1. Samuel 9:17 - O Debleskro Drom 2021 (Sinte)

¹⁷ Har o Samuel o Saules dikas, penas o baro Dewel ap leste: “Dik, kawa hi ko mursh, kolestar me taissar tuke penom, te well lo rai pral mire menshende.”

O Debleskro Lab 2024 (Sinte-Manouche)

¹⁷ Har o Samuel o Saules dikas, penas o baro Devel ap leste: “Dik, kava hi ko morsh, kolestar me taysar touke penom, te vell lo ray pral mire menshende.”

1. Samuel 9:17 Referans Kwoze

Hosea 13:11

Me dom tumen i rai an miri choli, un an i choli lom les tumendar pale krik.

Bičepangre 13:21

Ap ko tsiro mangan le les, te dell lo len i baro rajes. Un o Dewel das len o Saules. Leskro dad his o Kish. Kowa his i mursh kol menshendar, kai wenna pal o Benjamin. Star-deesh bersha his o Saul o baro rai pral mare menshende.

Nehemia 13:25

Un me tchingrom kol murshentsa, praassom len, un dom ninna murshen lendar, un tserdom lengre balla win. Un krom, te denn le pen sowel pash o Debleste, te denn le kek pengre tchendar kol wawarengre tchawende, un lenn kek kolengre tchendar penge un pengre tchawenge.

Nehemia 13:19

Un me penom, te wenn o foreskre wudja pandlo glan te was o Debleskro diwes, an ko tsiro har o kham tele djas, un te wenn le gar pale pre kerdo glan ko tsiro, kai hi o Debleskro diwes trujel. Un me bitchrom murshen an o foreskre wudja, te denn le jak, te well kek koowa an o foro Jerusalem dren hadedo.

1. Samuel 3:13

Job djinas, har peskre tchawe sawo koowa kran, hoi ladj ap mande anas. Un job mukas len kowa te krell. Doleske dau me leskro kheer peskri phagi, hoi atchella hako tsiro ap leste. Kowa penom leske glan i tsiro.

1. Samuel 9:18

Pash o foreskro wudar tapras o Saul o Samueles, un penas ap leste: “Pen mange, kai hi o kheer, kai o dikepaskro djiwell?”

Jeremia 32:8

Un jaake har o baro Dewel mange penas, was o Hanamel, – kowa his miro nebudo – pash mande ap i lurdengri platsa, un rakras mantsa un penas: Gin tuke miro kotar them, hoi pash o foro Anatot an o them Benjamin tchiddo hi; tu hal o ersto mank mare menshende, kai hunte ginell les mandar. Gin tu ko kotar them! Kote haiwom, kai kau lab o baro Deblestar was.