1. Samuel 8:3 - O Debleskro Drom 2021 (Sinte)

³ Jon djan gar o drom har lengro dad, un rodan kowa, hoi lenge o feteder his, un lan tchorchanes lowe, un phagan o tchatchepen.

O Debleskro Lab 2024 (Sinte-Manouche)

³ Yon djan gar o drom har lengro dad, oun rodan kova, hoy lenge o feteder his, oun lan čorrhanes love, oun phagan o čačepen.

1. Samuel 8:3 Referans Kwoze

5. Mose 16:19

Te hal tu i tchatchepaskro, hunte dess tu koles peskro tchatchepen, koon an o tchatchepen hi. Tu dikess gar koi pre, koon glan tute tardo hi. Te dell jek tut kutch koowa, te dess tu les tchatchepen, ma le kowa an! Koon sawo shukar kutch koowa an-lell, well korelo o tchatchepaske, un dikell buder gar, koon an o tchatchepen hi.

1. Timoteo 6:10

Koon pal i lowe hi, perell an hako tchilatchepen. His menshe koi, kai kaman i lowe jaake bud, kai peran le o Debleskro dromestar tele, un dukran pen kokres.

Debleskri gili 15:5

Te patsas lo peskre lowe, lell lo gar budeder lowe pale. Ninna te denn le les shukar koowa, anell lo kek chochepen ap koleste, kai kek tchilatchepen kras. Koon jaake djiwella, kowa hi soreles tardo an peskro djipen.

2. Mose 23:8

Te hi jek an o tchingepen i wawareha un kamell tut te ginell, te dess les tchatchepen, ma le kowa, hoi job kamell tut dell! Koon sau koowa an-lell, well korelo o tchatchepaske un dikell buder gar, koon an o tchatchepen hi.

2. Mose 18:21

Tu, rode tuke dran i tsele menshende tchatche murshen win, hoi ap o Debleste shunenna, sawe mursha, hoi pengro lab rikrenna, un kekes i lowenge chochenna! Un kolen tchip pral i Israelitarja! Kre pralstunen lendar pral i serja, wawaren pral i sheel, un pale pral i paash-sheel un pral deesh.

1. Timoteo 3:3

Job hi kek pipaskro. Job hi kek marepaskro. Les hi i baro dji i wawarenge. Job hi kek tchingepaskro. Job hi gar pal i lowe.

Jesaja 33:15

Kolla, kai an o tchatchepen tardo hi, un rakrenn, hoi tchatcho hi; kolla, kai kekeske chochepah lowe tele lenn, te wenn le brawelo, un tserdenn pengre wasta pale, te kamell jek len lowe te dell, te anenn le chochepen pre; kolla, kai shunenn gar ap kolende, kai kamenn jekes te marell, un kolla, kai djan gar kolentsa, kai o tchilatchepen krenn,

2. Samuel 15:4

Har kamoms, te woms me tchatchepaskro rai an o them! Me doms hakenes peskro tchatchepen, kai wals pash mande, te hi lo an o tchingepen i wawareha.”

Sikepaskro 2:19

Koon djinell, koon kowa hi, kai pal mande well, i gosewo mursh oder i dinelo mursh? Well har wella! Job well o rai pral halauter, koleske man tele marom un gosewes pre tchiwom an miro djipen. Jaake hi kowa ninna tchitcheske.

Debleskri gili 26:10

kolengre wasta pherdo midjak koowa hi, un jon i lowenge chocheno koowa krenn.

2. Mose 23:6

Te hal tu i tchatchepaskro, hunte dess tu koles peskro tchatchepen, koon an o tchatchepen hi, ninna te hi lo tchorwelo.

1. Samuel 2:35

Me mukau mange i rashajes pre te stell, kai peskri budi mishto krell. Job krell lauter jaake, har me kamau un mange shukar hi. Un me krau leske i kheer, hoi atchella. Un job budrella hako tsiro koleske, koles me wi-rodau, te well lo baro rai.

1. Samuel 12:2

Kanna djal job glan tumende. Me wom phuro un mire balla wan parno. Un mire mursh tchawe hi pash tumende. Fun tiknes pre djom glan tumende bis ap kau diwes.

Jesaja 1:23

Tire pralstune hadan pen pral mande un djan khetne i tchorepangre. Un hakeno lendar mukell pes te ginell. Un kol tchawe, kolen kek dai un kek dad hi, kolenge krenn le kek tchatchepen win. Un ko koowa kol djuwjendar, kolengro rom meras, mukenn le gar glan pende te well.

Micha 3:11

Tumare tchatchepangre mursha mukenn pen te makell. Tumare rashaja lenn lowe koleske, hoi le i menshenge penenn. Un i lowenge penenn o Debleskre rakepangre, glan-wi, hoi wella. Un tumer penenn: “O baro Dewel hi ap mari rig. Kek bibacht nai well pral mende.”