len khetne glan o Debleste. Un o Aron un i tsele phureder dran Israel wan un chan khetne o Moseskri romjakro dadeha kote, kai jon o Debles an-mangan.

O Debleskro Lab 2024 (Sinte-Manouche)

¹² Oun o Yetro las i firho, hoy yob o Debleske maras oun tseles rhačras, oun ninna vavar firhe, hoy yob maras, te rhan le len khetne glan o Debleste. Oun o Aron oun i tsele phoureder dran Israel van oun rhan khetne o Moseskri romyakro dadeha kote, kay yon o Debles an-mangan.

2. Mose 18:12 Referans Kwoze

5. Mose 12:7

Un tumer un tumare familje chan i chapen kote glan tumaro baro Debleste, un awenn bachtelo pral halauter, hoi tumenge khetne anan, ap koleste tumaro baro Dewel peskri bacht tchiwas.

1. Mose 31:54

Un job maras i viecho o Debleske ap koi berga un kras i chapen peskre menshenge. Un jon chan un atchan i rati koi.

2. Mose 24:11

Ninna te dikan kol pralstune Israelitarja o Debles, hadas lo gar peskro wast pral lende, te marell lo len. Un pal kowa chan le un pijan le.

2. Mose 24:5

Un job bitchras terne murshen win, te marenn le viechen un chatchrenn len o baro Debleske. Koi pashel his ninna terne gurma. Kolen maran le, te nai chan i Israelitarja ko mass khetne glan o baro Debleste.

1. Korintarja 10:31

Hoi tumer ninna krenna un chana un pijenna, kowa krenn lauter jaake, te well o Dewel sharedo.

1. Korintarja 10:21

Tumer nai pijenn gar dran o Jesuseskro khoro un dran o bengeskro khoro. Tumer nai chan gar o Jesuseskro chapen un o bengeskro chapen.

1. Korintarja 10:18

Kowa hi jaake, har pash i menshende an Israel. Jon wan khetne un chan kol viechendar, kai anan le o Debleske. Lauter kolla, kai chan, his khetne. Un o Dewel his mank lende.

Louka 14:15

Pash i chapaskri his i mursh beshdo. Har kowa shunas, hoi o Jesus rakras, penas lo ap o Jesuseste: “Bachtelo hi kowa, kai chal o maro pash o Debleste an o bolepen.”

Louka 14:1

His i Debleskro diwes, koi djas o Jesus pash i pralstuno Farisari an o kheer te chal. Un kol menshe kote lan les an o jak.

Daniel 10:3

Latcho chapen chom me kek an ko tsiro. Kek mass un kek mool was an miro mui, un makom man gar djeteha dren, bis te kol triin kurke trujel his.

Hiob 42:11

Un leskre tsele phrala un phenja un kolla, kai les glan ko tsiro prindjran, wan pash leste, un chan khetne leha, un rakran latches leha, un penan har koi bibacht lenge dukas, hoi mukas o baro Dewel pral leste te well. Un hakeno das les i sonakaskri bema un i gustri.

Hiob 42:8

Kanna lenn efta terne gurma un efta bakre un djan pash o Hiob, un marenn kol viechen kote, un chatchrenn len mange! Un o Hiob, koles miro tchatcho wast hi, hunte mangell man tumenge. Ap koleste shunau un krau tumentsa gar, har hunte kroms. Tumer rakran gar o tchatchepen pral mande har job kras.”

Hiob 1:5

Un har kol diwessa trujel his, kai le chan un pijan, palle bitchras o Hiob pash lende, te wenn le pash leste. Un job stas sik taissarlakro pre, un maras hakeneske lendar i viecho, un chatchras les o Debleske, te well lengri doosh krik lino. Job penas peske: Nai djals, te lan mire mursh tchawe doosh ap pende, un rakran djungeles pral o Debleste an pengre djia. Un jaake kras o Hiob pal hako baro chapen, hoi leskre mursh tchawe kran.

