1. Timoteo 1:11 - O Debleskro Drom 2021 (Sinte)

¹¹ Jaake penell menge o latcho lab, hoi das o Dewel an mire wasta, te penap kowa i menshenge. Ko lab sikrell men o Debleskro railepen. Lestar well o tselo latchepen.

O Debleskro Lab 2024 (Sinte-Manouche)

¹¹ Yaake penell menge o lačo lab, hoy das o Devel an mire vasta, te penap kova i menshenge. Ko lab sikrell men o Debleskro raylepen. Lestar vell o tselo lačepen.

1. Timoteo 1:11 Referans Kwoze

Galatarja 2:7

Jon haiwan, kai mange o Jesus penas, te djap pash kolende, kai kek bibolde hi, te sikrap lende leskro drom, jaake har o Petro o Jesuseskro drom i biboldende sikrella.

Tito 1:3

Un kanna, kai o tchatcho tsiro was, mukell lo hakeneske peskro lab te haiwell. Maro Dewel, kai men dran o tchilatchepen un o merepen win lella, job bitchras man, te penap kowa i menshenge.

1. Timoteo 6:15

Job wella ap o tchatcho tsiro. Ko tsiro djinell o Dewel. Koles sharah mer! Job kokres hi o baro rai, un bareder un sorleder har lauter. Job hi ko baro rai pral i tsele rajende.

2. Korintarja 4:4

Jon patsenn gar ap leste. O beng, kai o rai hi pral kai phub, kras len korelo, te dikenn le gar, hawo latchepen well dran o latcho lab o Jesus Kristestar. Ko lab sikrell men o Jesuseskro railepen. Un job hi jaake har o Dewel.

Remarja 2:16

Lauter kowa, hoi an o mensheskro dji hi, well diklo ap ko diwes, kai hi o Jesus Kristo o tchatchepaskro rai un rakrell o tchatchepen win pral i menshende. Jaake penell les o Debleskro lab, hoi me i menshenge penau.

2. Timoteo 2:2

Tu hals pashel, har penom bud menshen o Debleskro lab. Kowa, hoi shunal mandar, sike kanna wawar patslen, kai krenn, hoi tu lenge peneh, un kolendar tu djineh, te haiwenn le mishto o Debleskro lab te penell!

2. Timoteo 1:14

Kal latche laba hi har i kutch brawlepen, hoi an tiro wast dino was. Rike len! O Debleskro Ducho, kai an tute djiwella, dell tut koi soor, te kress kowa.

2. Timoteo 1:11

O Dewel bitchras man, te penap o latcho lab o Jesus Kristestar i menshenge, un sikrap len leskro drom.

1. Timoteo 6:20

Tu, Timoteo, atch pash kowa, hoi o Dewel an tiro wast tchiwas! Ma shun ap kolende, kai rakrenn laba, hoi tchi moldo hi, un hoi gar o Deblestar wenna! Jon rakrenn dinelo koowa, un patsenn, kai djinenn le budeder har kol wawar. Lengro hi gar tchatcho.

1. Timoteo 2:7

Doleske bitchras man o Dewel pash kolende, kai kek bibolde hi, te penap lenge o latcho lab o Jesus Kristestar, un te sikrap lende o tchatcho patsepen. Man hi o Jesuseskro wast. Kowa hi o tchatchepen. Me chochau gar.

1. Tessalonikarja 2:4

Na-a, o Debleske ham moldo, te das lo men koi budi, te sikras mer i menshende o Jesuseskro drom. Doleske rakrah mer lestar. Kowa krah gar, te dikenn i menshe latches ap mende, na-a, mer kamah, te dikell o Dewel latches ap mende. Job djinella, hoi an maro dji hi.

Kolossarja 1:25

Lengro budepaskro wom me. O Dewel das man koi budi, te penap tumenge o tselo Debleskro lab.

Efesarja 3:10

Kanna dikenn i raja un i pralstune an o bolepen, har baro o Debleskro goswepen hi. Kowa dikenn le ap kowa, hoi job i patslenge kras.

Efesarja 2:7

Jaake baro hi leskro latchepen ap mende, kai patsah ap o Jesus Kristeste. Ninna an ko tsiro, hoi wella, dikenna i menshe, har baro leskro latchepen ap mende hi.

Efesarja 1:12

Doleske sharas mer maro baro Debles! I rah tsiro das maro dji pal o Kristeste gole, ko baro rajeste, kolestar o Dewel penas, te well job. Un kanna hi lo kai.

Efesarja 1:6

te sharas mer leskro baro latchepen. Job his jaake latcho ap mende, te das lo peskro kamlo tchawes menge!

2. Korintarja 4:6

An o phuro tsiro, kai his halauter kali rat, penas o Dewel, te well diwes. Un koi was diwes. Jaake kras lo ninna mare djia pre, te atchas gar tamlo an mare djia, te haiwas mer o Debleskro railepen. Kowa dikah, te dikah ap o Jesus Kristeste.

1. Korintarja 9:17

Te kroms me kowa mandar, palle nai loms me kowa plaissedo. Me krau kowa gar mandar. O Dewel das man koi budi.

Louka 2:14

“Baro hi o Debleskro railepen an o bolepen! O Debleskri bacht well ap i phub. Job dikell latches ap i menshende.”

Debleskri gili 138:2

Glan tiro Debleskro kheer perau tele, un parkrau man pash tute, te kral tiro dji mange pre un rikral tiro lab. Awa, tu dal men budeder har menge penal. Tiro lab hi raileder har i tsele wawar.