2. Mose 10:12 - O Debleskro Drom 2021 (Sinte)

¹² Kote penas o baro Dewel ap o Mose: “Hade tiro wast pral o them Egiptia pre, te wenn i stepangre pral o tselo them, un chan lauter hoi pral atchas, har o barrengro brishin ap o them peras.”

O Debleskro Lab 2024 (Sinte-Manouche)

¹² Kote penas o baro Devel ap o Mose: “Hade tiro vast pral o them Egiptia pre, te venn i stepangre pral o tselo them, oun rhan lauter hoy pral ačas, har o barrengro brishin ap o them peras.”

2. Mose 10:12 Referans Kwoze

2. Mose 7:19

Un o baro Dewel penas ap o Mose: “Pen ap o Aron: Le tiro kasht un rike tiro wast pral i panja an o them Egiptia: pral i panja, hoi nashenna un pral o pani, hoi tardo hi. Jaake te well o tselo pani rat an o tselo them Egiptia. Ninna an i khore dran kasht un bar hi palle rat dren.”

Debleskro tsiro 9:3

Dran koi jagakri khand wan stepangre win ap i phub. Kolla lan i soor, te denn le tchurje, jaake har i skorpione denn tchurje.

2. Mose 10:15

un tchakran i phub, jaake te was o tselo them kales. Un jon chan o tselo senlepen un lauter, hoi ap i ruka baro was, hoi pral atchas, har o barrengro brishin ap o them peras. Kek senlepen atchas pral ap i ruka un ap i hachetikri phub an o tselo them Egiptia.

Debleskri gili 105:34

Job penas, te wenn stepangre, un stepangre wan, jaake bud, te nai penas kek, kitse jon hi.

2. Mose 9:32

O gib un o wawar djob, hoi gomme gar pre djas, wan gar paash dino.