1. Timoteo 4:16 - O Debleskro Drom 2021 (Sinte)

¹⁶ De garda ap tute, har tu djiweh un har tu sikreh o Debleskro drom! Kre ko koowa, hoi tuke penom! Jaake djah tu ap o drom pash o Debleste. Un kolla, kai shunenn ap kowa, hoi tu peneh, aneh tu ninna ap ko drom.

O Debleskro Lab 2024 (Sinte-Manouche)

¹⁶ De garda ap toute, har tou djiveh oun har tou sikreh o Debleskro drom! Kre ko koova, hoy touke penom! Yaake djah tou ap o drom pash o Debleste. Oun kolla, kay shounenn ap kova, hoy tou peneh, aneh tou ninna ap ko drom.

1. Timoteo 4:16 Referans Kwoze

Tito 1:9

Job rikrell pes ap o Debleskro lab jaake, har kowa leske penlo was, un tchatcho hi. Palle nai rakrell lo i patslenge an o dji, te atchenn le ap o tchatcho drom. Ninna nai sikrell lo kolende, kai wawar koowa rakrenna, kai lengro gar tchatcho hi.

Tito 2:7

An hako koowa sike lende, har tu kowa kreh, te krenn le ninna latcho koowa! Pen o Debleskro lab an o tchatchepen, te djal les hakeneske an o dji!

1. Familjakro liil 28:10

Doleske de tut jak, o baro Dewel rodas tut win, te kress i kheer leske. Ab sorelo, un kre tut ap i budi!”

2. Timoteo 4:2

Pen i menshenge o Debleskro lab! Kre kowa un muk gar tele, ninna te kamenn i menshe kowa gar te shunell! Sike len lengri doosh! De len trad, te mukenn le o tchilatchepen! Kre lengre djia soreles an o patsepen! Un ab gar khino, te sikress len o tchatcho drom!

Efesarja 4:14

Palle ham buder gar har tikne tchawe, kai lauter patsenna, kau diwes jaake un ko wawar diwes wawartchandes. Un mer shunah buder gar ap kolende, kai chochenna, un kamenn men o tchatcho dromestar tele te anell.

Hebrearja 13:9

Te hi menshe koi, kai sikrenn tumen wawar dromma un kamenn tumen o Debleskro dromestar tele te anell, palle patsenn lenge gar! Har shukar hi kowa, te wenn tumer sorelo an o dji! Kowa krell o Dewel, kai hi jaake latcho ap tumende. Kolla, kai penenn tumenge, hoi te chan un hoi te chan gar, kolla nai krenn gar tumaro patsepen soreles. Lengre laba hi tchi moldo.

Hebrearja 12:15

Denn jak, te tchiwell kek o Debleskro latchepen ap i rig! Denn jak, te djal kek tchilatcho rakepen mashkral tumende trujel, un krell o patsepen bud patslendar paash! Sawo rakepen hi har i tchilatcho chuchur, hoi krell kolen nasselo, kai les chana.

2. Timoteo 3:14

Tu, Timoteo, atch pash kowa, hoi tuke penlo was, un hoi tu patseh! Tu djineh, koon tuke kowa lauter penas.

Louka 21:34

“Denn garda, te well tumaro dji gar pherdo phubjakro koowa, jaake te bistrenn o Debles! Pijenn tumen gar mato! Ma darenn tumaro djipaske! Denn jak, te well ko diwes gar ap jek kopo ap tumende jaake, te han tumer tapedo!

Jesaja 55:11

Jaake hi kol laba, hoi dran miro mui win djan. Jon wenn tchatcho, un kowa, hoi penom, well jaake har me kamau. Un kowa, hoi mange glan lom, well jaake kerdo.

1. Timoteo 4:6

Te peneh tu kau koowa i patslenge, hal tu o Jesuseskro latcho budepaskro. Jaake sikreh, kai djiweh pal o latcho lab o Jesus Kristestar, hoi tu shunal un patsal, un kai djah tu dureder ap o Debleskro drom!

1. Timoteo 1:3

Tu djineh, har me tuke penom, te atchess an o foro Efesus. Kowa mangom tutar, har me an o them Macedonia djom. An o foro Efesus hi menshe, kai sikrenn i patslende i chocheno drom, hoi anell len gar pash o Debleste. Kolenge peness, te mukenn le kowa.

Remarja 16:17

Mire phrala, me mangau tumen, denn jak, te shunenn tumer gar ap kolende, kai anenn tchingepen mank i patslende un sikrenn o Debleskro drom wawartchandes har kowa, hoi tumende siklo was, un krenn tumaro patsepen paash! Rikrenn tumen lendar pale!