2. Familjakro liil 30:22

Un o Hiskija rakras kamles ap i tsele Levitarja, kai kran le pengri budi mishto glan o baro Debleste. Efta diwessa kran i Israelitarja ko festo. Un khetne chan le ko mass kol viechendar, hoi dan le o baro Debleste, un parkran pen pash leste, ko Dewel lengre phurendar.

2. Samuel 9:7

Un o David penas ap leste: “Ma traash! Me kamau latchepen ap tute te krell. Kowa krau tiro dadeske Jonatan. Ko tselo brawlepen tiro papestar Saul kamau tuke pale te dell. Un tu nai chah hako diwes ap miri chapaskri.”

5. Mose 27:7

un wawar, kolengro rat leske win tchoredo well, un kolengro mass tumer khetne chan, un bachteles han glan leste.

2. Mose 2:20

“Kai hi lo? Hoske mukan les win?” putchas o Reguel peskre tcha. “Anenn les, te chal lo mentsa!”

1. Mose 43:25

Un jon lan ko kutch koowa, hoi anan le peha, un tchiwan les jaake, te denn le les o Josefeste. Jon shunan, te well job ap o paash diwes un te chan jon leha.

1. Mose 26:25

Un kote kras o Isaak i chatchepaskri, te wenn vieche chatchedo o Debleske, un mangas o baro Debles an. Un kote tchiwas job peskro plachteno kheer pre. Un peskre budepangre hadan kote i brunna win.

1. Mose 12:7

Un o baro Dewel mukas pes o Abramestar te dikell, un penas ap leste: “Tire tchawen un kolengre tchawen un lauteren, kai pal tute wenna, kolen kamau kau them te dell.” Koi kras o Abram i chatchepaskri o baro Debleske, kai wenn vieche leske chatchedo – kote, kai o Dewel mukas pes lestar te dikell.

1. Mose 8:20

Un o Noah kras i chatchepaskri platsa un las hake viechendar, kai gar pale-tchiddo hi un hake tchirklendar, kai gar pale-tchiddo hi. Un das len mulo un chatchras len ap koi platsa, te parkrell lo pes pash o baro Debleste.

1. Mose 4:4

Un o Abel las tikne bakren, kai i phureder tchawe pengre dajendar hi, maras len un chatchras lengre feteder kotja o Debleske. Un o baro Dewel dikas latches ap o Abel un ap kowa, hoi job chatchras leske.

2. Mose 2:16

O rashai an ko them Midian his efta tcha. Kolla wan pash i brunna, te denn le pengro dadeskre bakre un busja pani te pijell.

2. Mose 3:1

O Moseskri romjakro dad his o Jetro, ko rashai an o them Midian. Koles his bakre un busja. Un o Mose das jak ap lende, un anas len pral o tato mulo them, un was pash o Debleskri berga, hoi kharella Horeb.

2. Mose 18:13

O wawar diwes beshas pes o Mose tele, te rakrell lo o tchatchepen pral i Israelitarja win. Un o tselo diwes his i menshe kote trul leste tardo.

2. Mose 20:24

Hi mange doha, te krenn mange i chatchepaskri dran phub! Koi pre anenn mange kol marede bakren un grumjen, hoi chatchrenn tseles mange, ninna kolen, hoi mange marenn, te chan tumer lengro mass khetne glan mande. Kote, kai kamau, te mangenn man an, kote wau me pash tumende un dau tumen miri bacht un miri soor.

2. Mose 33:7

Hako kopo, kai djan i Israelitarja ap i wawar platsa, tchiwas o Mose o plachteno kheer pre win glan koi platsa, kai i menshe hi. Job penas: “Kowa hi ko kheer, kai o baro Dewel tumentsa khetne well.” Hako Israelitari, kai kamas o baro Deblestar tchomone te putchell, hunte djas kote.

4. Mose 10:29

Un o Mose penas ap peskri romjakro phraleste, o Hobab, koleskro dad o Reguel hi dran o them Midian: “Mer djah an ko them, hoi o baro Dewel penas: Me dau kowa tumende. Kanna, ab mentsa! Palle krah tuke latcho koowa. O baro Dewel penas: Me kamau latchepen te krell ap o Israel.”

1. Mose 26:30

Koi kras o Isaak lenge i chapen, te chan un pijan le.