2. Mose 17:2 - O Debleskro Drom 2021 (Sinte)

² Un jon tchingran ap o Moseste un penan: “De men pani te pijell!” Un o Mose penas: “Hoske tchingrenn tumer ap mande? Hoske patsenn gar, te hi o baro Dewel pash mende un dell men kowa, hoi men hunte wals?”

O Debleskro Lab 2024 (Sinte-Manouche)

² Oun yon čingran ap o Moseste oun penan: “De men pani te piyell!” Oun o Mose penas: “Hoske čingrenn t'mer ap mande? Hoske patsenn gar, te hi o baro Devel pash mende oun dell men kova, hoy men hounte vals?”

2. Mose 17:2 Referans Kwoze

1. Korintarja 10:9

Ma choirenn o Jesus Kristes, har kolla an o phuro tsiro o Debles choiran, har kran le, har te wals les kek soor. Un i sapa dandran len. Un jon meran.

Debleskri gili 78:41

Pale te pale kaman le te dikell, hoi job haiwella. Jaake dan le leske an o dji, koleske, kai kokres o tchatcho Dewel hi, o Dewel pral o Israel.

Debleskri gili 78:18

An pengre djia patsan le gar, te nai dals len o Dewel ko chapen, pal kowa len bok his.

5. Mose 6:16

Ma krenn jaake, har te wals o baro Dewel gar pash tumende un dals tumen gar kowa, hoi tumen hunte well djipaske, jaake har kowa kran, har hans an o foro Massa!

Hebrearja 3:9

Ninna te dikan le star-deesh bersha, hoi me, o Dewel, lenge krom, patsan le man gar, un mire laba his lenge tchi moldo.

Jesaja 7:12

O Ahas penas: “Me kamau gar te mangap o baro Deblestar, te krell lo tchomone, te sikrell lo, kai lo ap mari rig hi.”

Mateo 4:7

Penas o Jesus: “Ninna hi an o Debleskro lab tchinlo: Rike o Debles gar dineleske, te sikrell lo tut har sorelo job hi.”

Debleskri gili 95:9

Fothe dikan le lauter, hoi lenge krom, patsan le gar, te hom me, o Dewel, mank lende, un nai dau len lauter, hoi len hunte well djipaske.

4. Mose 21:5

Un jon tchingran ap o Debleste un ap o Moseste un penan: “Hoske anal tu men dran o them Egiptia win, te meras mer an o mulo tato them, kai hi kek maro un kek pani? Un menge well djungelo ko chapastar, kai kek thulepen dren hi?”

Bičepangre 15:10

Kamenn tumer, te well o Dewel chojedo ap tumende? Ma tchiwenn pharo koowa ap lende, kai nai hidjran mare phure gar, un mer witar gar!

Bičepangre 5:9

O Petro penas ap late: “Hoske kran tumer kowa win, un chochran o Debles? Kol mursha, kai paskran tiro romes, hi glan o wudar tardo, un hidjrenn ninna tut win.”

Louka 4:12

Koi penas o Jesus ap o bengeste: “O Debleskro lab penella: Rike o Debles gar dineleske, te sikrell lo tut, har sorelo job hi!”

Maleachi 3:15

Doleske sharas mer kolen, kai phurdenn pen pre pral o baro Debleste. Kol tchilatchenge djal mishto. Ninna te krenn le, hoi o Dewel gar kamell, krell lo lenge tchi. Kek bibacht well pral lende.’

Debleskri gili 106:14

An o mulo them lan le bok pal o mass, un patsan gar, te nai dell o baro Dewel len lauter, hoi len hunte well djipaske.

Debleskri gili 78:56

Kolla hadan pen pale te pale ap o Debleste, ko pralstuneste, un kaman gar ap leste te shunell, un rikran gar leskre laba.

4. Mose 14:22

Kol tsele mursha, kai dikan miro railepen un ko baro un sorelo koowa, hoi krom an o them Egiptia un an o mulo tato them, un kaman bud kope gar te patsell, kai hom lentsa, un shunan gar ap kowa, hoi me penom,

2. Mose 17:7

Koi platsa, kai i menshe tchingran ap leste un kai jon gar patsan, te hi o baro Dewel pash lende un dell len kowa, hoi len hunte well, koi platsa das o Mose i laba ‘Massa’ un ‘Meriba’.

Louka 15:12

Ko terneder penas ap peskro dadeste: De man kanna kowa, hoi me lau pal tiro merepen! Un o dad das hakenes peskro kotar.

2. Mose 15:24

Un i menshe wan chojedo ap o Moseste un penan: “Hoi pijas mer?”

1. Samuel 8:6

Kolla his djungele laba glan o Samueleste, te penan le: ‘De men i baro rai, kai o tchatchepen pral mende win rakrella.’ Un o Samuel rakras o baro Debleha koi pral.

4. Mose 14:2

Un i tsele Israelitarja his chojedo ap o Mose un o Aron un penan: “Ach, te merams mer an ko them Egiptia! Te merams kate an o mulo tato them!

2. Mose 5:21

“O baro Debleskri choli well ap tumende! Tumer kran, te ham o Faraeske un leskre pralstunenge har djukle. Kanna hi an lengre wasta, te nai marenn le men.”

2. Mose 16:8

Palle penas o Mose: “Ap i rat dell lo tumen mass un taissarlakro jaake bud maro, te wenn tchalo. O baro Dewel shunas, har choiran tumen ap leste. Koon ham mer? Gar ap mende choiran tumen, na-a, han chojedo ap o baro Debleste.”

Debleskri gili 95:8

Ma pandenn tumare djia, har tumare phure kran ap i platsa Meriba un Massa an o mulo tato them.

Debleskri gili 106:13

Sik bistran le lauter, hoi job kras, un putchan gar, hoi job lendar kamell.

5. Mose 9:22

Ninna kran tumer tumaro baro Debles chojedo, har hans an Tabera un Massa un Kibrot-Taawa.