2. Timoteo 2:10

Me lau kowa lauter ap mande kol menshenge, kolen o Dewel win rodas, te lenn jon o djipen un o railepen, hoi gar pre-herella. Kowa dell len o Jesus Kristo.

1. Korintarja 9:27

Un me dau jak ap mande, te wap o rai pral miro mass. Me kamau gar te penap i menshenge, hoi jon hunte krenna, un me kokres krau les gar.

Bičepangre 6:4

Mer kamah o Debles an-mangell, un i menshenge o Debleskro lab te penell.”

Markus 13:9

Denn jak ap tumende! Tumer wenn glan i tchatchepangre anlo, un chan dawa an i biboldengre kangria. Tumer patsenn ap mande. Doleske anenn le tumen glan i pralstune un glan i bare rajende, te rakrenn jon i phagi win pral tumende. Te han glan lende tardo, palle nai rakrenn tumer mandar, te shunenn jon pral mande o tchatchepen.

Jeremia 23:22

Te wans jon glan mande tardo an miro tsillo, rakrans jon mire laba mire menshenge, un penans lenge, te mukenn le pengro tchilatcho drom un pengro tchilatcho koowa, hoi kran le.

Jakobo 5:20

palle las kawa les dran o merepen win, te djal job gar nashedo. Un leskri bud doosh hi lestar krik lino.

Tito 2:15

Pen kawa lauter i patslenge! Rake an lengre djia! Te krenn le tchomone, hoi gar mishto hi, pen les lenge an o Debleskri soor! Hakeno hunte shunell ap tute.

Kolossarja 4:17

Penenn ap o Archippo: Kre koi budi, hoi o rai Jesus tut das! Muk gar tele!

1. Korintarja 9:22

Pash kolende, kai hi gar soreles an o patsepen, djiwau me jaake har jon djiwenna. Kowa krau me, te well lengro patsepen ap o Jesuseste soreles. Me wom lauterenge jaake har jon, te rodap i drom, te anap len pash o Jesus Kristeste.

Remarja 11:14

Me kamaus, te silwerenn mire menshe ap tumende, te anap nai kolendar ninna ap o Jesuseskro drom.

Remarja 2:7

Kolen, kai mukan gar tele, te krenn le o latchepen, dell lo o djipen, hoi gar pre-herella. Jon hi kolla, kai tchiwan pengro dji koi pre, te dikell o Dewel kamles ap lende, un te lell lo len pash peste an leskro railepen, kai dell lo len o djipen, hoi gar pre-herella.

Bičepangre 26:22

O Dewel his hako diwes pash mande. Un kanna hom kate tardo, un penau barenge un tiknenge, hoi o Dewel kras. Me penau tchi wawares, har kol Debleskre rakepangre un o Mose glan i rah tsiro penan.

2. Familjakro liil 19:6

un penas ap lende: Denn garda, har rakrenn o tchatchepen win pral i menshende! Tumer rakrenn an o lab o baro Deblestar un gar an o lab i menshendar. Un job hi tumentsa, te rakrenn tchatchepaskre laba win.

Filemon 1:19

Me, o Paulo, tchinau kowa kokres miro wasteha. Me kamau plaissrell, hoi job hunte plaissrals tuke. Me kamau gar te rakrap pral koi sijaan, hoi tut pash mande hi: Me anom tut ap o Debleskro drom.

1. Tessalonikarja 2:16

Jon mukenn men gar, te penas mer o latcho lab i wawarenge, kai kek bibolde hi, te nai wenn kolla ninna ap o Debleskro drom. Jaake was i biboldengri doosh jaake baro, bareder djal gar. Un o Debleskri choli was soreles pral lende.

2. Mose 23:13

Denn jak un rikrenn ap lauter, hoi me tumenge penom! Ma mangenn wawar deblen an! Lengre laba hunte wenn gar dran tumare muja win!

1. Korintarja 1:21

Ninna te dikenn i menshe o Debleskro goswepen an halauter, hoi job kras, prindjran jon pengro goswepah o Debles gar. Doleske hatsas o Dewel i wawar drom. Job lell kol menshen dran o tchilatchepen win, kai patsenn ap o rakepen pral o Jesuseskro merepen ap o trushel. Kol wawar menshe, kai gar patsenna, penenna: “Kowa hi i dinelo rakepen, hoi tumer kate rakrenna.”

1. Timoteo 4:15

Kre kowa lauter tiro tselo djijeha un tiri tseli sorjah, te dikell hakeno, kai tiro patsepen bareder wella!