2. Mose 13:17 - O Debleskro Drom 2021 (Sinte)

¹⁷ Un har mukas o Farao i menshen te djal, anas len o baro Dewel gar mashkral o them, kai i Filistarja djiwenn, ninna te his kau drom o tikneder. O baro Dewel penas peske: “Te dikenn i Israelitarja, kai hunte kurenn le pen, nai khaitals len kowa. Un jon kamenn pale pale an o them Egiptia te djal.”

O Debleskro Lab 2024 (Sinte-Manouche)

¹⁷ Oun har moukas o Farao i menshen te djal, anas len o baro Devel gar mashkral o them, kay i Filistarya djivenn, ninna te his kava drom o tikneder. O baro Devel penas peske: “Te dikenn i Israelitarya, kay hounte kourenn le pen, nay khaytals len kova. Oun yon kamenn pale pale an o them Egiptia te djal.”

2. Mose 13:17 Referans Kwoze

Nehemia 9:17

Un jon kaman gar te krell, hoi tu lenge penal, un bistran ko tselo baro koowa, hoi tu lenge kral, hoi kek wawar nai krella. Jon kran pengre djia pandlo har bar. Un rodan jekes win, te well lo lengro rai, un anell len pale an o them Egiptia, an pengro pandepen. Tu hal i Dewel, kai i doosh krik lell, un hal kamlo un kreh tiro dji pre i menshenge. Tu weh gar sik chojedo un tiro latchepen hi baro. Un tu djal gar lendar.

1. Rajengro liil 8:47

Un te lenn tire menshe les penge ap o dji an ko wawar them, kai jon pandle hi, un jon kamenn pale tiro drom te djal un mangenn pen tele glan tute un penenna: “Mer anam doosh ap mende un kram tchilatchepen un mukam tiro drom.”

Bičepangre 7:39

Mare phure kaman gar ap leste te shunell un kran, hoi jon kaman. Jon kaman te djiwell, har jon an o them Egiptia djiwan.

5. Mose 20:8

Un i pralstune hunte putchenn i murshendar pale: Hi mank tumende jek, koles daar hi, un koleskro dji trissella? Kowa hunte djal pale an peskro kheer, te krell lo gar i djia peskre phralendar darenes.

Bičepangre 15:38

O Paulo penas ap o Barnabeste: “Kowa hi gar mishto, te las o Markes peha. Job mukas men an o them Pamfilia kokres, djas peske, un budras gar mentsa.”

5. Mose 17:16

Tumaro rajes hunte well gar bud graja un hunte bitchrell gar i Israelitarjen pale an o them Egiptia, te ginenn le leske graja. O baro Dewel penas tumenge, te djan tumer kau drom gar buder pale.

Čačepangre 7:3

Un kanna de gole glan i kanda i tsele lurdendar: ‘Kones daar hi, kowa djal i berga Gilead tele un djal khere!’” Kowa kras o Gideon. Un 22.000 (biish-te-dui-serja) mursha djan khere. Un 10.000 (deesh-serja) mursha atchan pash o Gideon.

Hebrearja 11:27

Dran peskro patsepen djas o Mose win dran o them Egiptia, un daras gar o baro rajestar pral o them Egiptia, te well job chojedo ap leste. Na-a. Job rikras jaake ap o Debleste, koles kek nai dikella, har te dikals les lo peskre jakentsa.

2. Mose 14:10

Har i Israelitarja pre dikan, un dikan, te lell len o Farao peskre lurdentsa palla, was i bari traash pral lende. Un jon dan ap o baro Debleste gole.

5. Mose 28:68

Un o baro Dewel anell tumen ap i shiffe pale an o them Egiptia, ap ko drom, kolestar me penom: “Kote hunte djan tumer gar pale!” Un kote kamenn tumer kolenge te budrell, kai dikenn tchilatches ap tumentsa. Lenge kamenn tumen te bikrell, te wenn lengre budepangre. Un kek kamell tumen te ginell.