2. Mose 12:43 - O Debleskro Drom 2021 (Sinte)

⁴³ Un o baro Dewel rakras ap o Mose un ap o Aron: “Hako kopo, kai chan tumer o chapen, hoi kharella Passa, rikrenn tumen ap kal laba: Kek wi-themari chal kau chapen.

O Debleskro Lab 2024 (Sinte-Manouche)

⁴³ Oun o baro Devel rakras ap o Mose oun ap o Aron: “Hako kopo, kay rhan t'mer o rhapen, hoy kharella Passa, rikrenn t'men ap kal laba: Kek vi-themari rhal kava rhapen.

2. Mose 12:43 Referans Kwoze

2. Mose 12:48

Te djiwell i wi-themari pash tumende, kai kamell o baro Debleske o Passa te chal, palle hunte well hako mursh an leskri familja tchinlo ap peskro mass. Kowa te kras lo, palle well lo, un nai chal lo. Un job well har jek tumendar. Kowa, kai gar tchinlo hi ap peskro mass, kowa chal ko Passa gar.

4. Mose 9:14

Un te hi jek mank tumende, kai gar tumendar hi, un kowa kamell ninna o baro Debleske o diwes Passa te rikrell, jaake nai krell job kowa jaake, har tumenge penom, pal mire tsele laba. Kol laba hi leske har tumenge.

2. Mose 12:11

Jaake hunte chan les: trul tumaro per i dori pandlo, i kircha ap tumare herja, un i kasht an tumaro wast. Chan o chapen sik! Ko chapen kharell Passa. Tumer chan les, te sharenn man, tumaro baro Debles.

Efesarja 2:12

Ap ko tsiro prindjran tumer o Jesus Kristes gar un hans gar o Debleskre menshendar. Ko latcho koowa, hoi o Dewel peskre menshenge penas, te dell lo len, his gar tumenge. Tumer prindjran o Debles gar, un djiwan har an i kali rat un dikan kek momeli glan tumende.

3. Mose 22:10

Kek wawar chal fun ko chapen, hoi mange anlo well, witar gar kowa, kai jek tsiro pash o rashajeste djiwell, oder kowa, kai i diwes pash o rashajeste budrell un lestar plaissedo well.

1. Samuel 2:27

Un i Debleskro mursh djas pash o Eli un penas leske: Kawa penell o baro Dewel: Tu djineh mishto, har krom man prindjedo pash tire phurende, pash o kheer Aron, har i Israelitarja an o them Egiptia his un hunte budran o Faraeske.

2. Familjakro liil 30:18

Bud kol menshendar dran i khera Efrajim, Manasse, Issachar un Sebulon, kran pen gar djudjo un chan ko chapen ‘Passa’ gar jaake, har glan-tchinlo his. Doleske mangas o Hiskija o baro Debles lenge un penas: “Tu, baro Dewel, ko Dewel mare phurendar, hal latches menge, me mangau tut, ab kamles halauterenge, kai rodenn tut o tselo djijeha, tut, o baro Debles, ninna te kran le pen gar jaake djudjo tuke, har hunte krans le!”

Ezekiel 44:7

Tumer mukan wawar menshen an miro kheer dren, sawen kolengro dji gar mange hi, un kai hi gar tchinlo ap pengro mass. Jaake kran, te was miro kheer pale-tchiddo. Jon his koi pashel, har anan tumer chapen un thulepen un rat glan mande. Jaake phagan tumer, hoi mer win kram. Koi pashel well kau tselo djungelo kowa, hoi kran.

3. Mose 22:13

Te meras lakro rom oder mukas lat, un lat hi kek tchawe, un joi djal pale an peskro dadeskro kheer, palle nai chal li fun peskro dadeskro chapen jaake har kras li, har li terni his. Kokres kolla dran o rashajeskri familja nai chan fun ko chapen, hoi o baro Debleske anlo was.