2. Mose 14:10 - O Debleskro Drom 2021 (Sinte)

¹⁰ Har i Israelitarja pre dikan, un dikan, te lell len o Farao peskre lurdentsa palla, was i bari traash pral lende. Un jon dan ap o baro Debleste gole.

O Debleskro Lab 2024 (Sinte-Manouche)

¹⁰ Har i Israelitarya pre dikan, oun dikan, te lell len o Farao peskre lourdentsa palla, vas i bari traash pral lende. Oun yon dan ap o baro Debleste gole.

2. Mose 14:10 Referans Kwoze

Debleskri gili 107:6

Har lenge jaake djungeles djas, dan le gole ap o baro Debleste. Un job las len win dran lengri daar.

Debleskri gili 34:17

O baro Dewel hi gar kolentsa, kai o tchilatchepen krenna, un krell, te wenn le sik bistedo pal lengro merepen.

Nehemia 9:9

Un tu dikal o pharo djipen mare phurendar an o them Egiptia, un shunal lengri gole, har his le pash o Baro Lolo Pani.

Josua 24:7

kote dan le gole ap mande, o baro Debleste. Un me tchiwom rati mashkral lende un i Egiptarjen. Un mukom o baro pani pral i Egiptarjen te well. Un o pani tchakras len. Un tumare phure dikan pengre jakentsa, hoi me ap i Egiptarjen krom. Un tumer djiwan i rah tsiro an o mulo them.

Debleskri gili 106:44

Un te dan le gole ap leste an pengre duka, un job dikas, har djungeles lenge djal,

Debleskri gili 53:5

“Kolla, kai o tchilatcho koowa krenna, haiwenn tchi”, penell o Dewel, – “kolla, kai mire menshen chana har i kotar maro. Man denn le gar an-gole.”

2. Familjakro liil 18:31

Un har i pralstune pral i wurdja o Josafates dikan, patsan jon, kai job o rai pral o them Israel hi, un djan trul leste, te kurenn le pen leha. Kote mukas o Josafat i gole. Un o baro Dewel was ap leskri rig, un kras te rissran le pen lestar krik.

1. Johanni 4:18

Kones o Debleskro kamlepen an peste hi, koles hi kek traash. O Debleskro kamlepen tradell i traash win. Koon trashella, te nai lell lo i phagi, koles hi gar o tselo Debleskro kamlepen an peste.

Jeremia 22:23

Kanna hi tiro baro rai beshdo ap i berga Libanon, un mukell peske mishto te djal an khera dran zedertikro kasht. Sik well koi phagi pral leste. Un palle dell lo gole i dukatar, har i djuwel, kai lell i ternepen.

Jesaja 26:16

Baro Dewel, an o pharo tsiro rodan tire menshe tut. Har dal len i phagi, dan le darenes ap tute gole.

Jesaja 7:2

Un har o baro rajeske pral Juda penlo was, kai tchiwan i Syrarja pengre plachtene khera pre an o Efrajimeskro them, kote trissas lo i trashatar. Un ninna i tsele menshe an Juda trissan jaake har i ruka an i wesha trissenn, te phurdell i sorelo ducho.

Debleskri gili 107:28

Har lenge jaake phares his, dan le gole ap o baro Debleste, un job las len win dran pengri daar,

Debleskri gili 107:19

Har lenge jaake djungeles djas, dan le gole ap o baro Debleste. Un job las len win dran lengri daar,

Debleskri gili 107:13

Har lenge jaake djungeles djas, dan le gole ap o baro Debleste. Un job las len win dran lengri daar,

2. Mose 15:25

Koi das lo gole ap o baro Debleste. Un o baro Dewel sikras les i kotar kasht. Kowa witsras lo an o pani, un o pani was latcho. Kote das o baro Dewel len laba, hoi sikrenna, hoi lo lendar kamell, un har te djiwenn le an leskro tchatchepen. Un kote kamas lo ninna te dikell, te shunenn le ap leste.

5. Mose 9:7

Ma bistrenn, har choiran tumaro baro Debles an o mulo them, Ko diwesseha har djan tumer win dran o them Egiptia bis te wan kate, kai kanna han, kaman gar ap leste te shunell.

Debleskri gili 81:7

Me lom tumendar ko pharo koowa tele, hoi ap tumare phika his, un tumare wasta hunte hidjrenn buder gar kol phare barra.

2. Mose 13:17

Un har mukas o Farao i menshen te djal, anas len o baro Dewel gar mashkral o them, kai i Filistarja djiwenn, ninna te his kau drom o tikneder. O baro Dewel penas peske: “Te dikenn i Israelitarja, kai hunte kurenn le pen, nai khaitals len kowa. Un jon kamenn pale pale an o them Egiptia te djal.”

Josua 24:6

Un har anom len win, lan len i Egiptarja palla pengre kurepaskre wurdjentsa un grajentsa. Un har tumare phure pash o Baro Lolo Pani wan,