2. Mose 12:12 - O Debleskro Drom 2021 (Sinte)

¹² Un me djau an kaja rat mashkral o tselo them Egiptia, un dau i tsele mursh tchawen temerl, kai hi i phureder tchawe pengre dajendar, kolla, kai i menshestar, ninna i viechestar boldo wan. Jaake dau me kolende lauterende i phagi, kai kharenn pen dewel, un kolen i Egiptarja an-mangenna. Me hom o baro Dewel.

O Debleskro Lab 2024 (Sinte-Manouche)

¹² Oun me djau an kaya rat mashkral o tselo them Egiptia, oun dau i tsele morsh čaven temerl, kay hi i phoureder čave pengre dayendar, kolla, kay i menshestar, ninna i firhestar boldo van. Yaake dau me kolende lauterende i phagi, kay kharenn pen devel, oun kolen i Egiptarya an-mangenna. Me hom o baro Devel.

2. Mose 12:12 Referans Kwoze

4. Mose 33:4

har kolla pengre phureder mursh tchawen paskran, kolen o baro Dewel maras mashkral lende. Jaake sikras lo i Egiptarende, te hi lo sorleder har lengre debla.

2. Mose 12:23

Un o baro Dewel djala mashkral o them, te dell lo i Egiptarja temerl. Te dikell lo o rat pral ap o wudar un ap kol dui kashta, hoi tchatches un serwes pash o wudar hi, palle djal job dureder un mukell koles, kai anell o merepen, gar pash tumende dren te djal, te dell lo jekes tumendar temerl.

Zefanja 2:11

Kanna krell o baro Dewel lenge bari daar, te krell lo i chochene deblen ap i tseli phub paash. Un an hake themma witsrenn pen i menshe glan leste tele, hakeno an peskro them.

Ezekiel 12:16

O charo, i bok un i pharo nasslepen marenn bud lendar. Gar bud lendar mukau djido. Kolla nai penenn kol menshenge, pash lende jon djiwenn, hawo djungelo koowa i Israelitarja kran. Jaake dikenn un haiwenn kolla ninna, te hom me o baro Dewel.

Jeremia 43:13

Un job phagell i bare barra pash o foro Bet-Shemesh an kotja. Un i khera i deblentsa chatchrell lo tele an o them Egiptia.

Jesaja 19:1

Kate sikrell o Dewel, hoi pral o them Egiptia wella: O baro Dewel ulerell ap i sik wolka un well pral o them Egiptia. Un i tsele chochene debla an Egiptia trissenna glan leste. Un i Egiptarenge perell o dji an i cholopja.

Debleskri gili 82:6

Awa, me penom: ‘Tumer han debla, tumer lauter han tchawe o pralstunestar.’

Debleskri gili 82:1

I gili o Asafestar. O Dewel hi tardo mashkral o bolepaskro tsillo, un rakrell o tchatchepen win pral i debla.

2. Mose 6:2

Un o Dewel rakras o Moseha un penas leske: “Me hom o baro Dewel,

Amos 5:17

Ninna an i tsele drakengre themma giwenn le ropaskre gilja. Kowa lauter well pral tumende, te wau me, te dap tumen i phagi. Kowa penau me, o baro Dewel.

1. Familjakro liil 14:12

Har i Filistarja nashan penge, lan le pengre chochene deblen gar pentsa. Un o David penas, te wenn kolla chatchedo.

1. Samuel 5:3

Un har i menshe an o foro Ashdod o wawar diwes taissarlakro pre stan, kote hatsan le o Dagon ap peskro mui tchiddo ap i phub glan o mochton, kai o baro Debleskre deesh laba dren hi. Un jon lan o Dagon un tchiwan les pale kote tardo, kai his lo.

2. Mose 22:28

An ko tsiro, kai aneh tiro djob un tire drake dren, de tiro Debles, hoi leske hi! Tiro phureder mursh tchawes dess tu tiro Debles.

2. Mose 21:6

Palle lell les leskro rai un anell les glan o Debleste, un tchiwell les glan o wudar tardo, un dell i kashteni sub an leskro kand tchurje. Kowa sikrell, te atchell lo peskro tselo djipen leskro budepaskro.

2. Mose 18:11

Kanna haiwom, te hi o baro Dewel bareder har hako wawar dewel. Job las i Israelitarja win dran o wast i Egiptarendar, kai kran pen bares pral lende.”

Debleskri gili 135:8

Job hi kowa, kai das i phureder mursh tchawen mulo an o them Egiptia pash i menshende, ninna pash i viechende,

Jeremia 43:12

Un me mukau kol khera te chatchrell, hoi i Egiptarja pengre deblenge kran. Un lengre debla mukau pandles krik te anell. Un job krell o them Egiptia djudjo i chochene deblendar jaake har i bakrengro i djuwa win lell dran peskri plaashka. Un palle djal lo dureder un kek rikrell les pre.

Jeremia 46:25

O baro Dewel, ko rai pral o bolepen un i phub, kai o Israeleskro Dewel hi, job penell: Me anau i phagi ap ko debleste Amon an o foro No, ninna ap o baro rajeste pral o them Egiptia, un ap o tselo them Egiptia peskre deblentsa un rajentsa. Awa, o Farao un halauter, kai patsenn, te well lo lenge ap i rig, kolla lenn pengri phagi.

2. Mose 9:6

Un o baro Dewel kras kowa ap o wawar diwes jaake. Un i tsele vieche, hoi i Egiptarjen his, meran. Kol viechendar, hoi i Israelitarjen his, meras kek viecho.

Debleskri gili 91:7

Ninna te perenn i serja menshe ap tiri rig, un deesh serja ap tiri tchatchi rig, tuke djal tchi.

Debleskri gili 95:3

O baro Dewel hi o pralstuno Dewel, o baro rai pral i tsele debla.