2. Mose 1:11 - O Debleskro Drom 2021 (Sinte)

¹¹ I Egiptarja tchiwan pralstune pral i Israelitarja. Kolla dan garda te budran i Israelitarja phares, un jaake rikran le len tele. Un jon kran i forja Pitom un Ramses, te well kote o chapen tchiddo o baro rajeske, o Farao.

O Debleskro Lab 2024 (Sinte-Manouche)

¹¹ I Egiptarya čivan pralstoune pral i Israelitarya. Kolla dan garda te boudran i Israelitarya phares, oun yaake rikran le len tele. Oun yon kran i forya Pitom oun Ramses, te vell kote o rhapen čiddo o baro rayeske, o Farao.

2. Mose 1:11 Referans Kwoze

1. Mose 15:13

Un o Dewel penas ap o Abrameste: “Tchatchepah, tu djiness: Tire menshe, kai tutar wenna, wenn wi-themarja an i them, kai gar lengro hi. Un i menshe an ko them djan soreles ap lende un krenn budepangre lendar. Un jon hunte budrenn lenge 400 (star-sheel) bersha.

2. Mose 3:7

Un o baro Dewel penas: “Me dikom har djungelo mire menshenge djala an o them Egiptia. Me shunom lengri gole, har dan i pralstune chale len dawa. Me prindjrau lengre duka.

2. Mose 2:11

Har his o Mose baro, was i diwes, kai djas lo pash peskre menshende. Koi dikas job har jon phares hunte budrenn, un har das jek Egiptari i Hebreares.

1. Mose 47:11

Un o Josef sikras peskro dadeste un peskre phralende, kai jon djiwenn nai. Un das len o feteder kotar them, hoi an o them Egiptia his, ko them Ramses, jaake har o baro rai penas.

Debleskri gili 81:6

Kowa penas o Dewel o Josefeskre menshenge, har djas lo an o kurepen khatar i Egiptarja. Shunau i rakepen, hoi me gar prindjrom:

5. Mose 26:6

Un i Egiptarja kran menge tchilatchepen un rikran men tele. Mer hunte budran lenge tel dawa.

4. Mose 20:15

kai mare phure an o them Egiptia djan, un mer i rah tsiro an o them Egiptia djiwam, un kai kol Egiptarja menge un mare phurenge o djipen phares kran.

Gosewe laba 27:4

I choli hi diwjo un sorelo har i sorelo pani, hoi lauter peha krik tserdell. Koon nai atchell tardo te silwerell i mursh?

Debleskri gili 105:13

Un jon djan jek themestar an o wawar, djan trujel an bud rajengre themma.

Debleskri gili 68:13

“I bare raja nashenn penge, lengre lurde hi ap o naashepen, un kowa hoi jon hunte mukan tchiddo, hi budeder har bud. Un khere denn i djuwja hakenes kolestar.

2. Familjakro liil 8:4

Un job kras ko foro Tadmor sorleder an o mulo them, un kol wawar forja, hoi his tchiddo pash o foro Hamat, un an kolende job djobengre khera pre tchiwas.

1. Rajengro liil 9:19

un i tsele forja, kai leskre djobengre khera his, un i forja, kai leskre wurdja un leskre graja tarde his, un lauter, hoi job kamas te krell an o foro Jerusalem, ninna an o them Libanon, un an o tselo them, koleskro rai job his.

2. Mose 5:15

Koi djan kol Israelitarja, kai ap i budepangre jak dan, pash o Farao un penan leske: “Maro rai, hoske kreh tu jaake mentsa?

2. Mose 1:14

Len his kek dji lenge un kran lengro djipen phares. Un i Israelitarja hunte chatchan barra dran tchik. Ninna hunte budran le phares ap i hachetikri phub.

2. Mose 5:10

Koi djan kol pralstune Egiptarja un kol Israelitarja, kai dan jak ap i budepangre, pash lende un penan lenge: “O Farao penas, te das mer tumen buder kek phuss.

2. Familjakro liil 16:4

Kote shunas o Ben-Hadad ap o baro rajeste Asa, bitchras peskre lurden pengre pralstunentsa, te kurenn le pen i forjentsa an o them Israel. Un jon lan kol forja Ijon, Dan un Abel-Majim dren, ninna i tsele forja, kai djobengre khera dren hi an o them Naftali.

Debleskri gili 129:1

I gili te giwell ap o drom an Jerusalem. Bud kope kran le mange o djipen phares jaake rah har djiwau, – kowa hunte penell o kheer Israel –

2. Mose 5:8

Ninna te hunte tchiwenn le ko phuss penge kokres khetne, hunte krenn le jaake bud barra, har kran le glan kau tsiro. Penenn lenge, te mukenn le gar tele. Jon kamenn gar te budrell. Doleske putchan le mandar, te mukap len te djal, te marenn le viechen lengro debleske.

Debleskri gili 129:2

bud kope kran le mange o djipen phares. Mulo nai dan le man gar.