1. Timoteo 3:12 - O Debleskro Drom 2021 (Sinte)

¹² I mursh, kai budrella i patslenge an o Debleskro kheer, les well gar budeder har jek romni. Job hunte well i latcho dad peskre tchawenge, un i latcho rai pral peskro kheer.

O Debleskro Lab 2024 (Sinte-Manouche)

¹² I morsh, kay boudrella i patslenge an o Debleskro kheer, les vell gar boudeder har yek romni. Yob hounte vell i lačo dad peskre čavenge, oun i lačo ray pral peskro kheer.

1. Timoteo 3:12 Referans Kwoze

1. Timoteo 3:2

I phureder hunte djiwell jaake, te hatsell kek i doosh ap leste. Les well gar budeder har jek romni. Job rakrell kek dinelo koowa, un dell pes jak, hoi job rakrell un krell. Job mukell pes gar an djungelo koowa te tserdell. Job lell i wawaren latches an peskro kheer dren. Job sikrell mishto o Debleskro drom.

Filiparja 1:1

Mer, o Paulo un o Timoteo, tchinah kau liil. Mer budrah o Jesus Kristeske, un tchinah kau liil ap lauterende, kolen o Dewel win gole das an o foro Filipi, te patsenn le ap o Jesus Kristeste. Kau liil hi ninna i pralstunenge, kai denn garda ap i patslende, ninna kolenge, kai krenn o Debleskri budi mashkral i patslende.

1. Timoteo 3:8

Jaake har i phureder mank i patslende hunte djiwenn latches glan i menshengre jaka, jaake hunte djiwenn kolla ninna, kai budrenn i patslenge an o Debleskro kheer. Jon te rakrenn gar dui tchipjentsa. Jon te wenn kek pipangre. Jon te nashenn gar pal i lowe.