1. Timoteo 2:2 - O Debleskro Drom 2021 (Sinte)

² Mangenn lestar, te dell lo i rajen un i pralstunen o goswepen, te krenn le pengri budi mishto, jaake te djiwas nai an o latchepen, te djas mer o Debleskro drom, te nai rakrenn i menshe gar djungeles pral mende!

O Debleskro Lab 2024 (Sinte-Manouche)

² Mangenn lestar, te dell lo i rayen oun i pralstunen o gosvepen, te krenn le pengri boudi mishto, yaake te djivas nay an o lačepen, te djas mer o Debleskro drom, te nay rakrenn i menshe gar djoungeles pral mende!

1. Timoteo 2:2 Referans Kwoze

Esra 6:10

Palle nai chatchrenn le kol viechen jaake o bolepaskro Debleske, te dikell lo latches ap lende, un jon nai mangenn lestar latchepen mange, miro djipen un koleske mire tchawendar.

Jeremia 29:7

Rodenn koi pal, te djal mishto o foreske, kai mukom tumen te anell. Un mangenn ko foreske mandar latchepen! Te djal o foreske mishto, djal tumenge ninna mishto.

Gosewe laba 24:21

Miro tchawo, djib glan o baro Debleskre jaka un kre, hoi o baro rai tutar kamella! Ma dja kolentsa, kai wawaren ap lende pre anenn!

1. Tessalonikarja 4:11

Djiwenn tumaro djipen jaake, te nai rakrenn i menshe gar djungeles pral tumende! Krenn tumari budi! Budrenn jaake, te well tumen doha djipaske, jaake har tumenge penam!

Nehemia 1:11

Ach rai, shun ap miro mangepen un ap o mangepen kolendar, kai ninna tire budepangre hi, kai mangenn tut o djijestar an. Jaake muk kowa mishto te djal, hoi man glan hi, un kre, te dikell o baro rai, o Artaxerxes, latches ap mande.” An ko tsiro homs ko mursh, dran koleskro wast o pipen o baro rajeske was.

Hebrearja 12:14

Krenn lauter, te well tumen kek tchingepen i wawar menshentsa! Tchiwrenn o tselo tchilatchepen dran tumende win! Kek mensho dikell o Debles, te mukell lo o tchilatchepen an peste te djiwell.

Remarja 12:18

Jaake bud har djala un ap tumende hi, djiwenn lauterentsa kamles khetne!

Debleskri gili 72:1

I gili o Salomestar. Mo Dewel, de tiro tchatchepen o baro rajeste an o dji, te rakrell lo o tchatchepen jaake har tu o tchatchepen rakrals.

Filiparja 4:8

Pale penau tumenge, mire phrala, rakrenn pral kowa, hoi latcho un tchatcho hi, hoi djudjo hi, hoi kamlo hi, hoi mishto hi pash i menshende! Awa, rakrenn pral lauter kowa, hoi shukar hi un well sharedo!

Bičepangre 24:16

Doleske krau lauter te djiwap jaake, te well man hako tsiro i djudjo dji glan o Debleste un glan i menshende.

Bičepangre 10:22

Penan le: “O Kornelio, ko pralstuno i lurdendar, bitchras men. Kowa hi i latcho mursh, un patsell ap o Debleste. I tsele bibolde rakrenn latches pral leste. I Debleskro bolepaskro penas ap leste, te lell job tut an peskro kheer, un te shunell job, hoi tu leske kameh te penell.”

Louka 2:25

Ap ko tsiro djiwas an o foro Jerusalem i mursh. Leskro lab his Simeon. Kowa patsas ap o Debleste, un djiwas jaake, har o Dewel kowa kamas. Un job dikas ap ko tsiro, kai lell o Dewel i bibacht i Israeleskre menshendar krik. O Simeon his pherdo Debleskro Ducho.

Louka 1:6

O Zachari un i Elisabet his latcho an o Debleskre jaka. Un jon shunan ap o Debleste, un kran lauter, hoi an o Debleskro lab tchinlo his.

2. Samuel 20:19

Maro foro hi jek kol forjendar, kai krell kek tchingepen, un mukell pes gar ap i wawar rig te tserdell. Maro foro hi har i dai an Israel, un tu kameh lat mulo te krell? Hoske kameh tu o baro Debleskro them paash te krell?”